العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
5Lik Fe 7aLk

بسم الله الرحمن الرحيم

اولا انا بكتبلكم من قلبى والله العظيم منا عارف هكتب ايه اصلا

بس عايز اوصلكم رساله ويارب توصل ولو لواحد بس

هحس انى عملت حاجه كبيره

___________________

بتمر علينا اوقات صعبه اوى لينا ولغيرنا

وهيا الدنيا فيها الوحش اكتر من الحلو

يعنى بمزاجنا او غصب عننا هيمر علينا وقت مش هنكون حبين اننا نشوفه

بس لازم هنشوفه لانه قدرنا

الى فاكر ان كل ايامه حلوه وكويسه

اقوله احمد ربنا مفيش حد عارف بكره فيه ايه

انهارده انسان بيكون ماشى بصحته وكويس جدا وفى لحظه تلاقيه وقع من غير اى مقدمات

وتوفى مع انه كان كويس من لحظه وحده بس

يمكن احساس غريب حسه من فتره وناس قريبه منى اوووى لو قرأت كلامى هتقول انى قولتلهم الاحساس دا

مش عارف حسيت فجاه كدا ان الدنيا دى والله العظيم حقيييييييره بمعنى الكلمه

حسيت ان كل حاجه بقت اد النمله

كنت زمان اشوف وزير مثلا ف التى فى اقول يابخته دا زمانه بيسافر ويتفسح و.........

وكتير اوى ودا طبيعى

وزير او غيره

كنت بحس انه ديما احسن منى عشان كدا ربنا فضله عنى

لحد ماحسيت ان معدش فيه فرق خلاااااااااص

يمكن ربنا بيحطنى فى مواقف او بيختبرنى مش عارف ايه الى بيحصل

بس بقيت اتحط فى مواقف بقول ان خلاص الدنيا دى ولا تسوى واقسم بالله

بمعنى ان محدش احسن من حد محدش اغنى من حد محدش معاه سلطه على حد

لما تشوف وزير او نائب بتفتكر ان باب السما مفتوحله وهو مبسوط اوى

بس لما بتقرب منه بتعرف حاجات لما تعرفها تتمنى انك متكونش عرفتها

لان محدش حاسس بحد ومحدش عارف ربنا مخبيله ايه لبكره او لكمان دقيقه

شوفوا الصوره دى لوسمحتم

الحـــــــــمد للـــــــــــــــــــه alsaadup-cc5d31dfdb.jpg

حسيت فى الوقت دا خلاص لازم كل ثانيه وكل دقيقه اقول الحمدلله الحمدلله

الف مره ف اليوم

كل شويه نسمع بوفاة حد قريب لينا او عزيز اوى علينا

ورغم كدا مش بنتعظ

بنقول دا قدره

طيب وانت عارف قدرك هيكون ازاى؟

والله فى ناس بتكون مريضه ويقولك حلى فى السفر برا وبيسافر ويتوفى هناك

لان دا قدر ربنا وحكمته

محدش كبير على الموت وبقى الموت قريب اوى مننا بدرجه فظيعه وكانها رساله من ربنا

فى ناس كتيره بتحس ان مجرد كلمه او حرف او أيه قرانيه يشوفها ولو بالصدفه

بتأثر فيه اوى وممكن تقلب حياته 180 درجه

وناس كتيره وناا واحد منهم بنشوف يوميا حودث ومواقف بتاثر اوى فينا

وبرغم كدا مش بنحط فى بالنا وكاننا كبار على الموت او الموت هيجى لحد عندنا ويقف

دلوقتى انا بكتب المووضوع ومش ضامن اعيش كمان لحظه

كنت مؤمن اوى بالقدر

بس معرفتش قيمته الا لما شوفت مواقف تشيب لها الولدان

بلاش ذكرها

لان ممكن ناس كتيره تتعب

بس الى عايز اوصله اننا فى نعـــــــــــــــمه كببيره اوى والله

بص لنفسك وبص لواحد فى سنك او طفل مش قادر يتحرك ومريض فى مستشفى

شوف انت ربنا مفضلك عنه ازاى

وعلى سبيل الذكر وليس الحصر

فى واحد قريبى كان مريض بال cancer وعلاجه كان برا مصر

وفعلا سافر ورجع بعدها بفتره معافى تماما وكان تمام وزى وبمجرد وصوله لبيته سقط ميتا الحـــــــــمد للـــــــــــــــــــه s08.gif

شاب فى عمر الزهور 24 سنه

الله يرحمه

حاجات كتيره جدا والدنيا فيها بلاووووووووووى

واحنا مش حسن بالنعمه الى احنا فيها

ومشكلة ناس كتير فاكر ان الدنيا ديمه وهى للاسف فانيه ومش بتبقى على حد ولا وزير ولا غفير

فى لحظه واقل كمان ممكن تكون فى عالم تانى غير الدنيا

فكرت كتير جدا ف العالم التانى دا

تخيل ان ربنا توفاك حالا

غمض عينك معايا وفكر انك دلوقتى فى المقابر ومقفول عليك تماما وكل حبايبك وصحابك واهلك وناسك سابوك

تخيل نفسك دلوقتى وهيبتدى الحساب معاك

وهيتعرض عليك الى عملته طول حياتك
شتمت كام مره غلطت كام مره سرقت ازاى وفين وامتى .......

