العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

عندما يحتضر الحب

كاتب الموضوع: bono، فى قسم: منتدى الحب والرومانسية


1 
bono

عندما يحتضر الحب

ليه فجأة ليه مات الكلام جوا العيون

من كان يقول ان الوداد ممكن يهون
متصدقوش ان اللي حبوا واخلصوا
ممكن يموت حبهم مهما يكون

عندما يحتضر الحب 109133194_ad270c5ade.jpg?v=0

يمكن نتوه في دنيتنا ونقول نسينا
مهما نداري الشوق يبان جوا عنينا
هي الحياة ديما كدا تقسى علينا
ولا احنا طول جرحنا غالب علينا
بنخاف على البرواز ونضيع المضمون

ليه فجأة ليه مات الكلام جوا العيون
من كان يقول ان الوداد ممكن يهون
متصدقوش ان اللي حبوا واخلصوا
ممكن يموت حبهم مهما يكون


احنا مش ملايكة احنا مهما كان بشر
اللي ملوش خطيئة يرمي التاني بحجر !
مفيش قلوب من ماس وقلوب من حجر
لكن هيا الاساس مع اختلاف الصور
فيها قلب قاسي وفيها قلب حنون

ليه فجأة ليه مات الكلام جوا العيون
من كان يقول ان الوداد ممكن يهون
متصدقوش ان اللي حبوا واخلصوا
ممكن يموت حبهم مهما يكون

ليه متشفوش اللؤلؤة وهي ساكنة الصدف
ليه لما تضيع من ايدينا بيها نعترف
ليه الود اللي بينا بكلمة يتحذف
واللي بيضحك علينا نعمله لوحة شرف
ضاع الوسط مناا باكون او لا اكون

ليه فجأة ليه مات الكلام جوا العيون
من كان يقول ان الوداد ممكن يهون
متصدقوش ان اللي حبوا واخلصوا
ممكن يموت حبهم مهما يكون

فجأة نلاقي نفسنا تهنا ف فراغ الكون
ما نعرف دوا لجرحنا ولا تهدى العيون
بعد طول الكلام يسود بينا السكون
ليه فجأة ليه مات الكلام جوا العيون

عندما يحتضر الحب sad.jpg
 
 




2 
أحلى دنيا

يمكن نتوه في دنيتنا ونقول نسينا
مهما نداري الشوق يبان جوا عنينا
هي الحياة ديما كدا تقسى علينا
ولا احنا طول جرحنا غالب علينا
بنخاف على البرواز ونضيع المضمون


رووووووعة الكلام
شكرا ليكي



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.