العودة   منتديات المصطبة > الأقسام الأسرية > عالم حواء والزواج

عالم حواء والزواج قسم خاص للمرأة، عالم المرأة، زواج، ثقافة زوجية، مشاكل الزواج، عادات وتقاليد


1 
حبيبى رسول الله

Kill Diabetes

بصوا بقا انا حبيبت اكتب طريقتى فى علاج الحبوب
لانى حسيت ان ده احسن علاج وصلتله ومش مكلف وبسيط

يا ترا ايه الحبوب دى اصلا !!
الحبوب يا ستى هيه
حالة جلدية بتحصل نتيجه تغير الهرمونات وتغير الجو وافرازات البشره
وبتظهر اكتر خلال فتره المراهقه
وبرضو بتحصل للبنات والستات نتيجه الدوره الشهريه والحمل

صلوا على النبى الاول عشان الموضوع يبقا فيه بركه
اللهم صلى على سيدنا محمد صلى الله عليه وسلم
اوعوا تنسوا تصلوا عليه وخلى كمان اللى قاعد جمبك يقول هوه كمان
طمع بقا


اولا
اللى بيسبب الحبوب بصفة عامة:-


1- الشمس
2- العرق
3- عدم النظافة
.. اللى بيحصل ان المسامات بتهيج والأوساخ بتتراكم في المسام لحد ما تتسد المسام
وتبدأ الحبوب تظهر وتبدأ العدوى في المسامات المجاورة وهكذا.

حبوب الوجه ، حبوب الوجه عند البنات ، اسباب حبوب الوجه elmstba.com_1360418228_263.jpg

دى شويه نصايح حبيت اقولها الاول لانها مهمه جدا
وجزء من العلاج يعنى بيكملوا بعض
ووخداها من دكتور جلديه لانى كنت كل ما اكشف على شعرى
اسأله على الحبوب والبقع وكده


1- ممنوع نلمس ونلعب بالحبوب ، لأن ده بيعمل بيزود الحبوب وبيسيب أثر بعدين
بالذات لو انتى بتتطبخى ولا بتنفضى لان ايدك هتبقا ما شاء الله فيها طبيخ وتراب وغيره
يعنى متحطيش ايدك على الحباية ده اخطر حاجة وبتخلى الحبوب تنتشر

2- ابعدى عن المايه السخنة على الوش: لإنها بتعمل جفاف والتهابات.

3- ممنوع استخدام اى وسيلة في نزع الشعر لانها خطر جدا اثناء وجود الحبوب

4- وضع واقى الشمس وقللي من تعرضك للشمس وقت الظهيرة على قد ماتقدري

5- خففى من القلق والتوتر النفسي لأنها هتزود الحبوب.

6- ممنوع المكياج في هذه الفترة بالذات
يعنى ريحى بشرتك من المكياج لمده اسبوعين لحد ما الحبوب تنشف
ولو حصل وحطيتى هنزيله كويسه بمزيل المكياج بقطنه ونمسح على خفيف بلاش
مناديل ورق و مناديل قماش لانها جامده على البشره القطنه حنينه وهاديه


7- هنشرب مايه كتير على اد ما نقدر
هيبقا هايل اوى هيطرد السموم اللى فى جسمنا
وكمان هيحسسنا بالشبع ومنها نخس ونبقا موزز بقا


وانا هقولكم على طريقتى للى مش بيحب او بينسا يشرب مايه
مثلا

عندكم 5 فروض فى اليوم لو هنشرب كوبايتين كبار قبل كل فرض وانتى رايحه تتوضى
هتلاقى نفسك شربتى 10 كوبايات فى اليوم ده غير المايه اللى هتشربيها جنب الاكل العادى وكده

8- المخللات والشطه والموالح هيه اللى بتهيج البشره ياريت نقلل منها او نبطلها احسن



نجى بقا للعلاج اللى هنعمله


*- هنغسل وشنا بغسول نظيف يوميا مرة صباحا ومرة ليلا
الغسول مهم جدا وخصوصا للبشره الدهنيه
لان اهم حاجة فى البشرة الدهنية دايما تغسلى وشك عشان الاتربة..هى اللى بتزود الحبوب
( ممكن تسيبى الغسول فى الحمام عشان كل ما تتوضى تغسلى بيه )

