العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

سقطات الرئيس محمد مرسي !!

كاتب الموضوع: روفان، فى قسم: منتدى النقاش الجاد


1 
روفان

سقطات الرئيس محمد مرسي !! elmstba.com_1360095953_842.gif

البدايه قبل ما ابدء كلامي لازم اوضح نقطه معينه مهمه جدا وهي اننا مهما اختلفنا في وجهات النظر السياسيه دا بيكون نابع من خوفنا علي بلدنا وكل حد شايف وجهه نظره الخاصه صح وبيدافع عنها دفاع مستميت لذا انا برفض ان يتم في التوبيك اي كلام خارج او تخوين او تشكيك او غيره ......

الكل هنا يعلم اننا من مؤيدو الرئيس محمد مرسي لكن ليس تأيد اعمي لذلك رصدت بعض السقطات وبعضها من فتره طويله وجمعتها وهي

هرجع لوره شويه

1_ وعوده الزائفه عن ال 100 يوم التي لم ينفذ منها الا نسبه بسيطه جدا مش هقول مش اتنفذت ليه لا خالص هقول وعد بها من البدايه ليه واظن ماحدش ضربه علي ايده ولا قاله اعمل كذا وكذا في الفتره الزمنيه دي والا مش هننتخبك ؟؟ولا هو مجرد شو اعلامي وخلاص علشان يعلي من نقاطه والسلام . ودي كانت اول ساقطه يبدء بها الدكتور مرسي تاريخه الرئاسي

2_ مشروع النهضه الزائف ايضا والوعود البراقه اذ فاجئتنا طلع مافيش مشروع اصلا لان الشعب غير مؤهل ولانو مشروع بدون آليات ياسلاااام انا كاروفان اقتنعت جدا علي فكره ومين ال طلب منك ولا منكو اصلا تستعرضوا عضلتكو وتقول عندنا مشروع ضخم وادخل اقره علي النت المشروع انبهر ويمكن دا سبب قوي اننا انتخبت مرسي في المرحله التانيه ودي كانت تاني ساقطه لــ مرسي .

3_ يسقط يسقط حكم العسكر دي كانت هتافات حزب الخريه والعداله في المقر فجر يوم نتيجه انتخابات الرئاسه وانا كنت مبسوطه جدا وقولت ايوه بقي اخيرا حد حس بين وهيحاب المجلس العسكري علي كل ال ارتكبه اتفاجئت بعد ما الرئيس مرسي مسك الرئاسه انو بيكرم طنطاوي قولت ماهو مش هيكشف ورقه عطول كدا اكيد هيحاسب اتفاجيء بعدها ان المجلس طلع بخروج أمن بدون اي محاسبه زي ماكانوا بيطالبوا وبدءت اصدق فعلا ان حصل بين المجلس والرئيس اتفاقيه خروج أمن للاسف

4_ اختيار رئيس وزاره غير مرغوب فيه تماما واستمراره رغم انف الجميع ورغم ثبات فشل الحكومه فشل زريع ورفض اقالتها بعد احداث اسيوط والبدرشين رغم ان الرئيس مرسي طالب بـ اقاله الحكومه في احداث قطار الصعيد تناقض غريب!!!

5_ خطاب شيمون بيريز وتصريحات قناه 25 انو فوتو شوب وبعد ما ثبت صحه الخطاب قالوا اصل دا خطاب روتيني لــ اي دوله عفوا سياده الرئيس اسرائيل مش زي اي دوله وكان المفروض تراعي كدا ودي ساقطه في تاريخك السياسي

6_ اصدار قرارات من الرئاسه ثم تكذيبها ثم الرجوع فيها ثم ثم ..... ارتباك وتردد وتشتت ما أدي لــ عدم الثقه

7_ عد تطهير وزاره الداخليه منظومه الفساد ما أدي الي تكرار مأساه العنف ضد المواطنين


8_ اقاويل عن سفر اسره الرئيس لــ طابا وللعلم اقاويل شبه مؤكده واعلنت عن ميعاد السفر والعوده ورغم كدا لا حياه لمن تنادي ولا اي حد خرج يأكد او يكذب الخبر اظن من حقنا نعرف ايه سبب السفر والرحله فعلا كانت ترفيهيه ولا ايه وكانت علي نفقه الدوله ولا لاء وماحدش يقولي دخلنا ايه ماهو مش احنا نبقي هنا بنموت وهما هناك بيتفسحو تيجي ازاي يعني !!

