العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

أقلام تستحق أن تُكسر / بقلمي

كاتب الموضوع: زهره نيسان، فى قسم: منتدى النقاش الجاد


1 
زهره نيسان

بيننا أقلام تستحق أن تُكسر


أقلام تجردت من الإنسانية


تجردت من الأخلاق و القيم


أصبحت لا تكتب إلا الرذيلة


أقلام عندما نُعجزها بقوة الحجة


لا تجد إلا الوقاحة طريقاً لتخفي ضعفها و جهلها


فتهاجم أصحاب العقول النيرة و تصفها بأقذع الألفاظ


تملكُ من الحكمةِ القليل


و من الحماقةِ و السذاجةِ و البُلهِ الكثير


أقلام يحملها تافهون


لا يعرفون المواجهة إلا بقبيح الألفاظ


لا ألومهم فهم لم يعرفوا أبداً للتربية أي معنى


خيرٌ لكم أن تكسروا أقلامكم


فهي بريئةٌ مما تكتبون



س / لماذا تُتخذ الألفاظ القبيحة سبيلاً للرد على من قال كلمةً لا تعجبنا ؟؟؟


س / أوصل بنا الحال إلى درجة أننا لم نعد نُطيق أن نستمع لرأي غيرنا فنهاجمه ؟؟؟


س / لماذا تجادل و أنت تعرف بأنك لن تحتمل رأي من يعارضك ؟؟؟


س / ما رأيك بكل صراحة فيمن يعارضك الرأي و لا يتفق معك ؟؟؟



أتمنى الإجابة بكل صراحة و بعيداً عن المجاملات و بدون أي تجريح لأي أحد




3 
sakr mesr

Good Words
And Good Title

4 
ملكة بكبريائى


نايس توبيك ياحوبيكا يالوسى
ياكلبه ها هههههههه لفظ مسىء اهو يابت اشتمينى بقى لو تقدرى او اعترضى كدا اعترضى مثلا مثلا


س / لماذا تُتخذ الألفاظ القبيحة سبيلاً للرد على من قال كلمةً لا تعجبنا ؟؟؟
والله دا بيبقى ضعف موقف الشخص دا موقفه ضعيف ومبيبقاش عارف يقول ايه فيهرب باى وسيله حتى لو كانت بلفظ لا يستحق ان يقال
ودا عيب تربيه وعيب نفسى قبل كل شىء
ودليل على ضعف شخصيته
زى ما بيقولو في مصر خدوهم بالصوت



س / أوصل بنا الحال إلى درجة أننا لم نعد نُطيق أن نستمع لرأي غيرنا فنهاجمه ؟؟؟
ممممم مش كل الناس كدا
بس مبقاش حد عايز حد يمشى رايه عليه دا حالنا دلوقتى كل واحد عايز رايه هو الى صح
والتانين كلهم غلط
انانيه واستبداد وتحكمات في الراى




س / لماذا تجادل و أنت تعرف بأنك لن تحتمل رأي من يعارضك ؟؟؟
مممممم اهى المجادله دى لازم في اى حاجه لما نلاقى الى ادامنا اسلوبه مستفز او في شىء جازب لينا بنندفع ونجادل
ونبقى عايزين نفهم كويس قصده او مفهوم الى بيتكلم عليه



س / ما رأيك بكل صراحة فيمن يعارضك الرأي و لا يتفق معك ؟؟؟
لا مش زعلانه ولا هدايق بس يعارضنى باسلوب كويس خاصه لو في موضوع جادى وليس هزار
يعنى الهزار عادى بهزر وبضحك وياكلبه وياعبيطه عادى بنهزر مع بعضينا وبين الصحاب
لكن شخص غريب يجى يوجهنى نصيحه بدون سابق معرفه او كلام ويكون كلام قاسى او مجرح
اكيد الرد هيبقى بقله زوق ولا اتقبله ابدا


تسلمى اسئله جميله اتمنى تكون اجاباتى في سياق الاسئله


5 
Night Devil

اولا نايس توبيك يا باشا




س / لماذا تُتخذ الألفاظ القبيحة سبيلاً للرد على من قال كلمةً لا تعجبنا ؟؟؟


الالفاظ القبيحة بتحصل ولكن بعد اقصي درجات الغضب اللى هو عايز اضرب الشخص اللى قدامي بس مش طايله

ههههههههههههههه وبيكون رد فعل ناتج عن غضب شديد مش كده وخلاص


س / أوصل بنا الحال إلى درجة أننا لم نعد نُطيق أن نستمع لرأي غيرنا فنهاجمه ؟؟؟

فعلا بقي فى قاعدة (( انا الصواب المطلق )) مفيش حاجة اسمها انا غلطان ... وده فى حد ذاته اكبر دليل علي

انه غلط


س / لماذا تجادل و أنت تعرف بأنك لن تحتمل رأي من يعارضك ؟؟؟

الحمدلله من ضمن الحاجات اللى بحبها فيا عندي استعداد للنقاش من هنا لسنة قدام وبرضه الحمدلله لما بلاقي

نفسي غلطان بقول انا غلط وانت عندك حق من النقطة دي



س / ما رأيك بكل صراحة فيمن يعارضك الرأي و لا يتفق معك ؟؟؟

لو الاعتراض جاي من باب النقاش والحوار واننا نتكلم وكل واحد يحاول يوصل للتاني وجهة نظره احب جدا كده

لكن لو الاعتراض جاي من باب خلقنا لنعترض وخلاص بكرههم عمي وخصوصا فى نوعية كده من الناس يا عم

يهديك يرضيك ابدااااااااا طيب اسمع ابداااااااااااااااا ... تحسي ان الكلام بيخبط فى وشه ويرد تاني هههههههههههه



بس كده


نايس توبيك يا باشا مره كمان ومعلش طولت فى الرد



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.