العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

مكن ساعات وساعات

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

معظمنا عنده المشكله ومنا اللي شاعر بخطورتها ومنا اللى مش منتبه ليها على الاطلاق ,
أدمان الانترنت او الكمبيوتر عامة
انا عنيت من المشكله دى كتير جدا , لكنى عارفه ومحدده انا عايزه ايه , انا بدخل للانترنت علشان اشوف ناس بحبهم , مبقدرش اتواصل معاهم بخارج الانترنت بحريه فبلجأ ليه علشان اشوفهم مده اطول , و
لأنه أرخص كمان مقدرش انكر دا , وبما انى عاطله والحمدلله فعندى وقت فراغ هايل ودا اكبر سبب بيخلينى اسلى وقتى بالكمبيوتر , واخيرا توصلت لأكبر المنتديات كتيره
وكمان حبيت اكتب واقرا لناس كتيره بيهمنى اعرف اخبارهم اكتر كمان ما أقرا هما كتبوا ايه او افكارهم ايه .
يعنى لو بطلت احب الناس ومش كل الناس طبعا منا مش مثاليه قوى كدا , م
ش هدخل للانترنت ولا اقعد علي الكمبيوتر ,بس ساعات الوحده بتفرض على الانسان كده
ولو هما كمان بطلوا يدخلوا للانترنت او بعدوا مش هيكون فى سبب يربطنى بالكمبيوتر , الا انى اكتب ,
لانى حاليا بستسهل اكتب علي الكمبيوتر بدل ما بكتب على الورق , بس تعرفوا انى لما رجعت امسك القلم تانى لقيت ان حتى الكتابه على الورق ليها سحر من نوع خاص , بالذات لو بتتمتع بخط جميل , هتشعر انك زى الرسام اللي بيتفنن فى أظهار جمال اللوحه اللى فى ايده .


الحكايه محتاجه اننا نقعد مع نفسنا فى حوار صريح وندور احنا عايزين ايه بالظبط وبندخل ليه وفين الهدف وهل وصلنا ليه او لا ولو لا طيب قدامنا قد ايه علشان نحققه .. فى مثل جميل عندنا بيقول
كل شيء بيزيد عن حده بينقلب ضده ..
مش هنقعد نعمل احصائيات علشان نفيد بعض ونعلم بعض ازاى نبطل أدمان .. عمر الاحصائيات ما بتغير لوحدها .. لازم نساعد نفسنا قبل ما نطلب مساعدة شخص تانى ..
أول أمبارح كنت بشترى الدبل بتاعت خطوبتى ولما رجعت بعدها بفتره .
قعدت افكر مع نفسى .. بنقول معرفة الناس كنوز .. طيب لو الكنز زاد قوى وبقى اتقل من اننا نحمله معانا فى كل مكان .. هنضطر نحطه على الارض ونقعد جمبه نحرسه من الحاسدين والحراميه صح .. طيب والحل .. مش عارفه منا عقدتها بتصورى دا
محدش فاهم حاجه صح ..
طيب متشغلوش بالكم بالتفكير .. كنت قريت مره لحد قال انه ندمان وحاسس بالغلط انه اظهر شخصيته قدام بعض الناس .. وامبارح كنت بتناقش مع خطيبى هل لو ظهرت نقاط ضعفنا قدام بعض الناس .. لازم نهرب ولا نواجه .. بالذات وهو بيحاول يستغل نقاط الضعف دى .. طيب مين فينا معندوش نقاط ضعف .. بتختلف من انسان للتانى .. لو حد تاه منى خلاص ميتمسكش بطوق نجاه يسيب نفسه مع التيار وزى ما تيجى وميخافش أبدا .. انا مش منتظره شيء دى بعض الفضفضات الملعبكه .. انا حتى مش متأكده انا كان المفروض هتكلم عن ايه وسرحت فكتبت إيه ....


ساعات أحس بشوق وساعات بالآهات
لكن اعرف طريقى .. يمكن ساعات وساعات
ساعات أسهر في ليلى اتآمل فلى فات
وساعات تجيلى ذكرى ممزوجه بالآهات
وأنسى بكره ايه .. يمكن ساعات وساعات
بفكر يحصل ايه لو روحت للأيمان
وأوقات تانيه افكر امشى ورا الشيطان
أفكار تقلب كيانى .. يمكن ساعات وساعات
بعينى شايفه حق والناس تقول دا باطل
واستغرب لكلامهم واسئل ايه اللي حاصل
وأوقات كتيره أسكت مهى ساعات وساعات
اوقات اكتب بقلمى واحكى عن الحاجات
واوقات اكسر قلمى وأفضل السكات
جايز ساعات وساعات
ساعات يخونى قلبى واشوف غلط ساعات
لكن لو صح فكرى تتبدل الحكايات
اهى دى ساعات وساعات



