العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
dreams_boy

السلام عليكم ورحمة الله وبركاته

اخوانى الاعزاء
فى بدا الامر اعتذر لصديقى مهنا على اخذ العنوان منه
ولكن موضوع اليوم كموضوعه ولكنى ارى انه سوف يكون هناك
نقاش شيق فى هذا الموضوع خاصه عن المبادىء التى لا تتجزا

الموضوع شبابى النهارده عارف ان بعض الشباب ممكن تقوم عليا
لكنى صعقت من بعض اراء الناس الى موجوده داخل الجزء الاول ليه نجزا المبادىء

سؤال اليوم

تحدثنا عن المبادىء لماذا اذا ياتى الشاب فى بعض الاحيان ويعاكس فتاه
ويغازلها بكلمات من الحب والحنان وعندما تخرج معه وتتحدث معه
فالفتاه اصبحت تحب هذا الشاب وتثق به وتعطيه كل ما تملك من حب وحنان
وعندام تقترب الفتاه وتحين ساعة الجد يقول هذه الفتاه امشى معاها لكنى اتزوجها لا

هل هذا مبدا لدى الشباب وان كان مبدا فلما تجزا ان كنت تخرج مع الفتاه التى تحبها وتتزوجها

ارى اشخاصا يقولون ذلك ليس قليل بل كثير
يقولوا كده بالعمى ياعم البت دى امشى معاها ماشى اضحك عليها بكلام وحب وحوار ماشى
لكن ساعة ما تيجى للجواز لا يامعلم انا هدبس نفسى مهى زى ما عملت معايا اكيد عملت كده مع غيرى
انا ادخل على واحده بنت ناس محترمه مالهاش تجارب واربيها انا على ايدى احسن


اتمنى ان يكون الكل فهم وجهت نظرى وماهو موضوع النقاش

اتمنى ان ارى التفاعل من كلا الطرفين




2 
روفان

ميرسي ع التوبيك الروعه دا

هي للاسف الحكايه دي منتشره اوى وشباب كتير بتفكر بنفس الطريقه وبغض النظر انو كدا بيجزأ في مبادئو دا لو كان عندو مباديء اساسا هو مش واخد باله ان كل دا هيتردله في يوم من الايام مش هقولك في مامته او اخته والكلام دا فيه هو شخصيا

وال حابب يتربط ببنوته مش كلمت حد قبله حتي ياريت يبص لنفسو الاول ويكون هو كمان كدا علشان يستحقها وماحدش يقولي دا ولد لكن هي بنوته المبدء لا يجزء

ميرسي تقبل مروري


3 
dreams_boy

بصراحه روفان دى حقيقه ومعتقدش ان حد خارق للعاده من الى معانا هيقول انه مش بيعمل كده
روفان انا بتكلم عن المبدا يعنى ماينفعش يقول انا ولد وهى بت يفرض ان البت دى اخته امه
هيبقى يعمل ايه كلنا بنجزا المبادىء بس المهم لما تتجزا تتجزا صح مش غلط
انا بحترم وجهت نظرك روفان لكى تقديرى واحترامى


4 
ملكة بكبريائى

موضوع رائع فعلا

ومعاك حق والله
ان دلوقتى الشاب يقول امشى مع دى اة ولكن اتجوزها لا
مثلا الى بيغلط مع واحدة او شى
مهو هو الى حرضها
واتجوزها لا
بص انا مش عاوزة اكون كذابه

بس انا من راى الشباب يعنى مهى مفروض البنت دى متمشيش مع ولاد
مهى هى الى جبته لنفسها
يعنى هى عارفه ان اخرت الحب دا عمرة ميهكمل
وكان بدايته معاكسه
عاوزة تحب تحب الى هيجى يخطبها مش تتعذب وفى الاخر تقع مصيبه
ويعمل حاجه وحشه فيها

دا راى البنت ال صح تتجنب وقع الشر
وزى مبيقولو الوقايه خير من العلاج

يعنى نحمى نفسنا الاول ومن صدقش اى كلام او غزل
لان ممكن اى حد يقولوا
ويضحك على البنت


5 
dreams_boy

اتفق معكى ايضا امنيه ولكن انا اتحدث عن الشاب لماذا يجزا هذا ايضا ليس هو مبدا
ولا هو مش مبدا عيش وسيبنى اعيش يامعلم

ومع احترامى ليكى كمان يا امنيه الشاب الى بخدع فتاه بيتفنن ازاى يوقعها فى حبه
عارف هى بتحب ايه ويفضل بقى بحبك ومقدرش اعيش من غيرك وكده ههههههههههه

طبعا انا شاب وحافظ الى بيحصل

والخطا بيبقى من الاتنين بس فى بدا الامر ليه هو يخرج معاها ويمشى معاها وهو عارف انه مش هيجوزها
مايسبها بقى لحد يحبها بجد وبعدين يتجوزها

شكرا لكى امنيه مره تانيه ولكى تقديرى واحترامى



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.