العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

مدونتى ... " تخاريف قلمى " ......

كاتب الموضوع: ابو الوليد النبوى، فى قسم: منتدى الحب والرومانسية


1 
ابو الوليد النبوى

تخاريف قلمى ..
مدونتى ... " تخاريف قلمى " ...... elmstba.com_1359461066_914.gif

وانا فى اعدادى مع بداية حبى للشعر بدأت حكاية تخاريف قلمى
حكيلكم الحكايه من أولها
وانا فى اولى اعدادى كنت داخل مدرسه مشهور عنها " قلة الأدب "
من الآخر اللى بيدخلها بيبقى مقطع السمكة وديلها والعيال اللى فيها بلطجبية والكلام ده
وفى اول يوم فى الفسحة لقيت زمايلنا اللى كانو فى تالته اعدادى " وطبعا كنا بنبص لول انهم محدش يقدر يكلمهم حتى من المدرسين والمدرسين بيخافو منهم وكده "المهم لقيتهم بيزوغو مدونتى ... " تخاريف قلمى " ...... s04.gif
لقيت واحد منهم وقف على السور ونده
"يا فلان يا فلان تعالو احنا عندنا الحصه اللى جايه استاذ هلال"
لقيت اكتر من عشرين واحد رجعو المدرسه تانى من على السور
طبعا اترعبت من حاجه اسمها استاذ هلال من غير ما اشوفه
كان ابن خالتى فى سنه تانيه اعدادى فى نفس المدرسه فروحتله وسألته مين استاذ هلال ده
قاللى هلال ؟!
انت لحقت تعرفه " استاذ هلال ده ادعى انه ميشوفكش الــ 3 سنين "
فزاد رعبى من هذا الاستاذ
المهم عدى كام يوم ودخلنا استاذ هلال مكان مدرسة العربى اللى كانت غايبه
دخل حط الشنطه بتاعته على الدرج طلع منها كشكوله والخزانه اللى طولها تقريبا 25 سم
" صغيره بس مفتريه مدونتى ... " تخاريف قلمى " ...... s04.gif"
قال قيام بصوت واطى جدا تقريبا محدش سمعه غير اللى فى الادراج اللى قدام بس
اتمشى شويه بين الصفين فى الفصل وقال بصوت مسمعوش غير اللى واقفين جنبه " السلام عليكم " واحنا ردينا السلام لمه لقيناهم بيردو
مسك القايمه بتاعت الفصل علشان ياخد الغياب واول ما جه على اسمى قال
هشام عبدالحى محمد محمد النبوى
قلتله افندم
قاللى اقف
" ساعتها حسيت ان قلبى اللى هيقف مش انا "
قاللى انت منين
قلتله من شارع الترعه
قاللى منين من شارع الترعه
قلتله من عند مسجد انس بن مالك
قاللى منين عند مسجد انس بن مالك
قلتله من شارع خالد بن الوليد
قاللى انت اخو وليد عبد الحى
قلتله ايوه
قاللى اقعد
فضلت بقه افكر ايه ده هو عارف اخويا منين
فبعد الحصه سألته " يا استاذ انت تعرف اخويا منين ، قاللى انا صاحبه كنت بلعب كوره معاه "
فروحت سألت اخويا وليد تعرف واحد اسمه هلال كان بيلعب معاك كوره
قاللى " هلال مين ده ؟!"
تانى يوم فى المدرسه قلت لأستاذ هلال اخويا قاللى هلال مين ده
فضحك " وكنت اظنه لا يضحك " وقاللى قوله هلال فتحى قميحه
قولت لخويا هلال فتحى قميحه
قاللى آآآآآآآآآآه يا عم مكناش بنلعبه كان بينزل مكان اى حد يتعب كده لأنه مبيعرفش يلعب كوره ههههههههههههه
روحت قولتله ده قاللى انك مالكش فى الكوره يا عم فضحك
ومن ساعتها واحنا اصحاب علاقتى بيه مش علاقة استاذ بتلميذه
لكن علاقة اخ بأخوه الى الآن
المهم
كنا فى حصة للحاسب الآلى لقيت فولدر مكتوب عليه هلال


