العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

دلعتيه لحد اما وكستيه

كاتب الموضوع: BaNoTa ZaMaLKawYa، فى قسم: منتدى النقاش الجاد


1 
BaNoTa ZaMaLKawYa

السلام عليكم ورحمة الله وبركاته




ا
يه الاخبار يا شباب يارب الجميع يكون بخير

النهارده عايزة اتكلم فى موضوع يمكن كلنا بنشوفه فى بيوتنا ياترى هو ايه

الموضوع ده مرتبط بالاسره اوى ازاى يا اسما هقولك انا دلعتيه لحد اما وكستيه s14.gif


بعض الاسر طبعا مش كلهم تلاقى الحياة عندهم ايزى وفرى وزى الفل

لما ربنا يكرمهم بمولود امور كدا وحليوه وتبدأ بقى التربية

بس التربية اللى هى بتودى فى داهية اللى بمعنى اصح بتخليه شاب او بنت لا يعتمد عليهم

شاب او بنت مالهمشى اى وجود ولا اى نشاط فى الدنيا دى

تبقى ده بيبقى ليه نتيجة دلع الاب ام الام لابنهم تلاقى الام مثلا عامتا لانى الاب صعب تلاقى اب

بيدلع ولاده وكدا تلاقى الام كل شوية يا حبيب امو ربنا يحرصه لامه ياخواتى كميله عسل

ولو الواد مثلا اتخانق ولا حاجه يا ضنايا يابنى مين الحيوان اللى عملك كدا

ولو مثلا الولد مابيزكرشى والاب يقوله ادخل زاكر الام تلاقيها براحه شوية على الولد

خليه جمب ماما حبيبته تلاقى يا كتكوته انتى يا بيضه وتقعده على رجليها

ونغنيله كمان جاتنا وكسه فى حظنا الهباب اللى ماشوفنا حاجه من دى

كله تهزيق وشتيمه وضرب لما جابولنا انتفاخ فى الطحال

المهم تلاقى الاب يا عينى ياستى مادلعيش الواد خليه يقدر يعتمد على نفسه

طبعا الام بكلمتين حنين يا حبيبى البركة فيك وربنا يديك طولة العمر يارب وبتاع

الراجل يتثبت ياعينى وخلصنا والواد يطلع فاشل ومستهتر ومش شايل اى مسئولية

اتخرج بعد طلوع الروح ومقضيها صياعه وخروجات مع اصحابه

وفالح بقى كل شهر او اسبوع على حسب بياخد المصروف كل اد ايه

تلاقيه مفيش دم ولا خجل بابا عايز المصروف بتاعى

طبعا الاب بيبقى نفسه يتف فى بوقه عشان يعرف انه بقى راجل

بس بيعصر على نفسه ليمونه ويقوله اتفضل يا بابا ربنا يكرمك انت وامك

الله ياخدك انت وامك يا شيخ اللى وكستك الوكسة دى



وتلاقى الواد كمان بمنتهى الوقاحة وقلة الادب رايح لمامته اه حبيبته

ماهو دلوع ماما يقولها ماما بابا ادانى مصروفى بس قليل اوى

تقوله يا حبيبى يا عين امك وتطلع وتديله يالهوى على الشباب دى

والشاب ممكن يوصل لمراحل كتير بسبب الموضوع ده

ممكن يروح لشله فاسده وتوديها لطرق كتير من الضياع

او ممكن من استهتاره يعمل جريمة فى اى حد

ويروح فى ستين داهية وده كله بسبب الدلع المبالغ فيه

والبنت كمان عامتا بيبقوا اكتر فى الدلع والكلام ده

تلاقيها تخرج براحتها وترجع براحتها

اللى هى عايزاه اتفضلى يا بابا اللى انتى عايزاه

كل طلباتها مجابة مفيش اى مشكلة

تلبس قصير تلبس ضيق برده مفيش اى مشكلة

ماما وبابا عادى مش زنب الحلوه

وتلاقى البنت من كتر الدلع وان مفيش حد واخد باله من تصرفاتها

راحت صاحبتلها شاب من اياهم اخد منها اعز ماتملك القلم الرصاص بتاعها دلعتيه لحد اما وكستيه s11.gif

واختفى او برده اتجهت للمخدرات او ممكن تلاقيها اشتغلت فى شبكة مشبوهة

وده برده بيبقى نتيجة دلع الاباء وعدم الاهتمام بيهم

انا مش ضد الدلع بس ضد الدلع الزيادة للاولاد

ولازم كل واحد مننا قبل ما يجيب طفل يبقى عارف هيربيه ازاى

وايه التربية الصحيحة اللى تخليه يبقى مطمن على اولاده

ويخرج ابناء فهلا يعتمد عليهم ويفيدوا نفسهم ويفيدوا بلدهم

اهم حاجه على فكرة فى اى بلد ازاى ننشأ ونربى اولادنا تربية سليمة

عشان نخرج جيل احسن من اللى قبله

اتمنى اشوف رأيكم فى الموضوع دلعتيه لحد اما وكستيه s12.gif

وتقولولى ازاى ندلع اولادنا وفى نفس الوقت مانضرهمشى




4 
أحلى دنيا

ساعات اولياء امورنا بيكونو متربيين تربية صعبة وخشنة
ومكانش على ايامهم في الدلع والدلال وكان في حزم اغلب الاوقت
عشان كدا بيحاولو يعوضو كدا في اولادهم
ومش يعاملو اولادهم بمثل المعاملة القاسية الي اتعاملوها
ومش بيحملوهم اي مسؤولية ويقولو لما يكبرو يتعلمو
وبالنهاية يطلعو جيل فاشل
بس دا مش معناتو اننا نطلق الحرية الكاملة لأبناءنا دون مراقبة
وخير الامور الوسط لا نشد اوي ولا ندلع اوي
دا بالنسبة للمعاملة
بس لازم نوعيهم ونعلمهم حجات كتير من صغرهم


5 
eslam

انا طول عمرى اقول خير الامور الوسط


يعنى لا تكن لين فتعصر ولا تكن صلبا فتكسر المرونة اهم شىء تشد وترخى

نيس يا اسومة



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.