العودة   منتديات المصطبة > الأقسام الأدبية > منتدى القصص والروايات

منتدى القصص والروايات قصص رومانسية، قصص حقيقية، قصص حب، قصص الرعب والخيال، قصص قصيرة

رواية قلوب تهوى المستحيل

كاتب الموضوع: سعيد الحظ، فى قسم: منتدى القصص والروايات


1 
سعيد الحظ

( رواية قلوب تهوى المستحيل)
شخصيات الريواية
عائلة أبو سليمان :
أبو سليمان 65سنة يملك شركات عقار
أم سليمان 50 سنة معلمة متقاعدة مبكراً
سليمان 30 سنة يعمل مع والده متزوج من أبنت خالته زهراء
كوثر 20 سنة طالبة جامعية دكتورة أسنان
محمد 15 سنة وآخر العنقود ماينرفض له طلب
...................
عائلة أبو فهد :
أبو فهد 55 سنة أستاذ لغة عربية
أم فهد 49 سنة أخت أم سليمان
فهد 22 سنة طالب جامعي هندسة خاطب
زهراء 25 سنة لا تعمل
سعيد 14سنة
جمال 12 سنة
...............................................
عائلة أبو حمد :
أبو حمد 70 سنة
أم حمد 60 سنة
حمد 39 سنة
حوراء 20 سنة صديقة كوثر
حنين 15 سنة وشرانية على ختها
...........................
عائلة أبو خالد:
أبو خالد متوفي
أم خالد 45 سنة متزوجة من أبو صالح
خالد 29 سنة محاضر جامعي في جامعة أخته متزوج من جمانة
جاسم 25 سنة طالب جامعي هندسة
مريم 15 سنة صديقة حنين الروح بالروح
منى 23 سنة

البارت الاول
في بيت أبو حمد وبالتحديد على السلم صوت حوراء عالي وهي تقول يمممممممممممممه يمممه وتجي ليها أم حمد وهي عارفة أن حنين مطلعة روح حوراء وتقول وصمة ماتعرفي تتكلمي بصوت هادي فقالت حوراء يمه شوفي بنتش تخش غرفتي وتلعب في أغراضي وماخذ لابتبي ،وتنادي ام حمد حنين ياحنين حنينوه وينك تجي حنين وهي تمثل دور الطيبة نعم يمه أمري بغيتي شي ،فتقول ليها أم حمد ياحنين متى بتكبري وبتصيري عاقلة وبتحترمي أختش الي أكبر منش تمثل حنين دور المصدومة وهي تقول أنا يمه ؟؟!فترد عليها أم حمد أي أنتين دور البريئة والمنصدمة مايمشي علي أنتي رباة أيدي يالله أعتذري من أختك ،حنين وهي منزلة راسها تقول أني آسفة وحقش علي وهي تهدده بحركات أيدها فتقول حوراء يمه شفتيها وش سوت فتقول ليها ياحوراء متى بتتعلمي تردي عليها وتخليها تحترمك .
وفي مكان آخر وبطريقة آخرى جرى نفس الموضوع وهوا بيت أبو فهد
جمال ينادي أمه أماآآ أماآآآ تعالي شوفي سعيدوا يجننني ومايخليني أذاكر وياخذ قلامتي وتهد أم فهد قدر الغذا وتروح وتقول وأنتون وبعدين أياكم متى بتعقلوا وبتصيروا رجال وأنت ياسعيد أنت الي أكبر منه تسوي هل الحركات بدل ماتحل واجباتك وتخليه يقتدي بك تقوم تجننه يالله رجع لجمال قلامته وروح حل واجباتك لا أعلم عليك عند أبوك .
ننتقل إلى مكان آخر وهادء ومختلف جداً بيت أبو سليمان تدخل كوثر البيت وتسلم وتقبل رأس والدتها وتصعد إلى غرفتها وتبتعد عن العالم نعم فهي تكلم حبيبها خالد في المسن :
كوثر : السلام عليكم .
خالد : وعليكم السلام ورحمة الله وبركاته ،أخبارك اليوم حبيبتي كيف كانت الجامعة معاك؟
كوثر : الحمد الله كلشي تمام أنت أخبارك حبيبي. وأخبار دوامك طمني عليك تراك وحشتني واجد .