4 
غــنـــــوه حزيــــــــنه

وانا بـأنتظاركم


5 
Immigrant

أولا الف مبروك على الخطوبه وربنا يتمملك بخير ان شاء الله

وقت الفراغ تقدرى تقولى عليه بقى شئ حتمى ورسمى فحياة كتير من الناس سواء بقه عاطل أو حتى موظف فبالتالى لو مشغلناش تفكيرنا وجهدنا بحاجه مفيدة ولذيذه تسلينــا ونستمتع بيها ممكن الروتين والكبت يسببلنا إحباط وكئابه احنا فى غنى عنعا

ايه المشكله لما اقعد كتير ف النت بسبب فراغى اتسلى واكلم اصحابى فحاجه مفيده
ايه المشكله لما ادمن نت واكون ايجابى مش سلبى

شئ جميل ان اقضى وقت فراغى فى الاستفادة والافاده بدل ما انام واضيع وقتى ع الفاضى

لان وقت الفراغ ممكن يبقى سلبى جدا ويخلينا نكره حياتنا ممكن نفكر ف حاجات غلــط كتيره دا لان مش لاقين حاجه تسلينا وتفيدنـــا او تشغل تفكيرنــا
الوحده شئ مؤلم وصعب
بس الوحده وانت لواحدك وشاغل بالك وتفكيرك وزهنك بحاجات مفيده دا يكون ايجابى ويسهلك طريقـك
اقرا اكتب فكر ارسم اى حاجه المهم وقت فراغك يبقى ايجابى


اما بالنسبه للنقطة التانيه بقه اللى بتكلم عن نقاط الضعف
احنا ليه بنسمى الجرح جرح
علشان بيبقى دايما الاذى من اقرب الناس لقلبنـا علشان كدا بنتأثر بيه
وبنتوجع اوى منه علشان اللى جرحنا دا عارف بالضبط فين يقدر يوجعنا وبيضغط عليه
هيا دى الطبيعه وهو دا الحال ومعتقدش انه هيتغير
الجرح موجود والوفاء موجود
ودوام الحال من المحال


6 
S α ү з D

اقتباس:

يعنى لو بطلت احب الناس ومش كل الناس طبعا منا مش مثاليه قوى كدا ,
مش هدخل للانترنت ولا اقعد علي الكمبيوتر

حبيت اتكلم عن النقطه دى بخلاف المكمل ليها
افهم من كده ان علاقتك بالنت عبارة عن اصدقاء بتكلميهم مش اكتر !!

ما علينا مش موضوعنا

هدخل فـ الموضوع الاساسى
النت فرض نفسه عـ الكل ومش بقى ادمان بالعكس
ده بقى شئ اساسى فـ حياتنا وده ملحوظ اننا بنحتاجه فـ شغل او معرفة او تصفحات او او او او والاغراض لا حصر لها
وبعدين انا لو هتكلم عن نفسى هيختلف من كلامى عـ حد تانى
انا بدخل نت تقريبا من 8 او 9 سنين
مبقاش ادمان بس بحتاجه فـ حاجات كتير
ومش معنى كده انى منطوى عـ نفسى او شخصيه بتظهر غير الحقيقية لا طبعا
واستخدامنا للنت بيختلف من فترة للتانيه
مثلا فـ الدراسه بحتاج ابحث عن حاجات هتفيدنى فـ دراستى
او كالعاده وزى اى حد
محتاج لـ برامج هتفيدنى لانى بحب البرامج
محتاج اعرف فـ الدين لانى مش فقيه ولا ازهرى
تانى حاجه بعد الدراسه بيفيد اننا ندور عـ شغل نشوف شركات ايه وفين
تالت حاجه بيفيد فـ الكورسات التعليمية
والفوايد كتير طبعا
والمراحل العمرية لكل مرحله بنمر بيها بيختلف الغرض الـ محتاجين النت ليه
حاليا انا مسافر وطبيعى محتاج للنت غصب عنى وعن اى حد
هل معنى كده انى ابقى مدمن
عاوز اتواصل مع اهلى
اشوفهم ويشوفونى
مكالمة التليفون مبتنفعش مهما طالت
عاوز احس ولو بقدر ضعيف جدا انى معاهم
ليا اصحابى اللى بيطمنوا عليا
ليا ناس عزيزين عليا محتاج يكونوا جنبى فـ غربتى
يبقى ليه اسميها ادمان
منا بستفيد اهو
انا اولا مش من هواة الكتب والحاجات دى
ولا سياسى مخضرم وعبقرى
بس كل واحد فينا احتياجه بيختلف عن التانى
يبقى النت مش ادمان ده وسيله مساعده لأحتياجات مختلفه لينا كلنا
ومعتقدش انى ممكن ابعد عنه والا كنت عملتها من زمان
ليا وقتى اللى بدخل فيه مش طول الوقت موجود
حتى لو بدخل عـ فترات بس بدل ما يجيلى حالة احباط من الملل والفضا
اهو منها بدخل وبشوف انا عاوز ايه
يبقى الوحده هيا اننا عاوزين نكون لوحدنا
ومعتقدش ان حد عاوز يكون لوحده لاننا بقينا نحس بكده جوه نفسنا
مش هيبقى جوه وبره بقى

