العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

فكك منى معنديش اخوات بنات

كاتب الموضوع: BaNoTa ZaMaLKawYa، فى قسم: منتدى النقاش الجاد


1 
BaNoTa ZaMaLKawYa

السلام عليكم ورحمة الله وبركاته

ايه الاخبار يا شباب اتمنى الجميع بخير وبصحة وعافيه يارب

استحملونا بقى نقول الكلمتين اللى جايين نقولهم واتمنى حد يتعلم منهم حاجه او يعمل باى حاجه

من اللى هنقوله فى موسم المشمش ان شاء الله

النهارده انا هتكلم فى موضوع من وجهة نظرى مهم جدا وناس كتير مش واخده بالهم منه

اتكلمنا على الشباب اللى بتخدع البنات او بتضحك عليهم ونيجى ننصحهم نقولهم اللى ماترضهوش على اختك

ماترضهوش على حد واختك من بنت ناس وبنات الناس التانيه ولاد تيت

طيب اللى مالهومشى اخوات بنات بقى يعملوا اللى هما عايزينه

هتيجى تقولى ياخى انت عندك اخوات بنات او اللى ماترضهوش لاختك ماترضهوش لبنات الناس

هيقوله بمنتهى البجاحه وقلة الادب فوكك منى ماعنديش اخوات بنات اصلا

يعنى هو انت مدام ماعندكشى اخوات بنات يبقى خلاص تعمل اللى انت عايزه فى بنات الناس

يقولك اه هقولك طب ماتفكر شوية كما تدين تدان عارف معناها ايه يعنى مش شرط اختك

ممكن امك ممكن زوجتك ممكن بنتك صدقنى مش هتترحم مهما حصل مش هتترحم وهتتردلك برده

طيب ياعم بس براحه انت داخل علينا جامد اوى كدا ليه وعاملى فيها شيخ

هقولك انا لا شيخ ولا بتاع وماعنديش اخوات بنات وبنيل الدنيا اوقات

بس استحاله اجى على بنت محترمه او بنت ضعيفه

يعنى ايه ياخويا ان شاء الله ؟؟؟

يعنى بعامل الناس بالمثل بس ده غلط وبتاع لا ده مبدأى وده مش موضوعنا

اللى عايز اقوله للشباب دى مش عشان ماعندكش اخوات بنات يبقى الحياة سهلة

لا دانت ممكن بدل ما تستغل البنات دى انهم يبقوا لعبة طب ماتخلهومشى اخواتك

وهيبقى احسن طبعا بكتير وصدقنى لما بتحسسها بحبك ليها كاخ هتعتبرك فعلا اخوها

هتخاف عليك وهتطمن عليك والبنات العاطفه عندهم زيادة حبتين لو زعلان ممكن توصل بيها انها تبكى عشانك

بزمتك كدا ولا تعملها لعبة وبعد كدا ماتفتكرشى غير انها تقول حسبى الله ونعم الوكيل فيك

ايه الاحسن فى ده مش هقول قول انت

شباب كتير بيتبعوا الموضوع ده انا ادخلها وارسم عليها دور الحب وبعد كدا لما ازهق منها

اقولها كل شىء قصمة ونصيب او الجملة المشهورة احنا مش لبعض

طب وليه من الاول ماكتشفتش ده طب ياترى بعد دا هتبقى مبسوط والله ابدا

هتفضل تندم وهى هتفضل تدعى عليك طب ماربنا ممكن يستجاب دعاها وساعتها

والله ماحد هينفعك لو عملت ايه

طب افرض هى اللى جات وقالتلك انها معجبه بيك مثلا

فيه شباب ما شاء الله مابتحبش تكسف حد هههههههههههههه

اول ماتقول كدا يقولها ياااااااه اخيرا قولتيها دانا كان نفسى وبتاع وكلام حمضان اتهرينا يابا

طيب وليه لو فعلا عايزها اتفضل البيت والله مفتوح وفى اى هتخبط هتلاقيهم قدامك وبيستقبلوك

مش عايزها قولها على طول انتى اختى مش اكتر ياخى من اولها كدا هتقدر حتى

انها تنسى وانت برده برجولتك لو لسه الحاجه دى موجوده تساعدها على كدا

وساعتها هتشوف معاملتها هتبقى ازاى هتبقى اكتر حد قريب منها

واحساس طبعا جميل جدا انك تلاقى ناس جمبك على طول وتسأل عليك

احسن من انك تعيش يومين ولما تكتشف تلاقى الكل مش طايقك

ولا فعلا مش هتقدر ترتبط بيها دلوقتى حافظ عليها ياخى لحد ما ربنا يكرمك

بس ماتعملشى منها فنانه والدنيا كلها تعرف وكل من كلم بنت كلمتين حلوين

تيجى تكلمه يقولك حاسب دى خطيبتى وحيات خالتك خطيبتك مين جاتك ستين وكسه

يقولك ان شاء الله لما اخلص والله لما تخلص وتقضى جيشك وتبدا تدور على شغل



وتكون نفسك لا يا راجل دى هانت وده كله البنت تخرج معاه

ومقضينها جنينة الاسماك ولعب فى الصوابعفكك منى معنديش اخوات بنات s14.gif

اوالبنات انتوا عندكم مخ وبتفكروا بس للاسف راكنينه على جمب

استخدموه شوية


مش هسأل برده عايزة اعرف رأيكم فى الكلام ده

يلا طيروا ايدى وجعتنى




3 
mahna2009

هو الموضوع لمض كدا لية
بس تمام
مش شرط ان ميكونش فية اخوات بنات
كما ذكرتى كما تدين تدان
يعنى ممكن لزوجتك / امك / بنتك/ خالتك
وفعلا ربنا بيمهل ولا يهمل
كلامك كلة مظبوط وانتى مخلتيش مجال للنقاش فية

تسلم ايدك اسما
دمتى بحفظ الرحمن


4 
bono

انا شايفه ان كل شاب لازم يحافظ ع اى بنت يتعامل معاها ويراضى ربنا فى كل تصروفاته
حتى لو البنت اديتو الحريه انه يكلمها هو من جواه يكون عارف ان ربنا شايفو وعالم بكل شىء
والبنت تبعا تخلى بالها من نفسها كويس مش معنى انها ليها حرية الاختيار فاتعمل الغلت لالا اكيد ليها حدود ومافيس حاجه اسمها صداقه عقبال ما يكون نفسو والكلام العبيت ده
موضوع هايل ياقمرى


5 
Ana B7bk

بجـــد تســــلم ايدك اسمـــــــأ

هـــوووة فعــــلا كل اما تيجــى تكلمــى واحد

يقولك معنديش اخـــوات بنـــات

والفكـــرة انها مش ممكن تحصل فى اختك او امك

انها ممكن تحصل فى اى حد قريب منك

وبجــد تانى مرة هوووه فعــلا موضوع مفــيد

والحمد لله الواحــد ملهوش فى الكــلام ده



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.