العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

مجرد أحساس وفضفضه جوايا

كاتب الموضوع: غــنـــــوه حزيــــــــنه، فى قسم: منتدى النقاش الجاد


1 
غــنـــــوه حزيــــــــنه

من زمان وانا احلامي هيه هيه
صغيرة وبسيطة
مش زي أي بنت

كنت بحلم بشخص يكون معايا و أحبه
يمسك إيدي وقت ما احتاجه ويطمني وقت ما أبص في عينيه
محلمتش أبدأ بشكله وتفاصيله وملامح
حلمت إني أحبه ويحبني ووبس
ولما حلمت أني أتجوز وأعيش معاه في بيت
اتمنيت بيت نكون فيه مع بعض بنتشارك احلامنا وفرحنا وهمومنا
لكن عمري ما حلمت بشكل بيتنا ولا الركن ده حيكون فيه ايه والأوضة دي أحط فيها إيه
حلمت ألبس فستان أبيض وأصحابي يبقوا حواليا
ومحلمتش بشكل الفستان ولا شياكته وهيأته
حلمت وحلمت وحلمت
أحلام كتير صغيرة يمكن عشان تتحقق
خفت احلم احلام كبيرة أوووي وماتتحققش
هي دي أحلامي ببساطة وعلى قد ما انا شايفاها قليلة طول الوقت
على قد ما حسيت في وقت من الأوقات انها مش قليلة ولا حاجة
وانها كبيرة.....عليا أنا
أو يمكن ما استاهلهاش
ويمكن
ويمكن
ويمكن
............................
....................
هى دى بس مجرد أحساس وفضفضه جوايا





2 
ملكة بكبريائى

حبيبتى متحرميش نفسك من الحلم ابدا
كلنا بنحلم احلام كبيرة وصغيرة متيأسيش من رحمه ربنا
وهو عارف نفسك في ايه لوحدك كدا وانتى بتفضفضى مع ربنا هتلاقيه سبحانه حقللك حاجه منهم ولا على بالك
ربك عظيم

ياحبيبتى وتفائلو بالخير تجدوه وطول ما فينا حلم
طول ما احنا عايشين


3 
جوجو19

ملكة كلامها صح
ماينفعش نعيش من غير ما نحلم مهما كانت احلامنا هتتحقق ولا مش هتتحقق
اصلا حلمنا بيها جزء من تحقيقها
ربنا يحقق كل احلامك يارب وكل الي بتتمنيه
و يفرح قلبك و يسعدك


4 
Night Devil

اعتقد ان دي متصنفش احلام ... ده واقع ونهج حيــاة ...

وكل شيء بوقته ربك كبيييييييييييييييييييييييير ... الفكرة فى اننا منستعجلش ومنييأسش من

انه جاي فى يوم من الايام ....



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.