العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

يابت اغريه عشان تتنيلى تتجوزيه

كاتب الموضوع: BaNoTa ZaMaLKawYa، فى قسم: منتدى النقاش الجاد


1 
BaNoTa ZaMaLKawYa

السلام عليكم ورحمة الله وبركاته

ايه الاخبار تصدقوا ماحدش واحشنى بس قولت برده اعمل موضوع حد عنده اعتراض يابت اغريه عشان تتنيلى تتجوزيه 55.gif

ايوه كدا شاطرين طبعا الشباب مبسوطين وزمانهم بيقولوا ايوه بقى يا اسما
قولهم خلينا نشوف الحاجات الحلوه هقولك بس يا فاشل يا صايع مش قصدى



ده مجرد عنوان وهشوف ايه صلته بالموضوع اللى عايز اتكلم فيه

بسمع امهات كتير اوى لما بنتها تبقى رايحه مشوار او فرح او عيد ميلاد او اى حاجه

والبنت تبقى لابسه مؤدب كدا مامتها تقولها ايه ده يا موكوسه يابت البسى حاجه

تكون قصيره كدا وضيقه خليكى تتنيلى تتجوزى فى سنتك السوده دى

يا خايبه ده كل اصحابك اللى من ستك بقى معاهم عيال وانتى لا

خليكى قاعدالى انتى بس كدا ده اقل واجب الام بتقوله صح ولا انا غلطان

ماتتكسفوش انا عارفة الحوارات دى فيه بنات بيلبسوا كدا عشان مافيش حاجه تغرى بيها

فضلها شوية وتقلب راجل بس انا بتكلم عن البنات اللى فعلا مؤدبه من جواها مش عايزه حد

يشوف شعره منها غير الانسان اللى هتتجوزه وربنا يكتر منهم يارب

دول بيسمعوا الكلام طبعا فيه منهم اللى بيضايق اوى لما مامتها تقول كدا

وفيه اللى بتستغفر ربنا وتمشى من قدام مامتها

وفيه اللى بتقعد تفكر فى كلام مامتها يا ترى مامتى عندها حق ولا انا اللى ماشيه صح

طيب لو فضلت كدا ماهو انا مش هتجوز بالطريقة دى

انا لما اسمع كلام من ام لبنتها بتقولها كدا ببقى عايزة امسكها من شعرها واشغل مروحة صقف واعلقها منها

عشان لما الام تقول لبنتها كدا البنت تعمل ايه وفيه بنات بيبقى عندهم استعداد للانحراف جامد

مابتصدق كلمه زى دى وتفتحها على الخامس وبعد شهرين تلاقيها متجوزه عرفى وحامل

وافرحى بقى ياست الحبايب يا حبيبه انتى

طيب يا اسماهو فعلا البنت لما تلبس الحاجات دى هتتجوز بسرعه

انا ماعرفشى رأى الكل بس انا هتكلم عن شباب حوليا

لما يحبوا يتجوز لازم نتجوز واحده محترمه

واحده فعلا تخاف على بيتها ولما يسيبوها ويسافروا عارفين انها هتحافظ على بيتها وعلى نفسها

مش هيتجوزواز واحده شافوا كل حاجه وعملت كل حاجه معاهم طب يتجوزها ليه بزمتكم


فيه بنات هتقول بس هنزعل امنا كدا اه زعلوها بس ماتزعلوش ربنا

ايه الاحسن عندك مامتك ولا ربنا اكيد ربنا احسن من الكل

اسمعى كدا الشيخ الشعراوى قال ايه عن الواحد المنقيه اللى مابتبينشى حاجه

بتبقى مرغوبة فعلا من الكل والنقاب بيزيدها عفه وطهارة والله بحس انها ملكه وهى ماشيه فى الشارع

انا نفسى لما بلاقى واحده كدا ببقى مبسوطة ومش عارفة ببقى مبسوطة ليه

لكن اللى بشوفه دلوقتى البنات لابسه فوق الركبه بمتر ياما تقولك انا محترمه وبلبس بناطيل

وتلاقى البنطلون شويه وهينفجر ياعينى نفسى ترحموا البنطلونات والشباب شوية

الشباب مش قادر يتجوز وممكن يتهور الناس هتقولى ما الشباب تحترم نفسها

اوعى تفتكرى يا بنت انتى وهى انكم بتتعاملوا مع ملايكة على الارض

ومش كل اللى هيشوفك لابسه كدا هيودى وشه النحيه التانيه

لا يا بابا فيه شياطين كتير على الارض حافظى على نفسك

عشان مانرجعشى نقول التحرش والحوارات دى

عمرك ماهتبقى ماشيه محترمه ولبسك محترم والحياه والخجل فى وشك

وشاب هيجى يعاكسك او يتحرش بيكى والله حتى لو عمل كدا هتلاقى اللى هيروح عليه ويجيبلك حقك