9_ اخيرا محمد الجندي خالد سعيد التاني ال مات غدر بدون اي سبب لمجرد انو رفض ان والدته تتشتم ورد علي الضابط الحقير ال شمته بوالدته اتاخد واتعمل عليه حفله تعذيب كل نص ساعه بــ اقصي انواع التعذيب واتوفي امبارح كنت منتظره من الرئيس المبجل رد فعل قوي وعنيف والدنيا تقوم ويطلع ببيان ويقول انو متابع التحقيق بنفسه لحد ما ناخد حق محمد بس للاسف نسيت اننا في مصر وخيالي اخدني شويه افتكرت اننا في اليابان



اقتباس:

سيده كفيفه فى اليابان ماتت تحت المترو

اليابان غيرت المنظومه كامله
وكتبوا فى محطه المترو شكرا للسيده التى ايقظت الضمير اليابانى




في النهايه لاننا من مؤيدو الرئيس مرسي واجب عليا اول ما اشوف سقطات انقدها واسلط عليها الضوء لكن مش معني كلامي اننا هوجهه مساري لــ التيار الشعبي ولا جبهه الانقاذ اطلاقا مش معترفه بيهم اصلا كله بيسعي للمصالح الشخصيه فقط وللكراسي



منتظره نقاشكو يمكن حد يقنعني اننا غلطانه !


بقلمي




3 
ابو الوليد النبوى

اولا أشكرك على رقى اسلوبك فى المعارضه وابداء رأيك
انتى معاكى حق فى كل كلمه انتى بتقوليها
واظن سبب دهان الاخوان فكروا نفسهم ان هما يقدروا يعملو كل حاجه لوحدهم
ونسيو ان فى ناس تانيه عايشه معاهم فىنفس الوطن
بالنسبه للـ 100 يوم أيوه ده كان شو اعلامى او على رأيهم مكانوش واخدين بالهم ان البلد خربانه اوى كده مع انى ضد المبررات اللى هما كل يوم يطلعو بيها
مشروع النهضة وان كان مشروع جيد ولكن ايه اللى اتنفز منه " مفيش "
مر حواىل 8 شهور ولسه مفيش حاجه اتغيرت ايوه فيه حاجت اتعملت بس قليله جدا لدرجة ان احنا مش اشيفينها ولا حاسينها
خروج العسكر اظن وده رأيي اللى انا مقتنع بيه انه كان فيه حكمه لأن كان ممكن يحصل انقلاب من الجيش على الشرعية واللى حصل ده كان أسلم رأى
رئيس الوزراء بقه مش نافع خالص
ولمه حزب النور قال ان الحكومه لازم تمشى وقال كده مع جبهة الانقاذ
قاللو علينا فى الحزب خونه والكلام اللى معروف ده اللى مبيطلعش غير من الاخوان
الحكومه كلها لا تصلح لإدارة البلاد
ولو قالو ان الفساد كتير وتفشى فى البلد والكلام الحمضان ده
لا فى قرارات تقدر بيها اى حكومه تعدى المرحله دى بأسرع وقت
ولكن البطْء هو سيد الموقف
القرارات فعلا تخبط وقرارت غير مدروسه وده سببه ان الرئاسه غالبا لا تسمع لجميع الآراء
ولا تدرس القرارات جيدا قبل طرحها
وزارة الداخليه
فعلا تطهيرها صعب جدا جدا جدا
والفساد فى المنظومه كلها
بس فى حلول " يقدر يعزل جميع اللواءات ويعين طلبة كلية الشرطه من سنه ثالثه ورابعه باقى الرتب هيخافو فيتظبطوا بمبدا اضرب الكبير الصغير يخاف "
سهله يعنى بس مش عارف ليه البطء
اسرة الرئيس
لا بصراحه كل حاجه بيعملوها بتبقى على نفقة الاسره الخاصه حتى لما سافروا معاه فى العمره كان على نفقته الخاصه ومسافروش معاه على نفس الطياره
والله اعلم يعنى
فى الآخر انتى طبعا مش غلطانه
احنا معندناش قدسية لأحد
ولكننا نعارض بأدب دون سب
وجميل ان حضرتك اشترطى الأدب فى النقاش وعدم سب اى تيار
جزاكى الله خيرا
ورجاء
ان كلنا لازم ندعى بجد ان ربنا يعدى الفتره اللى جايه على خير
ومصر تبقى احسن



4 
Immigrant

طيب ياروفــان
خلاصة الكــلام علشا محدش يزعل ويدايق كــدا
الحزب الحاكـم زيه زى اى مستبد غاصب

من الاخر كــده الناس بتحسسنى ان البلد مش بتاعتهم وهم محتلين البلد
زيهم زى الانجليز زى الفرنساويين

