العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع


1 
5Lik Fe 7aLk

ابتدى المشوار

عند خروج الاسطى
عماد من الموقف

كان يفكر فى الدنيا ومشاغلها وازاى هيقضى يومه وياترى هيتاخد مخالفه انهارده ولا لاء

وياترى هيعمل كام مشوار وكان بيفكر فى حاجه مهمه جدا ازاى هيقول للناس ان الاجره غليت (أجره الميكروباص) لانه طماع وعايز يستغل الظروف _ العيشة صعبه والبنزين غلى وكله غلى هى جت علينا ياعم

وفى الطريق قابله مجموعه من الناس

تعالوا نتعرف عليهم واحد واحد

أول واحد راكب هو
الاستاذ حسين

الاستاذ حسين دا موظف فى الحكومه ركب الميكروباص عشان يروح شغله بدرى وكعادته يشوف مصلحته بدرى بدرى ويوشف هيمشى لمين طلبه انهارده طبعا بعد لما يفتحله الدرج(رشوه) وكأنها حاجه طبيعيه عشان المصلحه تمشى ولان مرتبه ضعيف فهو مضطر انه يعمل كدا عشان يعرف يصرف على نفسه وعلى بيته وفضل يفكر عم حسين كتير وهو قاعد فى الميكروباص

نسيبه يفكر شويه ونشوف مين قاعد جنبه

دا بقى
محمد (ميدو) شاب روش طحن يعنى شايفينه عامل ازاى؟

طبعا لابس على الموضه وكمان عايش سنه والدنيا بمبى خالص وكله تمام والهاند فرى فى ودنه ومشغل ميوزك وبيسمع مطربه المفضل وبيحلم وبيفكر فى الموزه الى رايح يقابلها فى الجامعه انهارده



ياترى مين فيهم (منى ولا مهيتاب ولا مى ولا .....)

فكر يا ميدو شويه رايح تقابل مين على ما نرجعلك

ورا ميدو علطول الاستاذ عبدالله

الاستاذ
عبد الستار مدرس اللغة العربيه رايح شغله كالعاده وطبعا ماسك العصايه فى ايده للعيال وهو رايح المدرسه عشان الى ميجاوبش يديله علطول

طبعا الاستاذ
عبد الستار راجل مبسوط وكله تمام (من الدروس الخصوصيه) وبيفكر الاستاذ عبد الستار فى ازاى هيطلع بدرى من المدرسه انهارده عشان يلحق الدروس بتاعته الى تعتبر مصدر رزقه

وبيفكر
عبد الستار وعمال يحسب فى عدد العيال الى بيدلهم دروس وبيحسب هياخد كام منهم الحصه دى

منهمك فى الحساب وهو فى الميكروباص

ركز يا استاذ
عبد الستار فى الحساب ( اوعا تغلط فى رقم واحد) وهنجيلك بعدين

جنب الاستاذ
عبد الستار

الانسه
ندى

الانسه
ندى عندها 19 سنه

متهيبره زى ما بيقولوا طبعا مساكه الموبيل وعماله تتكلم فيه وتهزر وتضحك بصوت عالى جدا

اصل دا تيموو (تامر) الى م أنتما معاه بقالها يومين بس

وقفلت مع تيمو اخيرا ومسكت بقى المرايه والميك أب وعماله تظبط فى نفسها

لان انهارده خارجه مع الشله بتاعتها هيقضوا يوم جامد فحت اخر حاجه

هيتجمعوا فى الجامعه (مكان المقابلات) ويبدأوا يومهم الجميل الى كله معاكسات وهزار وسينما ومواعيد وخلافه وما خفى كان اعظم

ظبطى فى نفسك يا نوده وظبطى كدا عشان انهارده وراكى مقابله 4 ولاد بس

ورا الانسه ندى فى الكرسى الى وراها

مدحت

مدحت شاب عمره تعدى ال 26 سنه مش بيعمل حاجه غير انه بيشرب مخدرات وتايه علطول مش عارف ايه بيحصل جنبه ودماغه فى السحاب

وكان راكب الميكروباص رايح يقابل صحابه (صحاب السوء) عشان عندهم حفله (سهرة بانجو وحشيش) وهيقضوا يوم كله توهان للصبح وكله تمام وصبح صبح ياعم الحاج

جنب مدحت

مدام رشا

مدام رشا هى مش مدام ولا حاجه بس الناس بيقلولها يا مدام لان سنها كبر وعدت ال30 سنه وهى مش اتجوزت أدمرت نفسيا وقررت تعيش بحريتها وتعمل كل الى هيا عيزاه

