العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

حسبى الله ونعم الوكيل

كاتب الموضوع: Shr2wyA، فى قسم: منتدى النقاش الجاد


1 
Shr2wyA

السلام عليكم ورحمة الله وبركاته

بسم الله الرحمن الرحيم
اماابعد :عن ابن مسعود رضي الله عنه قال: "سألتُ النبي صلى الله عليه وسلم: أيُّ العمل أحبُّ إلى الله تعالى؟ قال: الصلاة على وقتها؛ قلت: ثم أيُّ؟ قال: بر الوالدين؛ قلت: ثم أيُّ؟ قال: الجهاد في سبيل الله".

ياجماعة انا هقولكوا حاجة حصلت معايا امبارح او بالمعنى الاصح موش معايا

حصلت قدامى

انا كل يوم بسهر طبعا متأخر اووووى بما انى فى ثانوية واخر سنة ليا

امبارح كنت قاعدة بذاكر حواالى الساعة 11 ونص ومندمجة فى المذاكرة اووى

عشان عندى امتحان انهاردة

بعدين سمعت صووت جامد وعالى او تقدروا تقولوا صريخ

ودة كله الساعة 11 ونص تقريبا

فأنا مخدتش فبالى وقولت تلاقيها عيال صايعة ماشيين يصرخوا فى الشارع دة عادى عندنا حتى لو كان الفجر



ورجعت للمذاكرة تانى

بعدين لاقيت الصوت مستمر وبيقرب اكتر واكتر

وسمعت الكلب بتاع جيراننا عمال يهوهو برضو بطريقة مستمرة

فحسيت انو فى حاجة غريبة

فطلعت وشوفت

ويارتنى ماطلعت ويارتنى ماشوفت

شوفت منظر ياجماعة خلانى موش عارفة اقف على رجلى

شوفت منظر خلى جسمى كله يرجف

شوفت منظر من كتر صدمتى بيه مكنتش قادرة اتكلم ساعتها

شوفت منظر خلانى معرفتش اذاكر وسيبت الكتاب ورحت نمت

وحتى النوم والله العظيم معرفت انام

تخيلوا يااجماعة شوفت ايه

شوفت واحد شايل عصاية كبيررة فى ايده

وواحدة تحته نايمة ع الارض عمالة بتصرخ وتعيط بصوت عالى اووووى

تخيلوا بقى الواحدة دى مين !!!!

دى امه

والله العظيم والله العظيم انا مكنت مصدقة انها امه أو انه ابنها

حتى الناس سألوها بعد مالواد مشى "" انتى متأكدة ان دة ابنك ي حجة ""

شوفتوا ياجماعة والساعة داخلة على 12 بعد نص الليل

يطلع امه بالمنظر دة فى الشارع ويضربها بالشكل دة

وهيا تحته عماله تقوله "دانا امك "

لأ وبعد مالناس اتلمت وحاشت امه من تحته بيقولها " بس اما ترجعى البيت "

وابنها الصغير ياعينى مكملش 10 سنين عمال يعيط عشانها

وبيقولها " والله لأخدلك حقك "

بجد ياجماعة والله العظيم والله العظيم انا جالى امبارح حالة صدمه وعيطت

بسبب المنظر اللى شوفته قدام عينى دة

مكنت متخيلة انه فى كدة

او ممكن يكون فى بس عمرى ماشوفت قدام عينيا كدة

معقول ي جماعة فى كدة

انتوا ممكن تقولوا انا اووووفر ششوية

بس والله العظيم وحياة ربنا

مع اللى قولته دة وحاسة انى موش عارفة اوصف احساسى امبارح كان عامل ازاى

وكل اللى قولته دة شوية ع اللى حسيت بيه امبارح

حسبى الله ونعم الوكيل فيه




2 
S α ү з D

شوفتها × واحد جارنا بس مكانتش بالشكل القذر ده

اى كلام مش هيوصل اللى عاوزين نقوله

لكن حسبى الله ونعم الوكيل

وخصوصاً الأم

وربنا يمهل ولا يهمل

مش هيروح بعيد وهيجيله يوم اللى عمله فيها ولاده يعملوه فيه

كما تدين تدان

ربنا ينتقم من كل واحد بيفترى على اهله


3 
Shr2wyA

فعلا ي سيد اى كلام موش هيوصل اللى عايزيين نقوله

ومسيره يجيله يوم يتعمل فيه نفس اللى بيعمله فيها

الناس معدش عندها ضمير ولا قلب

انا كان نفسى امبارح اضربه بالنار

ربنا يننتقم منه


4 
S α ү з D

ضرب النار خسارة فيه

لان الواحد خسارة يضيع نفسه على حد بالشكل ده

ده يعيش حياته هيتعذب فيها ربنا يُمهل ولا يُهمِل

وان عذاب ربك لـ شديد

خصوصا العاق

ربنا يكفينا الشر

صباح الخير


5 
Shr2wyA

صح والله ضرب النار خسارة فيه

الخيبة اصلا انه لسة صغير فى السن

تقريبا لسة متجوزش

والناس تحوش فيه وهو ولا هامه

كأن اللى نايمة ع الرض دى خدامة

انا من امبارح اصلا والله والمنظر دة متشلش من راسى ابدا موش راضى يروح

يلا ربنا ع المفترى

صباح النووووور



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.