العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

صغيره على الحب

كاتب الموضوع: Elasfora Elaneka، فى قسم: منتدى الحب والرومانسية


1 
Elasfora Elaneka

؛؛ مســاء الخير ؛؛

هنــأ سأخط بقلمى
هنــأ سأكون انا وليســ أحد غيرى
سأكتب للحب للشوق للحزن وربما الوداع
انتقدونى ولا تظلمونى




2 
Elasfora Elaneka








بس حقيقي
أنا وحشتني أوي .. الضحكة اللي طالعة من القلب بجد !
و راحة البال
اني انام وأنا مبتسمة ومش شايلة هم حاجات كتير ..

ممم
ساعات مبحبش النوعية دي من الكتابة اني اكتبها
عشان محدش يقول اني ببالغ
أو عايشة الدور
او ان همومنا تيجي ايه جنب هموم ناس تانيين ،،
دا حقيقي وأنا عارفاه
بس أنا محتاجة فترة ابطل افكر الناس هتفهم ايه من كلامي دا ..
أنا مسؤولة عن اللي بقوله
وأنا بس اللي حاسة بِاللي بقوله
ماليش دعوة بقى انت شايفني ازاي ولا بتقول عني ايه ..
أنا بضحك آه
أكيد ..
بس ضحك عن ضحك يفرق


" إبتسم .. ف كل شيء سينتهي يوماً ما "
عبارة لقيتها ف وشي من شوية
دا حقيقي برضو ^^
كل حاجة .. وحشة ، حلوة
بتنتهي
وبييجي اللي بعدها ..

الغريب ان في حاجات بتكون سبب فرحنا وحزننا ف نفس الوقت
مممم
زي الناس مثلاً ،،
ناس بتكون سبب همومك
وناس تانية بتكون الحاجة الوحيدة اللي مفرحاك ..

لو مالقتوش اللي يخليكو تضحكو
اضحكوا انتو من نفسكو
هتحسوا بهبل ؟
عادي جداً
المهم انكو تتضحكوا ^^

صباح الدماغ اللي متقسمة مليون حتة
وكل حتة في اتجاه


3 
Elasfora Elaneka







رُبما كان أقصى ماتحتاج إليه
أن يتفهمها أحدهم
أن يُربت على كتفها ، أن ينظر في عينيها
ويهمس
أنا أفهمك ..
ربنا كانت تحتاج حقاً لأن يفهمها كما يزعم دون أن تحاول هي أن تشرح في محاولة بائسة
ربما أرادت أن يدرك انها لا تستطيع
لانها لا تعلم حقاً ماذا أصابها !
ثمة لحظات تمر عليها تشعر فيها أنها لاتعرف تلك الفتاة التي تراها في المرآة
ربما أيضاً أصبحت تخشى النظر في المرآة
تخشى أن تدرك ان عينيها تذبل يوماً تلو الآخر
ان ثمة سواداً يزداد تحت تلك العينين
وثمة مشاعر مجهولة تقرأها في كل اضطراب يمر به وجهها
تتساءل أيضاً
ربما هي تخشى أن تطيل النظر لعينيها حتى لا تُفضح مشاعرها ؟
لمَ لا يقرأ أحدهم تلك المشاعر !
لم تشعر وكأن لا أحد حقاً يهتم بما خلف تلك الابتسامة المصطنعة ..
ربما كانت تحتاج لأن يمسك يدها شخص ما ويخبرها بأنها ليست وحيدة
وأن تلك الصحراء في قلبها ستعود لتُنبت
وأن كل شيء سينتهي .. سينتهي يوماً ما


4 
Elasfora Elaneka

# حاجة كدا ^^ #

يمكن أكتر شيء لسه مقتنعة بيه ،
إن الصمت دايماً أفضل من الكلام ..
آه أفضل من الكلام
ربما
ربما يعني
نندم أحياناً اننا سكتنا
بس الندم ساعتها مابيقارنش بِ ندمك لو اتكلمت ف وقت غير مناسب !
مثلاً
لو ماتكلمتش وندمت بعد كدا .. هتقدر تقول اللي انتِ كنت عاوز تقوله وتصلح غلطك - نوعاً ما -
لكن لو اتكلمت بِ كلمة وندمت عليها
عمرك ماهتقدر تمسحها
ولا تمسحها أثرها في نفس اللي قدامك
مهما حاول ينسى ومهما حاولت انت كمان
هتفضل الكلمة - اتقالت يوماً ما -
عشان كدا الصمت أفضل حل لـ حاجات كتير



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.