طبعا لابسه لبس يعتبر من غير هدوم وحطه احمر واخضر ومظبطه نفسها

عشان وراها معاد فى (شقه ....) ومش عايزه تتاخر عليه

وكانت علطول مستعجله مستعجله أوى

نسيبك شويه يا رشا عارفين انك مستعجله بس هنرجعلك تانى

اخر حد كان فى الميكروباص

شاب عمره 25 سنه اسمه
عبدالله

عبدالله شاب بسيط جدا متدين عارف ربنا

كان رايح الكليه بتاعته وايح يحضر ويشوف مستقبله المشرق لانه فى كليه طب واخر سنه كمان يعنى فاضل شويه وهيبقى دكتور كبير لانه مجتهد ومجد فى دراسته وكان ماسك مصحف صغير بيقرأ القران فيه عشان ربنا يوفقه فى يومه الدراسى

وسط كل الناس دول الى بيفكر هيعمل ايه والى بيفكر هيكسب كام والى بيقرأ قرأن

ومن كتر تفكير الاسطى عماد فى مشاكل الدنيا وهمومها

فجــــــــــــــــــــــــــــــــــــــــــــــــ ــأه

غفل الاسطى عماد للحظه واختل الدريكسيون فى يد عماد

فانقلب الميكروباص عدة مرات ليستقر فى النهايه على الارض

ليصرخ من فى الشارع

ويقول الحقوا الميكروباص اتقلب

الميكروباص اتقلب

ليحاول الجميع اخراج من فيه

ولكن ارداه الله ان يتوفى الجميع فى داخل الميكروباص

فى لحظه

لم يكن احد يعلم ان الموت قريب بهذا الشكل

ولكنها مشيئة الله عز وجل وارادته

ليموت الجميع فى لحظه واحده

الاسطى عماد والاستاذ عبد الستار ومحمد والاستاذ حسين والانسه ندى ومدام رشا ومدحت واخيرا الشاب المتيدن عبدالله الذى لفظ فى اخر كلامه ب (اشهد ان لا اله الا الله محمدا رسول الله) ويدخل بذلك الجنه

ولم يستطيع من كانوا معه لفظ الشهاده فى لحظه موتهم


وكل واحد من دول سيبعث على من مات عليه


ومحدش كان متخيل ان دا هيحصل قريب اوى كدا ومحدش كان عامل حساب اللحظه دى وكله بيفكر ف الدنيا ومشاغلها لتلهيهم الدنيا ونسوا الاخره فهى خير وأبقى

والهتهم الدنيا حتى عن ذكر الله

ياريت كلنا نفكر فى اللحظه دى ونتوب الى الله قبل فوات الاوان علطول لاننا والله لو فكرنا فيها هنحاول بقدر الامكان اننا مش نقع ف اى خطأ يحسب علينا ونحاسب عليه يوم القيامه عند رب العالمين

الدنيا بتلهينا عن حجات كتيره اوى وانا اولكم هيا الدنيا كدا بس بردو ندى ربنا حقه فى قرأه القران وذكر الله باستمرار ونحاول نتقرب من ربنا اكتر من كدا

عشان لما يتوفاانا الله فى اى لحظه نكون مقدرين الى هنكون فيه ادام ربنا عز وجل

يوم لا ينفع مال ولا بنون

كلنا هنتحاسب بأعملنا وبس

يارب يحسن خاتمتنا ونموت على لا اله الا الله

ملحوظه

الاشخاص الى كتبت عنهم دول أشخاص من خيالى اكيد كلنا بنقابل ناس زى دول كل يوم ف المواصلات او ف الشارع وفى كل مكان

بس الى خلانى اكتب كدا لان نفس الموقف حصل لناس صحابى كتيره وربنا توفاهام واخرهم انهارده حصل نفس الموقف لحد صحبى بس الحمدلله حصله كسور جامده جدا وهو الوحيد الى عاش وكل الى كانوا معاه اتوفوا ممكن كان يكون انا مكانه او انتى او دى او دا

علشان كدا كتبت الموضوع دا

لعل وعسى اى حد يستفاد منه ولو كلمه حتى

واعذرونى لو كنت مش عرفت اوصلكم الرساله اكتر او حصل اى خطأ كتابى

فى دماغى كلام اكتر من الوصف دا يمكن لو كنت كتبته كان وصل اكتر

بس للظروف كتبت الى حاضر معايا دلوقتى

وربنا يهدينا جميعا ويرزقنا حسن الخاتمه

واسف على الاطاله

F a N k O s H




5 
سهيله

رساله عظيمه اخى استطعت ان توصلها لنا باسلوب شيق

نسال الله ان يجعل اخر كلمنا فى الدنيا لا اله الا الله محمد رسول الله

وان يرزقنا جميعا حسن الخاتمه

بارك الله فيك ع الطرح

ودى لك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.