العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

اصل هيا دى الغربه

كاتب الموضوع: S α ү з D، فى قسم: منتدى الحب والرومانسية


1 
S α ү з D

25 شهر بعيد عن مصر

750 يوم بحالهم

18000 ساعه

1080000 دقيقه

الساعات بالألوف والدقايق عدت المليون دقيقه

منهم 20 شهر شغل طحن ومفيش اجازات غير جمعه بس

غربه ومسئوليه وتعب وبهدله

وحشنى حاجات كتير اوى اوى

اوضتى اللى بنام فيها وسريرى وبطانيتى

دولابى وهدومى اللى فيه

لون شقتنا وشكلها

صوت امى واخواتى

حضنها اول ما بصحا وايديها اللى كنت بحس براحه اوى لما ببوسها

وحشنى نفسى وانا هناك

وحشنى اخواتى وانا بغطيهم بالليل

وحشنى هدوء شارعنا والبيوت والناس

عم عبدالله البقال وسلطان بتاع الموبايلات وايكو صاحبى بتاع اللبس

وحشنى القهوه وصحابى .. مطعم الفول والفلافل اللى جنبها

اسلام وخالد ومحمد وعلى واحمد وكريم وعبدالله وغيرهم كتير اوى

خيلانى وولادهم وقعدتهم الحلوه

كباية الشاى اللى كنت اول ما بروحلهم بتتعمل ليا كانت ليها طعم جميل اوى

وحشنى خالى لما كان بيتنرفز ويزعق شكله كان بيبقى حلو اوى

وحشنى شوارع البلد اللى كل يوم كنت بمشى فيها والمحلات اللى بعدى عليها

صحابى اللى كنت بقابلهم × كل مكان

وحشنى وانا خارج من البيت وامى بتشاورلى من البلكونه

ولما ارجع وابوس ايديها اول مادخل

هزار محمد وهو بيزغزغنى وبيحاول يكتفنى وانا اضحك اوى

وحشنى احمد ووقفتنا × البلكونه بالليل ونضحك بصوت عالى ونحس ان الجيران هيصحوا

وحشنى حضن امى اللى دايما بحس فيه بالحنيه والامان

وحشنى خروجى انا وهيا ونتمشى سوا كانت بتحب اوى تمشى معايا

مصطفى بتاع العصير وابو المجد بتاع الكشرى

كل حاجه وحشتنى اوى

وحشنى سهرى مع صحابى

ليلة الوقفه واحنا كلنا بنتجمع

ايييييييييييييييييييييييييييييييييييييه

الحمد لله




2 
sweet soul

ياااااااااه يا سيييد
ربنا يصبرك يااارب
وترجع من السفر قريب يااارب
ربنا معاااك
انا بجد كنت هعيط


3 
Sh3NonA

آآآآآآآآآآآآه يا سيد
ربنا معاك ويصبرك ع الغربه دى
وترجع لاهلك واصحابك بخير ان شاء الله


5 
Immigrant

الغربه ليها تمن يا صاحبي

الغربه ال عيشنها دي دونيا زي العثل
بس حسابها مر اووي يا صاحبي


بس غصبي عني وعنك
انت ليك ظروفك علشان كده سافرت
وانا ليا ظروف تخصني وسافرت
تعددت الاسباب وغصب عننا بنفترق عن اعز الناس



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.