وكله ادامك حالا

هل انت مستعد للموقف دا؟

لو مستعد ربنا يزيدك ويقوى ايمانك وينورلك طريقك

ولو مش مستعد

طب مستنى ايييييييه

انت تضمن منين تعيش كمان دقيقه؟؟؟



هتقول بكره هصلى بكره بكره......

وافرض مش عدى عليك بكره

طب ليه متلحقش نفسك دلوقتى قبل فوات الاوان

مستنى اييييييييه؟

إذا مات ابن آدم انقطع عمله إلا من ثلاث صدقة جارية أو علم ينتفع به أو ولدٍ صالح يدعو له

يبقى تلحق نفسك دلوقتى وتبدا تحافظ على اخرتك قبل دنيتك

اه متنساش حقك من الدنيا بس تعمل الف حساب للاخره

والله مش هتصدقونى لو قولتلكم

انى بفكر يوميا

لو انا موت ودلوقتى فى القبر وتخيلت نفسى واقسم بالله الموقف الى فات بالظبط

هيكون حالى ازاى وهكون بتعذب ولا لا

بفكر فى كدا كتير لحد ما تعبت جدا

بس عشان كدا كتبت الموضوع دا

عشان

نقول الحمدلله الحمدلله طول الوقت

على نعم كتير جدا احنا مش حسنها

ياريت نتقرب من ربنا اكتر والى شايل من حد حاجه يسامحه كله فى ميزان حسناتك

والى فاكر ان مشكلته ملهاش حل ودى اخر الدنيا

بقوله

فوووووووووق

كل مشاكل الدنيا دى هايفه جدا جدا

اى حاجه تهون الا المرض لقدر الله وديما نقول الحمدلله

ياريت زى مقولت نتعظ ونبدأ نحس ان الدنيا دى مش بتدوم لحد

دلوقتى ف حال وكمان دقيقه فى حال تانى خالص

ربنا يرحمنا برحمته

ويحسن خاتمتنا ويهدينا ويصلح حالنا

واسف على الاطاله يمكن كان جوايا كتير ويمكن معرفتش اعبر عنه كله

بس اتمنى ان ولو كلمه من الى قولتها تكون وصلت ولو لواحد بس ويستفاد منها




2 
crazy but not easy

ياااااااااااااااااه انت جواك كتير اوى يا مودى
بس تسلم والله ربنا يجازيك خير الجزاء ويجعله فى ميزان حسناتك اللهم امين


اللهم استرنا فوق الارض وتحت الارض ويوم العرض عليك يارب العالمين

اللهم توفنا وانت راض عنا

اللهم احسن خاتمتنا وثبت على السراط مرورنا يارب العالمين
اللهم امين امين امين


3 
5Lik Fe 7aLk

اقتباس: المشاركة الأصلية كتبت بواسطة crazy but not easy  مشاهدة المشاركة
ياااااااااااااااااه انت جواك كتير اوى يا مودى
بس تسلم والله ربنا يجازيك خير الجزاء ويجعله فى ميزان حسناتك اللهم امين


اللهم استرنا فوق الارض وتحت الارض ويوم العرض عليك يارب العالمين

اللهم توفنا وانت راض عنا

اللهم احسن خاتمتنا وثبت على السراط مرورنا يارب العالمين
اللهم امين امين امين

ميرسى يا قمرتى على مرورك بالموضوع ويارب يكون نال اعاجبك

ومنوره التوبك كله

وميرسى جدا لمتابعتك


4 
crazy but not easy

اقتباس: المشاركة الأصلية كتبت بواسطة f a n k o s h  مشاهدة المشاركة
ميرسى يا قمرتى على مرورك بالموضوع ويارب يكون نال اعاجبك


ومنوره التوبك كله

وميرسى جدا لمتابعتك

على ايه ميرسى يا مودى
دا انت اللى مليون ميرسى والله
بجد ربنا يجعله فى ميزان حسناتك اللهم امين

حقيقى ساعات كده الدنيا بتاخدنا ومش بنفكر فى بكره ياترى هنكون فين وازاى
فعلا معاك الف حق لازم ناخد حقنا من الدنيا بس مننساش نعمل للاخره اللى يا عالم امتى هتكون

نايس توبيك يا فنكوشتى


5 
DoOoOnA

كلامك مؤثر اوى يا محمود
الحمدلله الحمدلله الحمدلله
اللهم استرنا فوق الارض وتحت الارض ويوم العرض عليك يارب العالمين
اللهم توفنا وانت راض عنا
اللهم احسن خاتمتنا وثبت على السراط مرورنا يارب العالمين
اللهم امين امين امين

تسلم ايدك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.