خالد : بخير دامك بخير حبيتي وأنتي وحشتيني أكثر وإذا بصوت جمانة ينادي خالد خالد حبيبي قوم يالله غذا فيقول خالد لكوثر حبيبتي أعذريني الوالدة تناديني حق الغذا .
كوثر : روح حبيبي هنا وعافية على قلبك يابعد قلبي . وأني بعد باقوم أتغذا الوالدة تناديني.
ننتقل إلى بيت أم خالد
أم خالد تنادي مريم يامريم تعالي نجبي معاي الغذا على مايخلص أخوش جاسم من صلاته،
وفي غرفة جاسم جاسم يكلم صاحبه فيصل :
جاسم : الو هلا فيصل.
فيصل : أهلين وش تبغى أنت متصل هل الحزة ماتخلي الناس تتغذا .
جاسم : يالله راحت عليك كنت ناوي أغذيك بس دامك تتغذا راحت عليك.
فيصل : أفا حبيبي جسوم وش هل الكلام كيف أتغذا وغناتي جسوم ماتغذا .
جاسم : أقول بلا صبغ عاد أنا أمزح معاك لا في غذا ولاهم يحزنون بس حبيت أطمن عليك يالغالي.
فيصل : ولوا غناتي جاسم أحنا أصحاب وربع وتتصل وقت ماتبغى بس مو تصدق روحك.
جاسم : أوك أخليك أنا الحين أكم نجبوا الغذا سلم على الوالد والاهل سلاماً كثير .
فيصل : يوصل أن شاء الله.
بعدما سكر فيصل من الجوال سألته أمه منوا المتصل عليك حزة غذا، قال ليها فيصل :يمه هذا ولدش جاسم متصل ويسلم عليكم بعدما خلص فيصل التفت على أخته هبه وشافها تتبسم من بعد ماجاب طاري جاسم فقال :ليها هبوه وش فيش فاتحة بوزش مترين من الابتسامة قلنا يسلم عليكم جاسم الناس ترد وتقول الله يسلمه،
قالت له هبه أضحك عليك وعلى حركاتك قاطعتهم ،أم فيصل أقول أنت ويها كله مناقر في بعض ما تخلوا الواحد يتهنى في عيشته شوفوا إذا ماتسكتوا الحين مافي ليكم عشاء الليلة ،هبه وفيصل في وقت واحد لا لا لا يمه إلا العشاء مانستغني عنه، ضحك عليهم أبو فيصل وهو يقول أقول أكلوا أكلوا لا يبرد الأكل .
..................................
عائلة أبو فيصل :
أبو فيصل : 44سنة رجل أعمال .
أم فيصل: 42سنة .
فيصل : 25 سنة يعمل مع والده.
هبه : 23 سنة زميلت منى في الدراسة وصاحبتها .
............................................
وعلى الغذاء في بيت خالد :
خالد : وش هل الزين كله أول مرة اشوفش تطبخي من نفس وش صاير؟؟
جمانة : أنت أتهنى بالغذاء وبعدين باقول لك.
وبعد الغذاء :
خالد : يا الله قولي لي وش صاير اليوم ؟
جمانة : بدري لسى بعد الحلا باقول لك
خالد : ماشاء الله وفي حلا بعد قايل أنا في شي اليوم
جمانة : قالت لك أنا بعد الحلا باقولك
وبعد الحلا :
خالد : شوفي مابغى شي الحين أبيش تقولي لي وش فيش اليوم ؟
أنتهى البارت الاول بحمد الله ورعايته
• س / تتوقعوا وشي هي مفاجئة جمانة ؟؟




 من مواضيع سعيد الحظ

3 
يوسف بن تاشفين

مشكووور على القصهـ

تحياتـے



الكلمات الدلالية
المستحيل, تهوي, رواية, قلوب

أدوات الموضوع
انواع عرض الموضوع


مواضيع متشابهة مع: رواية قلوب تهوى المستحيل
صور عمر بطل مسلسل الحب المستحيل مع اصدقائه , صور عمر في الحب المستحيل 2013- من قسم صور المشاهير 2019
من روائع الكاتب السياسى و الروائى أحمد غانم رواية إمراة من مصر - رواية من قسم منتدى القصص والروايات
رواية جرحني وصار معشوقي كاملة مكتوبة 2019 تحميل رواية جرحني وصار معشوقي جاهزة بصيغة وورد txt من قسم منتدى القصص والروايات
فيلم المستحيل ، مشاهدة فيلم المستحيل اون لاين ، يوتيوب فيلم المستحيل كامل dvd من قسم افلام عربى 2019 جديدة
رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية من قسم منتدى القصص والروايات

الساعة الآن 11:40 AM.


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.