العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

مع او ضد ؟؟؟

كاتب الموضوع: روفان، فى قسم: منتدى النقاش الجاد


1 
روفان

مع او ضد ؟؟؟ elmstba.com_1358111261_565.gif













للأسف منتهي الذل والعار بقينا ولا ال في بلاد مافيات جنود تتخطف وعصابه تساوم عليهم



هيبه البلد وهيبه الجيش خلاص راحت ودا ليه لان عمليه النسر اتوقفت ليه ولــ صالح مين مش عارفه اهو في ال بيقول لـ مصلحه حماس ولو كانت دي حقيقه بجد تبقي كارثه لو كان النظام بيسعي لــ صالح حماس



وال مش يعرف عمليه النسر ايه هي عمليه تطهير لــ سيناء وتصفيه اي جماعات ارهابيه يعني حاجه فيها مصلحه للكل ليه يتوقف تنفذها طب اشربوا بقي وللاسف الجنود الغلابه ال بيرحوا في الرجلين



وبعد كل ال بيحصل دا وانذارات الخطر الكتيره جدا ال وضحت ان سيناء في خطر والمعابر مفتوحه وعادي جدااااااااااااااااااااااااا هسيبكو انتو تفكروا دا لــ صالح مين ؟!!!!



يعني لو مش ماتوا في رمضان وهما بيفطروا



يموتوا بالقطر وهما بيترحلوا



ياما لو مش فيها موت يتخطفوا







واحترمت جدا اهالي المخطوفين ال قالو هاتوهم جثث بس هيبه البلد تفضل ومانتفاوش مع شويه كلاب ومجرمين رغم ان اكيد جواهم نار علشان اولادهم



الجيش قادر يدخل في مداهمه ويدك الجبل فوق دماغهم بس اكيد هيكون في خسائر كتيره وممكن ال 7 جنود نفقدهم



ولو حصل تفاوض للاسف هيبه الدوله هتروح ومش بعيد كل يوم يخطفوا جنود ويساومو عليهم



مستنيه أرائكو مع التفاوض ولا ضد وليه



ربنا يصلح الحال و الجنود يرجعوا بــ الف سلامه






2 
S α ү з D

لا حياة لمن تناااااااااااااادى
اصل احنا فعلا دمنا رخيص عشان يحصل كده
بقت العمليه كمان ان عصابات ومصريين يخطفوا مصريين زيهم
لا ويساوموهم على ناس تانيه
ياسلااااااااااااام ده قمة الاستهزاء والله العظيم
استهزاء بالبلد والرئاسه والجيش
طب وبعدين × القرف اللى بنشوفه ده مش كفايه مرمطه بقى وبهدله × الناس
ولا دول ولاد الطبقة الهابطه
الناس اللى بتحمى حدود البلد وسايبينهم كده
طيب سايبين العصابات والمجرمين دول ليه
فين حاجات كتير

بس مفيش غير حسبى الله ونعم الوكيل
بقى الدعاء اللى بنقوله من قلة الحيله اللى بقينا فيها


3 
Abd-ElrhmaN Hassan

والله ياروفي
ده امر هيجنني
ازاي رئيس يامر بتفاوض مع خاطفين
ومن كمان اللي بيفاوض ده الجيش
يعني هبته وقعت جامد
وكاننا بنقول لاعداء الجيش بيتفاوض مع شوية بلطجيه
يعني لو انتوا دخلتوا هو مش هبقدر يعمل حاجه لانه ضعيف جدااااااااااا
لا والادهي والامر
ان السيد مرسي بيه
بيقولهم انا عاوز سلامة الخاطفين زي ماعوز سلامة المخطوفين
ليه يابيه هو الخاطفين من بقية اهلك
لا وايه كمان جايب شيخ الازهر والمفتي عشان يعرف ايه الحكم الشرعي في التعامل مع الخاطفين
بجد حاجه تشل
واي نعم ممكن نفقد 7 رجاله
بس هيجيبوا هيبه 90 مليون مصري
وربنا يصبرنا ع النهضه (الوكسه اللي كاسيه رايتنا)


تسلمي ياروفي


4 
روفان

اقتباس: المشاركة الأصلية كتبت بواسطة s α ү з d  مشاهدة المشاركة
لا حياة لمن تناااااااااااااادى
اصل احنا فعلا دمنا رخيص عشان يحصل كده
بقت العمليه كمان ان عصابات ومصريين يخطفوا مصريين زيهم
لا ويساوموهم على ناس تانيه
ياسلااااااااااااام ده قمة الاستهزاء والله العظيم
استهزاء بالبلد والرئاسه والجيش
طب وبعدين × القرف اللى بنشوفه ده مش كفايه مرمطه بقى وبهدله × الناس
ولا دول ولاد الطبقة الهابطه
الناس اللى بتحمى حدود البلد وسايبينهم كده
طيب سايبين العصابات والمجرمين دول ليه
فين حاجات كتير

بس مفيش غير حسبى الله ونعم الوكيل
بقى الدعاء اللى بنقوله من قلة الحيله اللى بقينا فيها


ليهم حق والله ياسيد يعملو فينا اكتر من كدا كمان هو في اي حقوق بترجع

واكتر فئه المفروض يهتمو بيها اهو انت شايف بيتعاملو ازاي واحنا من غيرهم ولا نسوي اصلا

بدءت اصدق ان في تعاون فعلا مع حماس ماهو ماحدش يقنعني يعني انهم مش عارفين يعملو تطهير لــ الجماعات الارهابيه دي

حسبي الله ونعم الوكيل

نورتني

بس مش قلت مع ولا ضد التفاوض


5 
روفان

اقتباس: المشاركة الأصلية كتبت بواسطة ms7wr b aldnya  مشاهدة المشاركة
والله ياروفي
ده امر هيجنني
ازاي رئيس يامر بتفاوض مع خاطفين
ومن كمان اللي بيفاوض ده الجيش
يعني هبته وقعت جامد
وكاننا بنقول لاعداء الجيش بيتفاوض مع شوية بلطجيه
يعني لو انتوا دخلتوا هو مش هبقدر يعمل حاجه لانه ضعيف جدااااااااااا
لا والادهي والامر
ان السيد مرسي بيه
بيقولهم انا عاوز سلامة الخاطفين زي ماعوز سلامة المخطوفين
ليه يابيه هو الخاطفين من بقية اهلك
لا وايه كمان جايب شيخ الازهر والمفتي عشان يعرف ايه الحكم الشرعي في التعامل مع الخاطفين
بجد حاجه تشل
واي نعم ممكن نفقد 7 رجاله
بس هيجيبوا هيبه 90 مليون مصري
وربنا يصبرنا ع النهضه (الوكسه اللي كاسيه رايتنا)
تسلمي ياروفي


بس تقريبا ياعبده مافيش قرار بــ التفاوض صدر لسه

كنت في اول الموضوع بقول لاء مرسي في موقف لا يحسد عليه الموضوع صعب يضحي بالجنود ولا يتفاوض وهيبه الجيش تضيع لكن بعد مافكرت كويس لاقيت الاستهرار بكل حاجه كالعاده ال وصلنا لكدا لان ياما قولنا سيناء في خطر ولا حياه لمن تنادي

لاء انا من رأيي يحصل تفاوض وبعدها ينظمو عمليه تطهير ومداهمه ويدكو الارض فوقهم بس الموضوع محتاج دراسه وتخطيط جامد

لكن صعب عليا اوى اضحي بــ 7 رجاله مش ليهم اي ذنب

نورتني ياعبده



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.