العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

انت صاحبنى يبقى اشتم ابوك وامك

كاتب الموضوع: BaNoTa ZaMaLKawYa، فى قسم: منتدى النقاش الجاد


1 
BaNoTa ZaMaLKawYa

السلام عليكم ورحمة الله وبركاته


اخوانى الاعضاء والمشرفين تحيه طيبه وبعد
ايه اللى انا بنقوله ده مش لايق خالص عامل ايه يابنى انت وهى يارب تكونوا بخير
خلونى بقى ندخل فى الموضوع بعد مانصلى على الحبيب الكريم عليه افضل الصلاة والسلام
كتير اوى بنشوف بين الاصحاب سواء شباب مع بعضهم او بنات حاجات مش كويسه
يعنى نلاقى شلة شباب قاعده قدام الكشك ويدخل عليهم واحد صاحبهم ازيك ياض يابن .... انت وهو
طبعا فى النقط دى الفاظ كتير جداا لان النقط دى بيبقى فيها الفاظ سب للام او للاب بقت حاجه لازقه فى بوء كل واحد مع اصحابه
فى اى موضوع او هما بيتكلموا عادى تلاقيه يقوله ياض يابن .... انا مش قولتلك بلاش دى
او مثلا خارجين مع بعض وواحد اتأخر يكلمهم فى الفون اول كلمه يقولهاله انت فين ياض يابن ال .....انت صاحبنى يبقى اشتم ابوك وامك s10.gif
احنا مستنين اهلك بقالنا ساعتين والام والاب ياعينى قاعدين فى بيوتهم والشتيمه بتوصلهم لحد عندهم
طب ليه يعنى هو ده اللى انت برتدهلهم السب والشتيمه واللعنه بعد ماربوك وخلوك بنى ادم
حتى البنات ماشاء الله عليهم برده وهما قاعدين مع بعض او هما بيتكلموا حتى لو اميل
انت يابت يابنت ال... انت فين وعامله ايه تحسوا انهم بيتخانقوا بس ده بقى العادى بتاعهم
بزمتكم ينفع اومال فين الرقة والحياة اللى بنقول عليها بالمنظر ده انا هشوفك راجل
ومش بس راجل دانا هستحقرك كمان لازم نحترم نفسنا شوية لان لو واحد شاف حتى واحد صاحبك
بيشتمك كدا او انتى كمان واحده لقتك بتتعامل مع صاحبتك دى هتلاقيه هو كمان جايب سيرة اهلك
وهكذا وانتوا مبسوطين وبتحكوا والاهل قاعدين يتسب فيهم
العالم دى عايزه ضرب الشوز بصراحه حلوه الشوز دى اصل انا مثقفةانت صاحبنى يبقى اشتم ابوك وامك s04.gif
واكيد التربية ليها دور فى الكلام والمعامله دى
وبرده لو قريبين من دينا هنعرف ازاى نتكلم مع الناس من غير مانسىء لاى حد
لان بصراحه بقيت بشوفها انها بقت حاجه عادية جدا
ودى تبقى مصيبه لما بقى تعاملنا مع بعض بالسب لاهلنا
عايزين نتعلم ازاى نتعامل مع الناس عشان نبقى فعلا شباب وبنات محترمين
والناس تقول ونعم التربية مش بتقول الله يلعن تربيتك تربية شوارع ولا تربية زباله
طب وليه انا فى ايدى ان اكون شاب او بنت محترمه والناس تحترمنى
وده مش صعب والله سهل جدا بس ناخد بالنا من كلامنا مش اكتر


ونحاول اننا نتكلم بأسلوب محترم مع الصغير قبل الكبير
وساعتها هنلاقى الحياة برده حلوه وبنهزر ونضحك وفى نفس الوقت اهلنا فى البيت قاعدين
من غير سب ولا شتيمه واكيد فيه هزار محترم عن ده بكتير
عايزة اعرف رأيكم فى الظاهرة دى وازاى نتخلص منها
وياترى ومن غير كذب انت اوقات بتعمل كدا مع اصحابك ولا ولا
لو بتعمل ناوى تكمل فى الموضوع ده ولا تحاول يبقى طريقة كلامك افضلانت صاحبنى يبقى اشتم ابوك وامك s14.gif




2 
bono

عليه افضل الصلاة والسلام
موضوعك جميل اوى يااسوما
بس تبعا انا مش بعمل كده لاكن بشوف اولاد كتير وحشين مش بيتكلمو مع اصحابهم غير بالطريقه دى
وفعلا مش بتعجبنى ياريت نتعامل مع بعض بطريقه احسن من كده يعنى الادب والزوء هيكون ارق وافضل بكتير ده راءى
ومرسى عالمناقشه الجميله للموضوع


4 
عيون حائره

عليه افضل الصلاه والسلام
انا بصراحه بتنرفز لما الاقي شباب بيتكلموا مع بعض بالاسلوب ده ويشتموا بالاب والام
وليه اصلا يبقي دي الطريقه اللي الصحاب يتكلموا بيها مع بعض
وهو لازم يشتموا بعض وهما بيتكلموا يعني المفروض يبقي في احترام بينهم
المشكله انهم بيعتبروا ده امر عادي وطبيعي
ربنا يهديهم ويهدينا جميعا
ميرسي اسما علي التوبيك الجميل


5 
دودو الربعاوية

صلى الله عليه وسلم
فعلن فيه شباب كدا كتير
بس كله الا شتيمه الاب والام بالنسبه ليا حاجه سيئه جدا
وهم بيبقوا فاكرين انها جدعنه او روشنه او دمه خفيف بس فى الاخر دى حاجه بتدل على اخلاقه



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.