لكن لما يشوفواكى عامله فى نفسك كدا هيقولوا ماهى اللى عايزه كدا لو مش عايزه كانت احترمت نفسها

وخدى بالك بتجيبى اللعنه لمامتك وباباكى اللى ربوكى ومن غير سبب

تلاقى واحد يشوفك كدا يقولك الله يلعن اللى رباكى وقبل انك تمشى فى الشارع كدا

ياريت الامهات كمان تعرف ان بنتها لما تلبس كدا بتحافظ على نفسها

ومابتغضبش ربنا ونصيبها هيجيلها لحد عندها

وربنا هيكرمها بانسان برده محترم يحافظ عليها ويحطها فى عيونه

مش هسأل انا عايز رأيكم فى الكلام ده بمنتهى الحرية

وياترى انا صح ولا غلط وفعلا فيه امهات كدا ولا انا بخترع كلام من عندى




2 
mahna2009

اقتباس: المشاركة الأصلية كتبت بواسطة long love story  مشاهدة المشاركة
ايه الاخبار
الاخبار كلها عندك
تصدقوا ماحدش واحشنى بس قولت برده اعمل موضوع حد عنده اعتراض

انا اعترض

قولهم خلينا نشوف الحاجات الحلوه هقولك بس يا فاشل يا صايع مش قصدى
الكلام دا لمين


مش هيتجوزواز واحده شافوا كل حاجه وعملت كل حاجه معاهم طب يتجوزها ليه بزمتكم
من باب الاحتياط عادى يعنى



مش هسأل انا عايز رأيكم فى الكلام ده بمنتهى الحرية

وياترى انا صح ولا غلط وفعلا فيه امهات كدا ولا انا بخترع كلام من عندى

فية امهات كدا بس مش بالطريقة دى اللبس الخليع وفوق الركبة وو
الام اكيد عايزة بنتها تتجوز وتعيش حياتها
ومن نماذج شوفتها انها بتنصحها بملابس تبين مظهرها كويس
ودا مش عيب
العيب ان يكون المظهر خليع بس لو عملت كدا مش واحد بس ال هيبص لها
دى مصر كلها هتبص لها
ومش اى نظرة دى نظرة كلها شهوة ورغبة
انما الحجاب والعفة والطهارة ياعينى علية ياروحى علية عاملك ام كلثوم
فعلا زى ما قلتى كانها ملاك على الارض

الشباب والشهوة
ترى ما دافع الشباب الى تلك النظرة البائسة
كلنا عارفين ازمة الشباب
تيجى واحدة وتلبس ضيق وتمشى قدامة
وكدا ازداد الطين بلة
العفة والاحترام امن وامان للفتاة وطبعا النصيب هو المحدد الرئيسى لحياتنا
مهما كانت محاولاتنا للفت الانتي=باة



طرح راقى يا اسما
شكرا لكى


4 
أحلى دنيا

كلامك مزبوط اوي
امهات كتير بيبقو عايزين بنتهم تدلع نفسها عشان الرجالة والولاد يبصولها وتتجوز
مع ان دي فكرة غلط تماما
والام الي تخاف على بنتها وتعرف مصلحتها كويس مش هتقول لبنتها كدا
زي ماقولتي الي تعتدل في لبسها وتمشي عدل وفي حالها
فرص الجواز ليها اكتر
محدش هيروح يتجوز بنت بينت كل حاجه فيها ومفيش حد مشفهاش
ولعلمك مش الامهات بس الي بتقول كدا
عندك الصحاب ممكن يخلو الي متحجبة تقلع الحجاب كمان


5 
دودو الربعاوية

هو الصرراحه فيه امهات فى الزمن اللى احنا فيه دا فيه كتير من النوعيه دى
يعنى ادلعى اتمكيجى البسى حلو يابت اعملى زى ما البنات بتعمل ماتبقيش خايبه كدا يابت
لكن طبعا الكلام دا خطا جدا بس بالعكس الحاجات دى بتقلل من البنت
لكن البنات المحترمه باخلاقها والبسها وطريقه كلامها هى النوعيه دى الشباب بيبقوا عوزين يتجووزوها
وتسلمى يا اسووومى على الموضوع الجامد دا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.