العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

هى الثورة اتسرقت

كاتب الموضوع: DaBoOs، فى قسم: منتدى النقاش الجاد


1 
DaBoOs

انا لما نزلت يوم 25 مع شباب منطقتى
كان جوايا كره للنظام وحقد وغل وكمية مشاعر متراكمة
كان مطالبى هى مطالب اى حد عاوز يعيش كويس
كان كتير من حوالينا شباب وناس ملهمش حزب
وناس ملهمش حركة ولا ليهم رئيس يزعمهم
والحمد لله حصلت نتايج كتير مكنتش اتخيلها ولا انا ولا اى حد
لكـــــــــــــــــــن
اللى شايفه حاليا ان تعب ناس كتير بيتسرق
شباب ماتت واهالى ماتت حزنا على ذوييهم
اطفال بقت يتيمة وستات اترملت وامهات اتقهرت
زى سامح اللى فى توقيعى دة شاب مات عشان هدف
الله يرحمه كان صاحب جدع واخ محترم وجار كويس بشهادة الكل
المهم : انا من حلوان وشايف يفط بتتعلق من الاخوان المسلمين
من نحية وناس تانية كانت مستخبية فى جحورها من نحية تانية
وبيدعوا لمظاهرات لاسباب هما شايفين انها صح وللاسف الناس ماشية وراهم
وناس تانية بتدعو لجمع تواقيع لحاجات برضة مش مفهومة
وناس تالتة بتدعو لتنظيم مسيرات للتحرير لاهداف مش مفهومة


تفتكروا الثورة اتسرقت
ولا بقى كله يبكى على ليلاه
ولا فيه ايه بالظبط
انا عن نفسى مش فاهم
اللى فاهم يفهمنى ... هل دة صح





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.