العودة   منتديات المصطبة > الأقسام الأدبية > منتدى القصص والروايات

منتدى القصص والروايات قصص رومانسية، قصص حقيقية، قصص حب، قصص الرعب والخيال، قصص قصيرة

آسف......

كاتب الموضوع: snow white، فى قسم: منتدى القصص والروايات


1 
snow white

هو : الو
هى : ايوه مين

هو : مش مهم
المهم انتى كويسه

هى : .... سكوت وعرفت صوته
واتنهدت تنهيده فيها كلمه واحشنــى بتتقال ف صمت

وقالتله وانت اخبارك ايه ..؟

هو : عايش الحمد لله

انا اسف انى اتصلت بدون سبب حقيقى بس كنت عاوز اطمن عليكى

هى : لا مفيش مشكله

صمت تام ف المكالمه ( بس جوه كل واحد كلام كتير اوى ) ...

هو : طيب خلى بالك من نفسك ...
ســــلام

هى : والدموع مغرقه عنيها ... سلام

قفل معاها الخط
بص للتلفون شويه
ولع سيجاره
وسرح لما اول مره كلمها ولما اول مره شافها
افتكر لما كان عاوز يقولها بحبك ومش عارف وافتكر كمان لما قالها عملت ايه

وشه مليان بابتسامه حلوه ف صمت تام ف المكان

فضل ساكت وسرحان
وكل الناس باصين عليه وهو مش شايف حد

عدى اكتر من 3 دقايق
دموعه نازله على وشه وكأنه طفل صغير

فاق لما سيجارته اللى مشربش منها خالص .. خلصت ولسعته ف ايديه
انتبه للناس انهم باصين عليه
اتكسف حبه
طب حسابه ولم اللاب توب وموبايله وحاجته ومشى من المكان

وفضل يفكر كتير اوى فيها
بعد ما خلص تفكير

طلع موبايله وجاب نص رساله جديده وكتبلها

انتى انسانه عظيمه اوى ولو رجع بيا الزمن تانى انا هختارك انتى وهاحبك انتى
ربنا يمسيكى بالخير

وعمل للنص
ارسال
وطلع الشريحه من التليفون كسرها ومشى

اصعب حاجه ف الدنيا بجد لما يكون حد واحشك اوى ونفسك تقوله كده ومش عارف ...
:
:




4 
snow white

اقتباس: المشاركة الأصلية كتبت بواسطة ☺ m ! G o ☺  مشاهدة المشاركة
يعني عمال اقرا م الصبح وفي الاخر رمي الشريحة



كدا بالظبط

ههههههههه
ليه كده بس
أكيد الظروف غيرت حاجات كتير



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.