العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

هنفضل نتجادل كتير كده؟!

كاتب الموضوع: وعد الغرام، فى قسم: منتدى النقاش الجاد


1 
وعد الغرام

مساء الخير
رمضان كريم :)

خلينا ندخل ف الموضوع

الجـــــــدااال

الجدال يعنى انا ليا رأى مختلف عن رأيك

وفتحنا موضوع وبنتكلم فيه ووصلنا لنقطه اختلافنا انت بتحاول تقنعنى بوجه نظرك اوانا بحاول اقنعك بوجه نظرى

احنا كده بنتجادل

انا عن نفسى لما كنت اصغر من كده شويه كنت بجادل واتمسك برأى وافضل اقنع الناس
او الطرف لى قدامى يعنى ومش اسيبه غير لما يقتنع بجد

مش عارفه ليه بعد فتره بدأت لما الاقى حد مختلف معايا ف الرأى
ابتسم ابتسامه ملهاش اى معنى ف الدنيا

واسكت مثلا او اقول رأيك ويحترم

بس مجادله لا والله سورى مش قادره تعالا وقت تانى!!هنفضل نتجادل كتير كده؟! s39.gif

مش عارفه الفكره لان بجد الناس بقت صفه طبيعيه من صفات الانسان انه يكون عنيد
وانا اول الناس دول

وفى ناس لو بدأت فكره المجادله مش هتخلص يعنى لى ف دماغى هوة لى هيكون وهوة اخر كلام هيتقال ومفيش كلام بعد كلامى

سؤال

فيك/ى طبع الجدال؟؟؟ مش حسيتوا بأحساس مش قادر اجادل حد او تكون سلبى وتقول كل واحد له رأى وخلاص؟؟؟

ميرسى لحسن القراءه





2 
عيون حائره

اكيد كلنا بنجادل بعض طول الوقت
بس لو انا مقدرتش اقنع اللي قدامي برأيي مينفعش افرض رأيي عليه
لان لو الموقف بالعكس مش هقبل ان الطرف التاني يفرض رأيه عليا
يبقي اكيد هحترم رأي اللي قدامي
اللي بقي بيضايقني في الجادل بين ناس كتير ان الموضوع بينتهي بخلااااف
مش عارفه ليه لازم الاختلاف في الرأي يقلب بخلاف
ما كل واحد يحترم رأي غيره وخلاص
تسلمي علي التوبيك الجميل ياقمرايه


3 
Wana Maly

انا بصراحة بحب اجادل بس فى الحق مش اكتر
لكن عمرى ما جادلت فى حاجة غلط او حاجة مش واثق منها
ولو حصل فى يوم وجادلت فى حاجة غلط واكتشفت فى الاخر انى كنت غلطان هعتذر للطرف التانى واتقبل رأيه بكل احترام لكن مش هبقى زى ناس اجادل فى الباطل واقول ان انا اللى على حق والطرف التانى غلطان حتى لو الناس فى صفه والناس كلهم بيغلطونى


4 
shere

فيك/ى طبع الجدال؟؟؟ مش حسيتوا بأحساس مش قادر اجادل حد او تكون سلبى وتقول كل واحد له رأى وخلاص؟؟؟

اولا هناك فرق بين الجدال والنقاش !!
النقاش ان الطرفين يوصلو لحل ف الاخر
الجدال ان محدش ف الطرفين هيوصل لحل وفيه ناس كتيره مش فاهمه الفرق بين الاتنين
انا مش فيه الطبع ده انا احب النقاش لان ف الاخر هنوصل لحل من الاتنين ياانا اقنع او اقتنع
وما اديش مجال للنقاش انه يبأه جدال
علشان لو وصل للحد ده ( الجدال ) مش هنوصل لحل ولا حتى حل وسط
لذا انا لو كلمت حد ووصلنا مع بعض لجدال انسحب وبالذات لما يكون عصبى كده مش ها اعرف اقنعه
انما لو مش عصبى ها اقدر احول الفكره دى
والشخصيه دى بأه متعرفيش تتعاملى معاها ابدا لانها مقتنعه 200 ال 100 انها صح والباقى كله غلط
نايس توبيك


5 
روفان

بجادل بس لما اكون واثقه من حاجه معينه وبتنرفز اوى من ال بيجادل وخلاص ال هو خالف تعرف اهو بعترض لمجرد الاعتراض

لكن عمال علي بطال دي صفه مش حلوه خالص وبتنفر الناس منك والبشر بطبيعتهم الاختلاف صعب اوى يجتمعو علي حاجه واحده لولا الازواق لبارت السلعه

تسلم ايدك ياقمرايه



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.