العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

آآه لو ينتهي خوفي.. بقلمي

كاتب الموضوع: عيون حائره، فى قسم: منتدى الشعر والخواطر


1 
عيون حائره

خايفه ايوه خايفه
خايفه من اللي فات ومات
خايفه من اللي جاي وبكره
خايفه من الحياه لو تبقي مره
خايفه من الحاضر مايدوم
خايفه ياتري هبقي في دور الظالم ولا المظلوم
خايفه لتدور الايام واللي خوفت منه زمان يبقي حاضر
وساعتها لا هقدر اقول حاضر زي زمان ولا هقدر اسكت كمان
طب اعمل ايه
استسلم واسلم ولا اصرخ واقول
اخاف اقول الجرح يطول
اخاف اظلم والجرح يعلم
ساعتها الجرح لا ليه دوا ولا طبيب
ساعتها الجرح هيبقي مني مش من الغريب
هبقي جرحت نفسي وجرحت غيري
واصعب جرح جرح الحبيب
يعني اسكت وانا خايفه
طب نهايه سكوتي ايه
استسلم واسلم وافضل عايشه في خوف واتألم
يمكن خوفي مالوش سبب وده سبب العجب
بيتعجبوا من خوفي اللي ماله سبب
اه لو يخافوا زيي كانوا عرفوا السبب
السبب جوه مني وغصب عني حاسه بيه
وعايشه فيه لو يخافوا من الليل والظلام
لو يستنوا نور الفجر عشان عيونهم تنام
كانوا عرفوا السبب
خايفه من المجهول والمعلوم
خايفه اللي فاكراه معلوم يطلع في الاخر مجهول
ساعتها هلوم نفسي ما ياريتني كنت اقول
ولا اني افضل عايشه علي طول في خوف
خوف ساكن جوه مني ومحاوطني من كل مكان
ساكن فيا زي الدخان دخان مغمي عنيا مخليني مش شايفه حواليا
ولا انا خايفه اشوف ملاقيش غير الوشوش
اللي بتخدع وتغش اللي لابسه ميت وش ووش
الوشوش البريئه اللي بتداري الحقيقه
الوشوش اللي تحسبها ملاك
وهي في الداخل شيطان بيتلوي زي التعبان
اكمل ولا كفايه خوف

لو اكمل مش هيكفيني من الكلام مئات الالوف
خوف من كل شئ وعلي كل شئ
خايفه خوف غريب خوف مالوش نهايه
معرفش امتي وازاي جت البدايه
خايفه من حلمي الجميل ينتهي بكابوس مرير
آآه من خوفي آآه لو ينتهي من جوايا كل خوف آآآه




2 
روفان

الوشوش البريئه اللي بتداري الحقيقه
الوشوش اللي تحسبها ملاك
وهي في الداخل شيطان بيتلوي زي التعبان
اكمل ولا كفايه خوف
لو اكمل مش هيكفيني من الكلام مئات الالوف

كلمات روعه بجد

ربنا يبعد عنك اي خوف

ميرسي يايونا



3 
عيون حائره

اقتباس: المشاركة الأصلية كتبت بواسطة روفان  مشاهدة المشاركة
الوشوش البريئه اللي بتداري الحقيقه
الوشوش اللي تحسبها ملاك
وهي في الداخل شيطان بيتلوي زي التعبان
اكمل ولا كفايه خوف
لو اكمل مش هيكفيني من الكلام مئات الالوف

كلمات روعه بجد

ربنا يبعد عنك اي خوف

ميرسي يايونا


ثانكس يارورو ردك اروع
امين ياااارب
نورتيني


4 
mira

اخاف اظلم والجرح يعلم
ساعتها الجرح لا ليه دوا ولا طبيب
ساعتها الجرح هيبقي مني مش من الغريب
هبقي جرحت نفسي وجرحت غيري
واصعب جرح جرح الحبيب



تحــــــــــــفة اووووووووووى بجد
تسلمى يا عيووون


5 
عيون حائره

اقتباس: المشاركة الأصلية كتبت بواسطة mira  مشاهدة المشاركة
اخاف اظلم والجرح يعلم
ساعتها الجرح لا ليه دوا ولا طبيب
ساعتها الجرح هيبقي مني مش من الغريب
هبقي جرحت نفسي وجرحت غيري
واصعب جرح جرح الحبيب


تحــــــــــــفة اووووووووووى بجد
تسلمى يا عيووون

ميرسي يامرمر علي ردك الجميل
نورتيني



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.