*- ممكن نغسل وشنا باللبن فدا بيساعد على تعقيم البشرة ومنع ظهور حبوب جديدة.
او مغلى البقدونس او النعناع بعد ما يبرد طبعا
( بس الخطوه دى لو معندكيش غسول اوك)

*- عارفين الخميرة بتساعد في منع ظهور الحبوب لاحتوائها على فيتامين "ب" الهام جدا للبشرة
عشان كده ممكن ناخد منها
( خميرة البيره بتاع الخبز)طب هنعملها ازاى هتتدوبيها مع كوب من اللبن او المايه يوميا

*- ممنوع منعا باتا تغسلى وشك بالصابون العادي واستبداله بالصابون الطبي.
الصابون العادى للاستحمام وبس
هنستخدام الصابونه الطبيه زى
اكنى ايد للحبوب وسينوبار و داى لايت كلهم حلوين اوى للحبوب
بترغيها على وشك واتركيها دقيقتين تلاته عالبشرة
ونشطف البشرة بماء فاتر يعنى من الحنفيه


*- نجى بقا لاهم خطوه واسرع خطوه


الخطوه دى اللى هتقضى على الحبوب فى يومين بس
ودى انا علطول بستخدمها بجيب مرهم ( مضاد حيوى ) اسمه فاركوسين
بحطه على الحبايه اول ما بلمحها وتانى يوم الاقيها اختفت
ومش بس للحبوب لاء لاى قرصه ناموس او اى حشره وكمان بحط بعد عمليه ازاله الشعر من الجسم
بالذات المناطق الحساسه لان ده بيمنع ظهور الحبوب فيها
انتى ممكن تستخدمى اى مرهم تانى يكون برضو مضاد حيوى بس ده اللى جربته
المرهم يا جماعه أمن جدا متخفوش منه ولو حابين تسئلوا
الصيدلى اوك ميضرش


صحيح نسيت اقولكم تستخدموه ازاى
هتاخدى نقطه من المرهم على صابعك وتحطيها على اد الحبايه بس

حبوب الوجه ، حبوب الوجه عند البنات ، اسباب حبوب الوجه elmstba.com_1360418229_991.jpg

وده شكل المرهم

حبوب الوجه ، حبوب الوجه عند البنات ، اسباب حبوب الوجه elmstba.com_1360418228_471.jpg

بالنسبه لاثار الحبوب بقا

*هنعمل صنفره اى صنفره تحبيها وتناسب بشرتك
( مثلا زى الرده وعليهم شويه مايه او لبن ) او اى صنفره جاهزه
زى صنفره اصاله او اى صنفره تحبيها وتكون هاديه على البشره

*كمان الخيار يساعد ويخلى الوش صافى
ويمتص كتير من الدهون الموجوده على الوجه

*كمان هنستخدم اى نوع اسكينول لبشرتك
او اسكرب مره او مرتين في الاسبوع على حسب حجم الاثار

*كمان استخدمي كريم تفتيح على الاثار الموجوده
انا كنت بستخدم فير اند لافلى وبستخدم دلوقت بى وايت ونسبيا حلو

*شرب الماء مهم جداااا ينقي الوجه جدا زى ما اتفقنا

*- لو لسه فيه آثار للحبوب ممكن استخدام كريمات مقشرة بس مش هقول على اى نوع
لانك ممكن تاخدى استشارة الدكتور .
لان هيعطيكى المقشر المناسب والمرطب ليه كمان

ملحوظه مهمه جدا جدا جدا جدا
فى حاله ظهور حبايه جديده يتم التوقف عن اى صنفرة او لعب فى الحبايه اوووك
لان احنا قولنا ممنوع اللمس او التصوير هههههههه
اللهم بلغت اللهم فاشهد




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.