العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

وانا نايمه

كاتب الموضوع: lana a7med، فى قسم: القسم الإسلامى العام


1 
lana a7med

ازيكو ياشباب عاملين ايه
ده اول موضوع ليا يارب يعجبكو
ولو عاجبكو يبقى عايزه تقييم



يا ترى ايه الي بيحصل واحنا نايمين؟؟
يا ترى بتتكتب علينا اعمالنا؟؟وانا نايمه elmstba.com_1344234178_146.gif
طيب ازاي ؟؟
دا احنا نايمين يعني مش بنعمل حاجةوانا نايمه elmstba.com_1344234178_862.gif
ازاي يتكتب علينا سيئات وحسنات واحنا نايمييييين؟؟طيب هنفهم اكتر
تابعو معايا كدا الاحداث دي..
وانا نايمه elmstba.com_1344234179_102.gif

مريم كانت بتكلم صاحبتها علي الفيس بوك

مريم : ماشي ياقمر أنا هخرج من الفيس بوك دلوقتي


صاحبة مريم : متخليكي قاعده معايا شويه


مريم : معلش أنا بنام علي روحي


صاحبة مريم : خلاص ماشي سلام


مريم : سلام


دخلت نامت
وبعدين شافت حلم ................

شافت واحد قاعد وماسك دفتر كبير وقاعد يكتب


مريم: أنت بتكتب أيه


قال : بكتب سيأتك


مريم :سيئات أيه ده أنا نايمه دلوقتي ياعني مبعملش حاجه


قال : لأ سيئاتك بتزيد أهو حتي وأنتي نايمه


مريم : أزاي أنا مش فاهمه حاجه


قال : أنا هفهمك


أنتي حطه صورة الممثله ..... علي بروفايلك في الفيس بوك


اسامه قاعد دلوقتي بيتفرج عليها


مريم : أنا مالي هو اللي مش بيغض بصره


قال : مأنتي ساعدتيه علي كده وكل اللي بيتفرج عليها بتشاركيه في الذنب


مريم : طيب بتكتب أيه تاني


قال : فاكره لما عملتي أبلود للكليب...... علي صفحتك عشان صحابك يشوفوه


مريم : أه




قال : عارفه كام واحد أتفرج عليه وعارفه كمان محمد عجبته وعملها دونلود وأخته بتتفرج عليها دلوقتي


مريم : بس لسه أنت مبطلتش كتابه


قال : لسه سيئاتك بتزيد


فاكره لما دعيتي صحابك عشان يتفرجوا علي المسلسل التركي ............. .وصحابك عجبهم المسلسل وبعتوا لصحابهم عشان يتفرجوا عليه والدعوه بتتنشر


فاكره لما حطيتي صور مهند وصحابك البنات بيتفرجوا عليها غير التعليقات اللي أتكتبت تحت الصور


فاكره لما عملتي لايك للمغني........... وصحابك عملوا زيك


فاكره لما قعدتي تشتمي في اللاعب .............. عشان خبط أبوتريكه في المتش


فاكره لما أشتركتي في الجروب اللي كله أفكار عبيطه وضيعتي فيه وقتك والمصيبه بعتي انفيتيشن لصحابك

وهنا ...
وإستيقظت مريم من النوم مفزوعه
وقالت لنفسها :

......
ألحقي نفسك يامريم قبل ماسيئاتك تكتر أكتر وتموتي وسيئاتك لسه بتزيد .......

وساعتها مش هتعرفي تعملي حاجه .....

وانا نايمه elmstba.com_1344234179_102.gif


دلوقتي فهمنا ازاي انو بنتحاسب واحنا نايمين

من الاخر كده عاجبكو الموضوع ولو معاجبكوش هتعملو تقييم يعنى هتعملو تقييم




2 
زهرة الكاميليا

جميل قوي الموضوع يا لانا ، بس يا ريت ما نساعدش على نشره كحلم ونحوله لموضوع نكلم بيه اللي قدامنا .

ليـــــــــــــــــــــه ؟؟؟

شوفي الفتوى دي :

أعظم الفرى أن يري المرء عينيه ما لم تر
السؤال

- ماهو حكم الذي يقول إنه حلم بشيء ما وهو لم يحلم به؟



الإجابــة
الحمد لله والصلاة والسلام على رسول الله وعلى آله وصحبه أما بعد:

فمن قال رأيت في المنام كذا وهو لم ير ذلك، فإن هذا من أعظم الكذب، وهو من أغلظ المحرمات وأشنعها، وقد روى البخاري عن واثلة بن الأسقع أن النبي صلى الله عليه وسلم قال: "إن من أعظم الفرى أن يدعي الرجل إلى غير أبيه، أو يري عينه ما لم تر، أو يقول على رسول الله صلى الله عليه وسلم ما لم يقل".

وفي رواية أحمد وابن حبان والحاكم: "أن يفتري الرجل على عينيه فيقول: رأيت، ولم ير في المنام شيئاً".
وعَنْ ابْنِ عَبَّاسٍ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ:" مَنْ تَحَلَّمَ بِحُلْمٍ لَمْ يَرَهُ كُلِّفَ أَنْ يَعْقِدَ بَيْنَ شَعِيرَتَيْن". رواه البخاري.
والله أعلم.



المصدر /


http://www.islamweb.net/fatwa/index....twaId&Id=14267







عشان كده : لازم نغير طريقة عرض الموضوع عشان ما ناخدش ذنوب وسيئات واحنا نايمين ، سواء كان الموضوع منقول أو هو فكرة حضرتك .

جزاك الله خيرا .





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.