العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
Abd-ElrhmaN Hassan

السلام عليكم ورحمة الله وبركاته

ازيكم ياشباب اخباركم ايه
يارب تكونوا بخير

انا النهارده جاي بفكره كدا وعاوز ارائكم وافكاركم عشان تساعدوني ننمي بلدنا ونعمل خير ان شاء الله

الفكره
عنونها
حملة شباب مصر لتوعية اطفال بلدنا لبناء اعمدة مستقبل بلدنا

موضوع الفكره

احنا كشباب حاليا بنشوف الاجيال بتتغير للسوء جيل عن جيل والسياسه بدات تفرقنا وتقعدنا في بيوتنا فحبيت اننا نتحرك ونبني بلدنا صح باننا نجمع مجموعه من شباب الجامعات اللي بيبقي فاضي في الاجازه ونبدا نجمع الاطفال من سن 4 سنين لسن 15 سنه
ونصححلهم الاخطاء الموجوده في جيلنا عشان نشوف مصر احسن لان الاطفال دول لسه عجينه طريه عاوزين نشكلها علي ايدنا صح من (أ) ل (ي)
ففكرنا اننا هنعمل درس اخلاقي يومي نعلم فيه الطفل كل يوم خلق من دينا الحنيف عشان نكون مسلمين فعلا وقولا
وهيكون في كمان نصيحه صحيه يعملها الطفل وننمي النشاطات عند الاطفال ونحاول نكتشف مواهبهم

وبعد كل درس هنوصل الاطفال للمنازل بنفسنا ونشط حملة تانيه وهي حملة افشوا السلام بينكم
وفي اليوم اللي بعده هنبدا نخلي الاطفال يشرحوا لينا الدرس اللي خدهوا ويقولولنا هما نفذوا اللي اتعلموه ازاي

ايه رايكم في الفكره
ولو عندكم اراء تانيه نضمها لفكرتنا ياريت تمدونا بيها

واسف علي الاطاله
ويارب نشوف بلدنا تبقي اعظم بلد




4 
روفان

فكره جميله اوى ياعبده وربنا يجزيك عنها كل خير

بس ياريت تدخل اي حافز فيها هدايا رحلات حاجات كدا يعني دا هيشجع اكتر خاصتا ان سنهم صغير

وفعلا عندك حق مش الاطفال بس ال مش فاهمه دينها صح الكبار كمان بس لما نبدء بالنبت الصغير هيطلع جيل مثقف واعي

ومش شرط تعمق في حجم المعلومه لان سنهم هيبقي صغير انا نفسي بس ننفذ كلنا السلوك الديني في حياتنا اكيد هنحس برقي في التعامل مع بعض

تسلم ايدك


5 
شهد الثورة

مممم طيب ممكن سؤال كدا الاول
الحمله دى هتبأه لتوعيه الاطفال و كدا علشان تكون اخلاقهم عاليه و يعرفو دينهم اكتر وكدا
ولآ علشان يحبو وطنهم اكتر ويبنو فيه
ولا علشان تنمو مواهبهم و تشوفو مين اللى عبفرى مثلا و تديله الوسائل اللى تخليه يخترع ؟




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.