ولو الناس اللى ف الشارع دى عاوزه مصالح شخصيه

فين انا بقه ككيان لدوله اعدل من سياستى علشان اقعد الناس دى فبيوتها
وامشى بما يرضى الله
قولنا دا رئسنا حافظ القرأن واتبسطنا
واحده واحده والاقى ان مصر كلها بتحكم
ومصر كلها قاعده ع الكرسى
ومصر كلها بتاخد قرارات
ومصر كلها بتقتل فبعضيها
ومصر كلها مخونه بعضيها
ومصر كلها مؤيدين
وف نفس الوقت
مصر كلها معارضين

والله مصر دى مظلومه معاكوا


هحكيلك قصه صغيره اووى
واحد صاحبى اعرفه عنده 45 سنه
محبوب اووى اووى وخدوم جدا
وهو مش شيخ او اسلامى زى ما ف ناس بتقول احنا الاسلامين
هو زيه زى كل الشعب المصرى بيصلى ويصوم ويزكى وعارف دينه كويسه
قولته ايه رايك انا هحملك حمله وتدخل انتخابات مجلس الشعب
الكلام دا كان ف 2005 وقلتله هتنجح وسيب عليا الشباب انا كفيل بيهم
قال كلمتين قالى انا ياشادى هبقى مسؤله عن دايره باكلمها فيه كام الف واحد
ومش هراضى كل الناس ومش هقدر اخدم كل الناس
واخاف ربنا يحاسبنى بيهم

ودول يا حسره كام الف

انما ال مسؤل بقه عن كام مليون هيعمل ايه




المركب ال ليها ريسين بتغرق
مابالك اكبر مركب ف الدونيا واحلى مركب ( مصر ) وليها مليون ريس
دا هتغرق ومش هتطلع تانى


الناس اللى ف الشارع سواء احزاب او فرديين مطلعوش من فراغ يا روفان
الناس دى طلعت علشان شايفه حاجه غلط
لالالالالا شايفه حاجات كتيره غلط
لو كان ف نواياهم مصالح شخصيه فهما ف الاول والاخر طالعين علشان ف غلط ملحوظ ومحسوس وملموس


احنا تعبنا ومصر تعبت اكتــر
وفى ناس مبتحسش ولا عندنها دم


لما يبقى شايف الغلط موجود ويرمى الغلط على جهه تانيه علشان شايف فيها بردوه غلط
ويسيب الغلط ف العامل الرئيسى اللى هو سبب ف غلط الجهه التانيه


اللهم ما احمى مصرنا العزيزه
اللهم ما على شانها واصلح حالها
اللهم ما ارحم امواتنا وكل موتى المسلمين
الله يرحمك يا محمد


5 
Wana Maly

لا ولا غلطانة ولا حاجة يا رورو
فعلا للأسف الرئيس مرسى من يوم ما مسك الرئاسة فيه غلطات كتير عملها وقلل من شعبيته وفيه ناس فقدت مصداقيتها فيه تماماً ابتداءاً من اول ما كسب الرئاسة وساب طنطاوى وعنان ولم يعد المحاكمات زى ما وعد بها وبردو للأسف فى الدستور طنش مطالب ناس كتيرة اوى وعمل احتقان فى الشارع المصرى

لكن لحد دلوقتى انا متفائل خير ان شاء الله
وربنا ييسر الأمور والدنيا تتظبط .. ~

موضوع جميل ثانكس رورو واحلى تقييم .. ~



أدوات الموضوع
انواع عرض الموضوع


مواضيع متشابهة مع: سقطات الرئيس محمد مرسي !!
نص كلمه الرئيس محمد مرسي اليوم الاحد 27-1-2013 ، نص كلمه الرئيس محمد مرسي تعقيبا علي الاحداث الجاريه من قسم أخبار مصر Egypt News
أحمد محمد مرسى نجل الرئيس محمد مرسى يهنأ أخيه عبد الله على نجاحه فى الثانوية العامة وحصوله على مجموع 75% عبر صفحته فيس بوك من قسم أخبار مصر Egypt News
صور عائلة الدكتور محمد مرسى - صور اسرة الرئيس محمد مرسى 2013 - صور محمد مرسى وعائلته من قسم صور المشاهير 2019
عمر محمد مرسى - السيرة الذاتية للدكتور عمر محمد مرسى نجل الرئيس المصرى محمد مرسى من قسم ويكيبيديا الموسوعة الحرة
صور الشيماء محمد مرسى 2012 - صور نجلة الدكتور محمد مرسى - صورة ابنة الرئيس المصرى محمد مرسى 2012 من قسم صور المشاهير 2019

الساعة الآن 05:49 AM.


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.