العودة   منتديات المصطبة > الأقسام الأسرية > منتدى الطبخ والأكلات

منتدى الطبخ والأكلات مأكولات شعبية، أطبـاق، طواجـن، سلطات، معجنـات، مشروبـات، عصائـر وحلويات

مطبخ⋙Vernon⋙متجدد

كاتب الموضوع: Mr.Lonly، فى قسم: منتدى الطبخ والأكلات


1 
Mr.Lonly

مطبخ⋙Vernon⋙متجدد elmstba.com_1360105611_738.jpg
اهلا وسهلا بكل اعضاء منتدي المصطبه

انا كنت قاعد ع النت مخنوق كـ العاده بس المره ديه اكتر شويه

وبعدين فكرت اعمل موضوع متجدد عن الطبخ عموما بما ان مفيش موضوع شامل XD

طبعا ناس كتير ممكن تضحك علشان انا ولد وبقول طبخ XD طبعا حاجه غريبه بس ديه عندي زي الهوايه

نتكلم عن الموضوع بقا


انا انشاء الله هحط كل يوم وصفه ولو ربنا سهل هخليها بـ صور مطبخ⋙Vernon⋙متجدد s04.gif ابتداء من بكرا

وفـ نفس الوقت اي شخص عايز وصفه او حاجه محدده انا موجود

تحياتي

Vernon




3 
!_DiDi_!

احنا نقدر نتريق ولا نقول حاجة اباشاااا ؟

طب تصدق ان فيه شيفات كتير رجاله طبخهم احلى من البنات

يسلموووو بقى و في انتظار اول اكله


4 
Mr.Lonly



المكرونه بـ الباشميل






المقادير المطلوبة.
مكرونة مسلوقة..صلصة الباشميل..لحمة مفرومة معصجة(مبحبش اقول الكلمه ديه) ..جبنة موزوريلا مبشورة



و الان لعمل اللحمة بستخدم:بصلة مفرومة..لحمة مفرومة...طماطم مفرومة ..فصين ثوم (توم) مدقوقين و صلصة طماطم و ممكن خضار انا هنا استخدمت ذرة مفرزة..و طبعا ملح و فلفل اسود و بهار


طريقة عمل اللحمة..

هنسخن الزيت عالنار وبعدين نحط البصل المفروم و نقلب شويه لحد مـ يذبل



نضع اللحمة فوقه و نقلب كويس


نسبها لحد مـ يتغير لونها الى اللون البني وبعدين نحط الثوم و نقلب



وبعدين الطماطم و تقلب كويس





وبعدين الذررة و نقلبها و نسبها لحد مـ تذبل الطماطم

ثم نضيف الصلصة





و تترك على النار لحد مـ تتسبك و تبقى جاهزة

لعمل البشاميل نحتاج الى:
كوب طحين تقريبا 7 ملاعق كبيرة..لتر من اللبن يعني تقريبا اربع كوبيات ..مكعبين ماجي و زبدة..ملح و فلفل اسود




نحط الطحين مع اللبن عالبارد





وبعدين نحطو ع النار و نحركهم بالمضرب السلك لحد مـ يذوب الطحين خالص

وبعد مـيسخن بشويه نحط الماجي و الملح و الفلفل الاسود و طبعا مش هنسبها ابدا نفضل نحرك لحد مـ تتكتل

وبعدين نحط الزبدة



و نفضل نحركهم لحد مـ يتخن (يبقا تخين يعني ) قوام البشاميل كدا





وبعدين نشيلو من على النار

دلوقتي اللحمة جاهزة و البشاميل جاهز ..

نحط المكرونة المسلوقة في طبق عميق (غويط) و ونحط فوقيها نص كمية البشاميل



نقلب المكرونة مع البشاميل كويس لحد مـا يمتزجو و ممكن نحط شويه
جبنه (وممكن لأ)




هنحضر صينية الفرن ندهنا بشويه من الزبدة و نغطي قاع الصينية و الحواف بالبقسمات
نحط طبقة من المكرونة
وبعدين نفرد فوقها اللحمة
وبعدين طبقة من المكرونة




و نغطيها كلها
وبعدين نحط بقيه بصلصة البشاميل !


نوزع الجبنة المبشورة فوقها (وممكن لأ بس الافضل نوزع)



ندخلها فرن سخن لمدة نص ساعة او اكتر لحد مـ تتحمر الطروف
نفتح الشواية و نحمر الوش
نسبها تبرد شويه قبل التقطيع




وبـ الهنا



الصور منقوله بس الكلام انا كتبو لحد مـ ايدي


5 
sweet soul

بجد فكرررررررررررره تحفه
واحلى تقييم ومتااابعه معاك بما انى فاشلة مطبخ يمكن اتعلم حاجه
ههههههههه
وان شاء الله هبقى اجرب وصفاتك



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.