ففتحته لقيتها قصائد مسموعه مع صورجميلة كان اللى مصممها مدرس الحاسبالآلى
فسألته وقولتله ايه الحلاوة دى مين اللى عاملها قاللى انا
قولتله مين اللى كاتب القصائد قاللى استاذ هلال
سألت استاذ هلال عن القصائد دى قاللى دى تخاريف كنت بكتبها كده ايام الكلية
قلتله انا عوز اشوفها كلها ، قاللى ما اوعدكش لأنى معرفش هى فين
روحتله البيت وقلتله مش همشى غير لمه تجيبلى الكشكول اللى انت كنت بتكتب فيه
دخلنى البيت وصدمت لمه شوفت المكتبه بتاعته الكتب بتاعته من كترها مرصوصه على السلم
قاللى دور بقه فى دول اى كشكول تلاقى عليه تخاريف خده
يومها لقيت كشكولين ودواوين شعر ومن ساعتها وانا بحب الشعر
وبدأت فىكتابة اى مواقف تحصلى فى كشكول واسميته
تخاريف قلمى
تخاريف قلمى هى عبارة عن
مواقف تحدث لى
تعليقات لى على احداث بطريقة ساخرة احيانا
ابيات احفظها واقوم بتحريفها بطريقة مضحكة احيانا
ابيات اكتبها حديثا
تخاريف قلمى هى مدونتى من عدة سنوات حتى فاقت الــ 100 دفتر
..
وان شاء الله سوف انقل تخاريف قلمى هنا
لن انقل تخاريفى القديمة بل الحديثه فقط
وخلونا نخرف شوية




2 
sweet soul

ههههههههههههههههه
ياعم ياعم
صاحبت الاستاذ المرعب ده
ده انت زمانك مكنتش بتخاف من اى حد م العيال ف المدرسه
معااك الحمايه بقى
هههههههههههههههههههههههههه
ان شاء الله انا متابعه معاك
وعجبنى اسم المدونه ده اووى
ومتشوقه اشوف تخاريفك
بالتوووفيق


3 
ابو الوليد النبوى

اقتباس: المشاركة الأصلية كتبت بواسطة amany*  مشاهدة المشاركة
ههههههههههههههههه
ياعم ياعم
صاحبت الاستاذ المرعب ده
ده انت زمانك مكنتش بتخاف من اى حد م العيال ف المدرسه
معااك الحمايه بقى
هههههههههههههههههههههههههه
ان شاء الله انا متابعه معاك
وعجبنى اسم المدونه ده اووى
ومتشوقه اشوف تخاريفك
بالتوووفيق

هههههههههه
انتى عارفه
بسببه اتصاحبت على المدرسين كلهم وعلى عطية زقزوق
وعطية زقزوق ده هكتب عنه اول حاجه فى تخاريفى
نورتينى


4 
ابو الوليد النبوى

عطية زقزوق ..

مدير مدرسة الجلاء
صاحب طول فارع يكاد ان يلمس حواف ابواب الفصول برأسه اللامعة
يسير فى المدرسة فى خطىً ثابتة تتقدمه عزيزة
عزيزة هذه ليست بنته او مدرسة مثلا عندنا فى المدرسة
عزيزة هى " الخرزانه "
عزيزة وما ادراكم ما عزيزة
كم اطاحت بضحكاتنا اللذيذه
كم قبلت اقدامنا تقبيلا
وصافحت ايدينا واثار مصافحتها تظل على ايادينا ليلا طويلا
كنا نهاب من ذكر اسمه وكأنه من كوكب المريخ
لأنه اذا رأى احد منا خارج فصله صارت يديه حمراء كالبطيخ
ولكننا احببناه لما كبر عقلنا
وخرجنا من هذه المدرسة وتذكرنا ما كان يفعله
" لقد ضرب مدرس يوما لأن المدرس كان يصر ان نخرج الى حوش المدرسة لكى نلعب وكان الجو ممطر فقال له الاولاد كانو فى الفصل والفصل مكتوم ولو خرجو دلوقتى هياخدو برد الاستاذ صمم فطالته عزيزة "
ههههههههههههه
فليحيا زقزوق




