العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

الموت ..حاجة حلوة

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

هتكلم عن الموضوع بنظرته الفلسفية من وجهة نظرى اللى اكيد تحتمل الخطأ وممكن انا اللى بعد فترة اغلطها ...
بس حد عمره فكر يحب الموت ؟؟
"بالرغم من قساوته وان قصة اى حد مع الموت هتكون شبه "الجميلة والوحش

عمر حد فكر الموت بيعمل ايه فى الناس غير انه يقتل كام حاجة حلوة ويوجعهم من جوا ؟؟
طيب
نشوفه من ناحية ان الموت ده حاجة عظيمة جدا عملا بمبدأ ان الله لم يخلقنا ليعذبك بل ليبتليك وكذا ...
1- الموت لما بياخد روح واحدة بيأثر على اكتر من واحد والدايرة بتتسع بطريقة تفوق اصلا دائرة التأثير الخاصة بالشخص المتوفى .. يعنى الناس اللى بييجوا يحضروا عزا شخص تانى يعرفوه من قريب او بعيد بيتعظوا و بيعرف كل او حتى بعض لا بأس بعدد هذا البعض اد الحياة حقيرة ..حياة متسواش رزاية ممكن تشرق فيها ..حبة مية ممكن يغرقوك ..نفس يخرج منك وميرجعلكش .. لحظة اما قدرك يكون على ايد عربية .. ولا طلقة خرطوش وللا ولا ولا ...

2- رسالتك ؟؟ طول عمرى مؤمنة ان كل واحد ربنا خلقه يؤدى رسالة و يموت بعدها ..مممكن الرسالة دى تكون بموتك اصلا ..يعنى موتك يكون رسالتك ..وانك اما تموت تسيب بصمة فى اللى حواليك بطريقة او باخرى ان هم لازم يكون ليهم رسالة ..و يحاولوا لو لقوا ان الشخص ده كان ممكن يموت موتة احسن من كده .. يتعظوا و يطلبوا من ربنا ان يرزقهم حسن الختم وموت يليق بجلال اللى كانوا بيعملوه فى حياتهم وعليه يعملوا شئ جلل ...
ويحاولوا يسعوا و يدوروا ع الرسالة بتاعتهم ملأ روحهم ..



3- الموت بيطلع البنى ادم اللى جواك ..بيمحى تعجرفك و ظنك انك برنس السنين وان الكون تحت اشارة من صباع سيادتك وانك الامر والناهى و مانحوها من الصفات اللى بنتغّر بيها ...
بتعيط و بتحس اد ايه انت ضعيف اكتر من محمود عبد العزيز فى ابراهيم الابيض ... بترجع تعيد حساباتك بتبقى .هش و نقى لحد بعيد ومش بعيد انك تتغير و تصبح بنى ادم جديد غير متدنى حبا فى الدنيا كحال معظمنا ...

4- بتحس بالفقد وده احساس وحش بس هنبصله حبا ... الموت بيعرفك قيمة كل بنى ادم فى حياتك وازاى ممكن ف ثانية بل اقل وبتحاول تقدر كل بنى ادم وتعز مقداره
وتكون بتعامله كأن كلكوا مش دايمين لا لبعض ولا لغيركوا ... و تتقى ربنا فى حبك ليه ..الحب بمنعاه الاوسع من الافق ..

الموت ..كلمة لو اتصالحنا معاها ممكن تخلينا عايشين احسن ودى حكمة ربنا منه لاننا كبنى ادمين لازم نكون عايشين لهدف وكاضعف الايمان ليه منعششى واحنا بنحضر حقيبة السفر للرحلة الاخيرة المكتوبة علينا ...

الموت حق لينا ..وواجب نتحضرله كويس
_ الموت حاجة _ممكن
تكون حلوة بس انت اللى هتكوّنها هذا الكون




2 
Mr.Lonly

اقتباس: المشاركة الأصلية كتبت بواسطة غــنـــــوه حزيــــــــنه  مشاهدة المشاركة

الموت حق لينا ..وواجب نتحضرله كويس
_ الموت حاجة _ممكن
تكون حلوة بس انت اللى هتكوّنها هذا الكون

كلام تمام زي بقيه الموضوع

جوود توبيك


3 
Immigrant

بسم الله الرحمن الرحيم
قال تعالى
فأصابتكم مصيبه الموت
يعنى الموت ف حد ذاته مصيبه

انما الحاجه الحلوه ان ال لسه عايش يتعض بيها ويغير حياته للاحسن
لان كده كده ميت

بسم الله الرحمن الرحيم
اينما كنتم يدرككم الموت ولو كنتم فى بروج مشيده



الاهم فعلا فموضوعك هى العظه يا ندا
لازم نتعظ من اى مصيبه قدامنا علشان نقدر بيها نعدى لبر الامــان
الحياه لعب
لازم قبل ما يجلنا جيم اوفر نكون جمعنا اكبر بوينت منها
بسم الله الرحمن الرحيم
انما الحياه الدنيا لعب ولهو وتفاخر بينكم




الموضوع يتساهل تقيم يا ندا فعلا


4 
غــنـــــوه حزيــــــــنه

اقتباس: المشاركة الأصلية كتبت بواسطة |sad|  مشاهدة المشاركة
كلام تمام زي بقيه الموضوع

جوود توبيك

تسلم ياعمر منور التوبك



5 
غــنـــــوه حزيــــــــنه

اقتباس: المشاركة الأصلية كتبت بواسطة immigrant  مشاهدة المشاركة
بسم الله الرحمن الرحيم
قال تعالى
فأصابتكم مصيبه الموت
يعنى الموت ف حد ذاته مصيبه

انما الحاجه الحلوه ان ال لسه عايش يتعض بيها ويغير حياته للاحسن
لان كده كده ميت

بسم الله الرحمن الرحيم
اينما كنتم يدرككم الموت ولو كنتم فى بروج مشيده



الاهم فعلا فموضوعك هى العظه يا ندا
لازم نتعظ من اى مصيبه قدامنا علشان نقدر بيها نعدى لبر الامــان
الحياه لعب
لازم قبل ما يجلنا جيم اوفر نكون جمعنا اكبر بوينت منها
بسم الله الرحمن الرحيم
انما الحياه الدنيا لعب ولهو وتفاخر بينكم




الموضوع يتساهل تقيم يا ندا فعلا

تعرف ياشادى انا أهم حاجه ان الاعضاء او غير الاعضاء لما تمر
ف الموضوع علشان تشوفهـ مش عايزاها تشوفه بس ولاتشكرنى
انا مش مستنيه كلمة شكر انا مستنيه اننا نقرأ الكلام وندورهـ ف دماغنا
ونطبقه فعلا علينا الدنيا مبقتش تستاهل الكل بيموت ومبيأخدش غير عمله سواء كان بقى حلو او وحش المهم احنا نعمل الكويس
بس متنساش برضوا ان ربنا قال ان الله لايغير مابقوم حتى يغيروا مابأنفسهم
شكرا شادى ع تواجدك ف موضوعى



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.