العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

انا مش عايزه اتجوز

كاتب الموضوع: Hayaty agmal ma feeha، فى قسم: منتدى الحب والرومانسية


1 
Hayaty agmal ma feeha

انا مش عايزة اتجوز ..





... متستغربوش .. اه مش عايزة اتجوز

مش عايزة اتجوز واحد اهلى يضغطوا عليا عشان اقبله ..

مش عايزة اتجوز واحد اوافق عليه بس عشان مزعلش بابا او ماما

مش عايزة اتجوز عشان الناس اللي مش سايبانى ف حالى وع الطالعه والنازلة" انتى كبرتى" . و " مفيش حاجة جديدة " و " انتى زى القمر معقولة لسه متجوزتيش " و " هما الرجاله اتعموا ف نظرهم "

مش عايزة اتجوز عشان كلمة " الف مين يتمناكي " .. الناس مش فاهمه ان المهم ف الموضوع انا اتمنى مين !!

مش عايزة اتجوز عشان كل الناس مفكرة ان الجواز ده الهدف من الحياة .. ومش شايفه غيره .. مع ان الجواز ده المفروض يكون محطة حلوة من الحياة بس مش الحاجة اللى الحياة واقفة عليها ..

مش عايزة اتجوز الا لما يجي اللى انا اللى اختاره وقلبي يشاور عليه .. مش اللى اتفرض عليه عشان هو عايز عروسة والسلام ..

مش عايزة اتجوز جواز صالونات لمجرد انهم شايفين انى كبرت والمفروض ارضي باي حد بقى !!

مش عايزة اتجوز على اساس ان الحب بيجي بعد الجواز !! افرضوا طيب مجاش ؟؟ اعيش ازاى انا بقى ^^

مش عايزة اتجوز غير اللى احبة وقلبي يدقله وربنا يريحنى ليه ويريحة ليا ويكتبنا لبعض ف الحلال ♥

قولوا عليا معقدة براحتكوا ^^ بس ده اللى هعمله
حد ليه شوق ف حاجة




3 
زهره نيسان

معك حق بكل كلمه حكيتها لانه الزواج عشرت عمر منو
شغله نرضي فيها اهلنا او الناس المهم نكون نحنا راضين لانه نحنا بدنا نعيش هالمرحله مو الناس
او اهلنا
موضوع حلو ميرسي يا قمر


4 
dodye7sas

وربنا كلامك زى العسل يا ميمو
هههههههههههههههههههه
بمناسبة الجملة دى
مش عايزة اتجوز على اساس ان الحب بيجي بعد الجواز !! افرضوا طيب مجاش ؟؟ اعيش ازاى انا بقى ^^

انا بقترح انك تسبية وتعالى عندنا
هههههههههههههههههههه



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.