5 
sweet soul

اقتباس: المشاركة الأصلية كتبت بواسطة ابو الوليد النبوى  مشاهدة المشاركة
هههههههههه
انتى عارفه
بسببه اتصاحبت على المدرسين كلهم وعلى عطية زقزوق
وعطية زقزوق ده هكتب عنه اول حاجه فى تخاريفى
نورتينى

ههههههههههههههه
ما انت مصاحب اجمد حد ف المدرسه
اقتباس: المشاركة الأصلية كتبت بواسطة ابو الوليد النبوى  مشاهدة المشاركة
عطية زقزوق ..

مدير مدرسة الجلاء
صاحب طول فارع يكاد ان يلمس حواف ابواب الفصول برأسه اللامعة
يسير فى المدرسة فى خطىً ثابتة تتقدمه عزيزة
عزيزة هذه ليست بنته او مدرسة مثلا عندنا فى المدرسة
عزيزة هى " الخرزانه "
عزيزة وما ادراكم ما عزيزة
كم اطاحت بضحكاتنا اللذيذه
كم قبلت اقدامنا تقبيلا
وصافحت ايدينا واثار مصافحتها تظل على ايادينا ليلا طويلا
كنا نهاب من ذكر اسمه وكأنه من كوكب المريخ
لأنه اذا رأى احد منا خارج فصله صارت يديه حمراء كالبطيخ
ولكننا احببناه لما كبر عقلنا
وخرجنا من هذه المدرسة وتذكرنا ما كان يفعله
" لقد ضرب مدرس يوما لأن المدرس كان يصر ان نخرج الى حوش المدرسة لكى نلعب وكان الجو ممطر فقال له الاولاد كانو فى الفصل والفصل مكتوم ولو خرجو دلوقتى هياخدو برد الاستاذ صمم فطالته عزيزة "
ههههههههههههه
فليحيا زقزوق



هههههههههههههههههههههههههههههههههههههههههههههههههه هههههههه
لالالالا تخاريف اطفال بجد
ههههههههههههههههههههههههههههه
احنا برده عندنا عزيزه دى
ههههههههههه
بس بجد التخاريف دى جميييله اوووى
انا متشووقه للباقى
هههههههههههههههههههه



أدوات الموضوع
انواع عرض الموضوع


مواضيع متشابهة مع: مدونتى ... " تخاريف قلمى " ......
غنيم: أخذنا "تعهدات" مهمة من "مرسي" تخدم "مصلحة الوطن" وتحافظ على "هويته" من قسم أخبار مصر Egypt News
بالفيديو.. مواجهة "شرسة" مع الاعلامى "وائل الابراشى" بين والد ضابط "قناص العيون" و"مصور الفيديو" الشهير من قسم أخبار مصر Egypt News
النص الكامل لـ"وثيقة السلمى" النهائية قبل عرضها على "العسكرى".. تعديلات على المادتين "9 و10".. وبند جديد يكشف تحولها من استرشادية لـ"إلزامية".. من قسم أخبار مصر Egypt News
8 ائتلافات سياسية تدعو لـ "جمعة التطهير" والقبض على " نظيف" و"عزمى" و"سرور" و"الشريف".. من قسم أخبار مصر Egypt News
"الكسب غير المشروع"يتحفظ على أموال"الشريف" و"سرور"و"عزمى"و"سليمان" من قسم أخبار مصر Egypt News

الساعة الآن 11:41 PM.


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.