العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

جوايا ليك

كاتب الموضوع: هى فوضى، فى قسم: منتدى الشعر والخواطر


1 
هى فوضى

جوايا ليك كلام كتير نفسى اقولهولك

لكن مانعنى رد فعلك عنه وقبولك



خايف لو اتكلم واقول تبعد حبيبى

وابقى خسرتك وخسرت ايامى وسنينى

كلمة بحبك نفسى اقولهالك بجد

واهمس فى ودنك بعدك انت ماليشى حد

واقولك انك دايما سبب سهرى وشجونى

وبرؤيتك انت بتتبسم عيونى


جوايا ليك كلام كتير نفسى اقولهولك

لكن مانعنى رد فعلك عنه وقبولك


خايف تقولى ان حبى مالوش مكان

وانى عندك عادى زى اى انسان

خايف اكون بحلم واكون عايش خيال

واصحى الاقى حبى عندك شىء محال

معقول يكون حبى ليك من طرفى بس

طاب كنت لاحظ لهفتى او حتى حس


جوايا ليك كلام كتير نفسى اقولهولك

لكن مانعنى رد فعلك عنه وقبولك


نفسى اعرف ايه شعورك ناحيتى

نفسى تيجى وتشغلى حالى ودنيتى

تملى عليا حياتى كلها

وتعيش معايا ايامى فى حزنها وفى فرحها

بحلم بيوم ما تجينى تقولى رايدك

وانا هحضنك واقولك انى انا اللى عاشقك


جوايا ليك كلام كتير نفسى اقولهولك

لكن مانعنى رد فعلك عنه وقبولك



بقلمى .. ( وليد الطاهر )




3 
bono

نفسى اعرف ايه شعورك ناحيتى

نفسى تيجى وتشغلى حالى ودنيتى

تملى عليا حياتى كلها
شعور جميل اوى اوى اوى
ربنا يسعدك ويقرب البعيد
تسلم ايدك وليد


4 
هى فوضى

اقتباس: المشاركة الأصلية كتبت بواسطة أحلى دنيا  مشاهدة المشاركة
كلام رااااائع واحساس اجمل
شكرا لقلمك المبدع


الاروع هو مرورك

شرفنى مرورك وردك احلى دنيا


5 
هى فوضى

اقتباس: المشاركة الأصلية كتبت بواسطة bono  مشاهدة المشاركة
نفسى اعرف ايه شعورك ناحيتى

نفسى تيجى وتشغلى حالى ودنيتى

تملى عليا حياتى كلها
شعور جميل اوى اوى اوى
ربنا يسعدك ويقرب البعيد
تسلم ايدك وليد


الاجمل هو مرورك وردك يا بونو

نورتى التوبيك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.