اما بالنبسة لنقطة معرفة الناس كنوز دى نصها صح ونصها مش مقبول
بمعنى انى مش معقول هحتاج لكل الناس يبقى طول منا ماشى اتعرف
بطبيعتنا مبنعرفش كل الناس
بس المعارف درجات
درجة اولى ودول المقربين مننا
درجة تانيه ودول اللى مش دايما بنشوفهم او تواجدهم عـ فترات
والدرجة التالته العاديه اللى بيبقوا سلامو عليكوا وعليكوا بس معروف انا مين


يبقى مفيش مانع انى اتعرف اه بس مش هتعرف عـ اى حد ولا كل الناس

بخصوص الندم
بردو محدش هيظهر شخصيته الحقيقيه ادام كل الناس
الطبيعي انى لازم اكون انا زى منا
بس مش مع اى حد ولا كل حد
وحتى لو ظهرت شخصيتى الحقيقيه
فى جزء منها بحتفظ بيه لنفسى
اينعم بيكون مش كبير
ولو ظهرت كامله لحد معين يبقى الحد ده من اغلى الناس علينا
وده مش عيب
لكن مش اقضيها بقى فضفضه واظهر كل حاجه
ماهو انا لو ظهرت كل حاجه هيتعرف ايه بيتعبنى وايه بيفرحنى
ووقتها لو تعبت يبقى انا السبب فـ تعبى
لان من عرف نقطة ضعف عرف كيف يبكيك او يوجعك او او او

يبقى مش الكل ومش كل الجزء
نظرية غريبه بس لازم نطبقها
عشان وقت ما هنندم مش هينفع
وهنرجع نغلط نفسنا احنا

حلو التوبيك
وانا لكيت كتير اوى
بس سورى دى وجهة نظرى ومحبتش انقص منها حاجه

ومبروك الخطوبة ربنا يخليكم لبعض

تقبلى مرورى

تنفعى شاعرة عـ فكرة
ميرسى جدا للتوبيك


7 
غــنـــــوه حزيــــــــنه

اقتباس: المشاركة الأصلية كتبت بواسطة Immigrant  مشاهدة المشاركة
أولا الف مبروك على الخطوبه وربنا يتمملك بخير ان شاء الله

وقت الفراغ تقدرى تقولى عليه بقى شئ حتمى ورسمى فحياة كتير من الناس سواء بقه عاطل أو حتى موظف فبالتالى لو مشغلناش تفكيرنا وجهدنا بحاجه مفيدة ولذيذه تسلينــا ونستمتع بيها ممكن الروتين والكبت يسببلنا إحباط وكئابه احنا فى غنى عنعا

ايه المشكله لما اقعد كتير ف النت بسبب فراغى اتسلى واكلم اصحابى فحاجه مفيده
ايه المشكله لما ادمن نت واكون ايجابى مش سلبى

شئ جميل ان اقضى وقت فراغى فى الاستفادة والافاده بدل ما انام واضيع وقتى ع الفاضى

لان وقت الفراغ ممكن يبقى سلبى جدا ويخلينا نكره حياتنا ممكن نفكر ف حاجات غلــط كتيره دا لان مش لاقين حاجه تسلينا وتفيدنـــا او تشغل تفكيرنــا
الوحده شئ مؤلم وصعب
بس الوحده وانت لواحدك وشاغل بالك وتفكيرك وزهنك بحاجات مفيده دا يكون ايجابى ويسهلك طريقـك
اقرا اكتب فكر ارسم اى حاجه المهم وقت فراغك يبقى ايجابى


اما بالنسبه للنقطة التانيه بقه اللى بتكلم عن نقاط الضعف
احنا ليه بنسمى الجرح جرح
علشان بيبقى دايما الاذى من اقرب الناس لقلبنـا علشان كدا بنتأثر بيه
وبنتوجع اوى منه علشان اللى جرحنا دا عارف بالضبط فين يقدر يوجعنا وبيضغط عليه
هيا دى الطبيعه وهو دا الحال ومعتقدش انه هيتغير
الجرح موجود والوفاء موجود
ودوام الحال من المحال


ميرسى اوى لمشاركتك الجميله
اكن لك كل تقدير واحتراما




Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.