العودة   منتديات المصطبة > الأقسام الأدبية > منتدى القصص والروايات

منتدى القصص والروايات قصص رومانسية، قصص حقيقية، قصص حب، قصص الرعب والخيال، قصص قصيرة

هذا أنا

كاتب الموضوع: ابو الوليد النبوى، فى قسم: منتدى القصص والروايات


1 
ابو الوليد النبوى

السلام عليكم
مش هكتب قصه خياليه ، انا هكتب قصتى انا
من غير مقدمات كتير ندخل فى القصه علطول
بداية الحكايه
فى مدينة المنصوره وتحديدا فى شارع الخلفاء الراشدين فى يوم 4 \1 \ 1990 اتيت لهذه الدنيا ، أخ لسب اخوه وترتيبى بين اخوتى هو الثامن " يعنى آخر العنقود " وبصراحه وخلافا للى كنا بنشوفه فى وسائل الاعلام ايام "ماما سوزان "هذا أنا s06.gif
كانت حاجه جميله جدا جدا جدا ان يبقى ليا سبع اخوات
تعالو لنتعرف اولا على عائلتى
فكان الاخ الاكبر " وليد " هو المسئول عن تربيتنا جميعا فقد احسن ابى تربيته ونقل هو لنا هذه التربيه
اخويا وليد كنت لا اراه كثيرا لاننى كنت دائما اتحاشاه هيبة منه
لا ترد له كلمه فى بيتنا
اذا اقترح اقتراح واظن ان اقتراح هذه لا تليق باخى وليد بل الافضل ان اقول اذا امر امر لابد ان ينفذ على الكبير قبل الصغير
اختى " عبير " ام ثانيه لنا
افضل طاهية طعام رأيتها فى حياتى وكانت المسئوله عن اكلنا جميعا وكنا نعتبرها امنا حتى انا كنت ادعوها " ماما " الى ان اصبح سنى 9 سنوات تقريبا لمه انجبت ابنها الاول
اختى " سماح " مختصة الازياء
كانت هى المسئوله عن اى ملابس تشترى لنى
فهى صاحبة ذوق نادرا ما تجده عند كبار مصممين الازياء وهى تعمل فى مجال الملابس منذ سنين
اخى " محمد "
العصبى الاكبر لم يكن له دور كبير فى تربيتنا او شىء يخص المنزل سوى انه كان دائم الشجار معنا وكان دائماً "يعضنى "هذا أنا s06.gif
اختى " هناء " امى الثالثه والى الان ادعوها "ماما "
وكانت مسئوله عن تزيين البيت وتحضير الحلويات فهى افضل من تصنع الكيك والتورتات
التوأم " احمد وساره "
أعوذ بالله من غضب الله ههههههههههه
كنت دائم الشجار معهما لانهما اكبر منى بسنتين فقط
والعبد لله هشام
..........
كفايه كده انهارده
ومنبكره هحكى مواقف حصلت معايا من صغرى الى الان ان شاء الله




2 
برنسيسة زماني

هههههههههههههههههه

الحمد لله ان انا اخر العنقود بس بعد اتنين بس
الله يكون في عونك ههههههههههه

موضوع في غايه الروعه

ومتابعه ان شاء الله


3 
ابو الوليد النبوى

اقتباس: المشاركة الأصلية كتبت بواسطة برنسيسة زماني  مشاهدة المشاركة
هههههههههههههههههه

الحمد لله ان انا اخر العنقود بس بعد اتنين بس
الله يكون في عونك ههههههههههه

موضوع في غايه الروعه

ومتابعه ان شاء الله

ههههههههه
نورتينى يا قمر
يشرفنى متابعتك


4 
ابو الوليد النبوى

فى هذا البيت المكون من ثمانية اخوه واب وام
من المفترض ان يكون هذا البيت مكون من خمسى حجرات على الاقل
ولكن
هذا البيت مكون من
حجرتين وصاله ومطبخ وحمام " بمنافعهم ههههههههههه "
وكان دائما ما تأتينا الزيارات من اقاربى وطبعا مش زيارات من بتاعت احنا جايين نزور السكه وراجعين
زيارات من بتاعت زمان
اللى لمه حد يزور حد لازم يقعدله يومين تلاته
ابويا بقه
راجل شغال فى فى شركة الكهربا وكان بيشتغل برده فى كهربة البيوت واخواتى الكبار وليد ومحمد كانو بيساعدوه
اتعودت منه انه لازم كل يوم وهو داخل البيت لازم يبقى فى ايده كيس اوكيسين فاكهه
حتى فى مره من المرات كان جاى البيت ومعهوش اجه فانا خرجت ابص على العجله بتاعته قاللى انت بتدور على ايه قلتله هو مفيش حاجه وله ايه
فضحك ومدخلش البيت وقاللى تعالى وخرجت معاه على ناصية الشارع وجاب الفاكهه وبعتنى على البيت بيها
بيتنا ده عمره ما خلى من الهزار واللعب والضحك كان لازم يوميا خالى وخالتى يزورونا هم واولادهم ونفضل سهرانيين نضحك ونهزر ونلعب
" يعنى محصلش اللى ماما سوزان كانت بتقول عليه ان اللى يخلف خمسه ميقدرش يأكلهم وهيشحت والمناظر اللى كانو بيجيبوهلنا فىى التلفزيون دى "
...
نكمل بكره




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.