العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
S α ү з D

ممممممممم
هبدأ منين
مش عارف حتى هقول ايه
الكلام هييجى لوحده مش متنسق مش مترتب
هييجى وخلاص
عارف انى بزعلك منى اوقات
وببقى رخم حتى وانتى بتصالحينى
وببقى دمى تقيل اوى وكتير بزعلك منى
بس صدقينى والله كل ده مش من الهوا
انا حبيتك وحسيتك اوى
حسيت وشوفت حب عمرى فـ حياتى ما شوفته
كنت شديد وحنين
كنت قاسى بس باللى جوايا كنت مبين
كنت بضغط عليكى بس ده غصب عنى

تيجى نفكر ونحسبها صح
ونشوف اذا كنت بتلكك او بتقل او بفتعل الزهق


عارفه يعنى ايه شهور اعيش على امل انى اسمع صوتك ولو لحظات
حتى لو سمعته بس يا ترى ده كتير عليا ؟؟
سمعته اد ايه
شوفتك ازاى
حسيت بأيه وانا بحس انى محروم انى اكلم او اشوف اكتر حلم بحلم بيه
عارفه احلامى عامله ازاى
احلام كتيره اوى وكلها ليكى
بحلمها بيكى عايش فيها وياكى
واصحى من الحلم ملاقيش غير مخده اتنرفز عليها وارميها فـ الارض
اصلك مش ادامى
مش شايفك


مش سامعك
مش لامسك
مش شايف طيفك
مش حاسس بالهوا اللى بيبقى بعد ما تمرى من جنبى
مش لاقى روحى بقت مش معايا من يوم ما حبيتك
مممممممممم
مبقتش بتمنى غير انى اشوفك تصبرينى
اسمع صوتك يهدينى
ابصلك وتبصيلى
اركز فـ عنيكى حتى لو فـ الأرض
اشوف ملامحك وادقق فيها اوى
اسكت وابتسم وانا شايف حبيبتى ادامى
حتى لو كانت ساكته
السكوت وقتها له معنى
هيتكلم هو مش لازم بلسانا
بحلم
والله بحلم واحلامى كترت وعماله تتراكم فوق بعضها

عارفه يعنى ايه اشوفك × مكان مفتوح من بعيد لبعيد
افضل حواليكى عشان بس اشوفك براحتى


عارفه يعنى ايه لما اكلم حد من اهلك يومها معرفش ابصلك
موجوده معانا بس مش قادر ابص
حاسس ان كل العيون عليا حتى لو محدش عارف حاجه


عارفه يعنى ايه ادخل بيتكوا
اكلم باباكى واخوكى
اقعد وقت مش قليل
ولما تخرجى المحك لمحه واحط وشى فـ الارض
مش بقولك حاسس ان كل العيون عليا
نظرتى ليكى هتبقى محسوبه
الاولى ليا ,, التانيه عليا


عارفه يعنى ايه سيرتى تبقى فـ بيتك
على لسانك ولسان اهلك
وبردو مش عارف اكلمك
مش عارف اشوفك او ابصلك


عارفه ليه بتنرفز
الساعه تقيله اوى عليا
مستنى رد وكلمة تهدينى
مع انى حاسس بالقبول والموافقه
بس مستنى اسمعها
مستنى اجى عندك تانى
اخطبك ونبدأ مشوارنا


كل ده مش كتير عليا
انا مش حديد ولا حجر
انا لحم ودم انا اصلا بشر


زعلتك وانتى خارجه
حاولتى تصالحينى بس مش بمزاجى
والله غصب عنى
اليوم اللى بيعدي بيبقى تقيل اوى عليا
انا عقلى مبقاش فيا ولا روحى لاقيها معايا

عايشه فـ قلبى وموجوده معايا
بس روح وحب وعشق
عاوز اترقى ويبقى شكل وصوت ولون

بردو هستحمل

عارفه اللى بيبقى غرقان ومستنى قشايه
مستنى حبل يتمد ليه يمسكه ويتعلق فيه
مستنى حد يشده ويخرجه من وحدته حتى لو حواليه كل الناس

بس كل الناس دى متسواش جنبك حاجه
اصلا انتى كل حاجه
الهوا والشمس الدافيه
القمر اللى بينور السما فـ ليل مضلم
انتى كل حاجه والله


هستنى
بس قدرى انفعالى وزهقى وخنقتى
كلمه واحده هتغير كل ده
مشوار واحد عندك
بس يكون هو اللى مستنيه
اخطبك
نقرأ الفاتحه واحس بالتدريج انى بمتلكك
منا اصلا عاوز امتلكك

همتلكك ومش هسيبك
بحلم بيوم خطوبتنا
بزيارة بعدها لـ بيتك
بوقت اقعد معاكى فيه
انسى تعب يوم كامل
انسى الاشكال المعفنه اللى بشوفها طول اليوم
انا جالى الضغط يابت انتى جالى العصبى والعضلى والمخى كمان
ارحمونى يا عالم


ارحموا عزيز قوم بقى مختل

واخر حاجه هقولهالك
متزعليش منى انا بردو حبيبك
انا هفضل احبك وعمرى ما هسيبك
انا عاوزك ليا يا نور عيونى
لو كل الناس حاولوا
اقسم بربى ما هيعرفوا يغيرونى


وقسمى هتحاسب عليه
وهفضل طول عمرى اعمل بيه


هحبك وهحافظ عليكى
هراعى ربنا فيكى
بدعى ربنا يقدرنى واسعدك
اكون ليكى اب واخ ,, حبيب وزوج
ضهرك وسندك ,, امانك وهدوئك
نصيحتك وتوجيهك


وبحبك بقى ياللى جننتى اهلى

متزعليش ها




2 
♥ Only U ♥

ههههههههه

احم احم ايه الاحراج ده
طب ارد اقول ايه بعد الكلام اللي شوفته ده
مفيش غير اني اقولك ربنا يخليك ليا يارب وميحرمنيش ابدا منك
وربنا يعلم ببقي عامله ازاي وقت ما بتكون زعلان مني
لاني وعدتك عمري ما هزعلك مني ابدا
وهفضل طول عمري عايشه علشان اسعدك وبس
يا اجمل هديه من ربنا بعتها ليا

♥ بــ ♥ ــحــ ♥ ــبــ ♥ ــك ♥ اووووووووووووووووووووووووووووووووووووووووووووووووو ي♥
♥♥وبـــ♥ـعــــ♥ـشـ♥ــقــ♥ــك يا مجنني♥♥



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.