العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

وطن للبيع

كاتب الموضوع: Ayna Ashya2ey، فى قسم: منتدى الحب والرومانسية


1 
Ayna Ashya2ey

وطن للبيع..
بأرضه بناسه وحضارته وشمس الله..
وطن بيضيع..
ياتلحق حته من طينته.. ياتجرى وراه..
يكون نفسك..تشم ترابه قبل البيع..
ومن نفسك.. تمللى عينيك بأحلى ربيع..
تشوف بلدك عزيزة العين خلاص بتضيع..
وتتفرج.. تاريخ امه محوه ف اسابيع..
وخربوها وكسروها وفضوها..
وقادوا كل نار فيها..
وكتبوا بدمنا عليها ..
وطن للبيع..


تكون عايز عينيك تنظر لايامك..
وذكرى جميله تلمح طيفها قدامك..
وغالى ف التراب مدفون..
تعالى دا الوطن بيهون..
وبص بسرعه على اهلك..
لحد الموت مايندهلك..
وقبل مامصر تتدارى..
دى كانت حلوه ياخساره..
كانت طاهره..
ياعينى وليه بقت سهله..
وضاعت منها قوتها..
فى يوم كان الزمان بيتها..
روت هاجر بميتها..
تاريخ يشهد بعظمتها..
ملوك كسرت ماكسرتها..
وام رجال ..وربيتها..
تعالى ابكى.. على هيبتها..
وقوم ودع..ف ميتها..
وشوف الدم ..ميتها..
كانت اغلى وطن بصحيح..
ودلوقتى..وطن بيضيع..
ولموا عزالها فى جيبوهم..
وراضوا منو حبايبهم..
ورسوها على اللى يطيع..
وكتبوا ع اللى جايبهم..
وعلمهم..وكبرهم..
وطن للبيع





Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.