العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
roka Abd Elrahman

السلام عليكم و رحمة الله و بركاته
بسم الله الرحمن الرحيم
ازيكم ؟؟ يارب تكونوا بخير و بصحة كويسة و يسعد قلوبكم جميعاا و جزاكم خيراا عن افادتكم ليا فى مشكلتى ... انا عندى مشكلة شغلانى شوية ممكن تكون عن البعض تافهة لكن فعلا انا قلقانة منها و ياريت اى حد يقدر يساعدنى مش يبخل عليا بمروره الكريم ...
انا مش عارفة نيتى يا جماعة ... تخيلوا مش ببقى عارفة نيتى دى خير ولا شر او بمعنى اصح هى لله عز وجل ولا للناس .... هقول مواقف سريعة عشان فكرتى توصل ... انا لما بقرر اعمل اى حاجة ( اصلى _ اقرأ قرأن - اوحتى انى انزل موضوع دينى فى القسم الاسلامى فى المنتدى .... و غيره من اعمال كويسة بفكر فيها و الحمد لله ان هدانى لهذا ) دايما بيجيلى هاجس داخلى انى بعمل كدة عشان الناس مش عشان الله عزوجل و دة بيقلقنى جدااا انا اكييد ببقى عايزاها لله عزوجل و انى انال ثوابها منه سبحانه هو الى انا طالبة رضاه سبحانه فقط و محدش من الناس هيفيدنى ولا هيضرنى فى يوم الحساب ... ياارب سلم
المشكلة ان الهاجس دة و الصوت دة انا مش عارفة دة جوايا فعلا انا كدة و لا الشيطان ولا ايه .. هو بيقولى انتى بتعملى كدة عشان الناس تقول عليكى كذا و كذا ...... انا بقيت بتجنن اوقات و اقول بلسانى لأ دة لله ... بس طبعا النية محلها القلب مش اللسان و انا مش عارفة ايه فى قلبى ....هواجس داخلية و انا مش عارفة ايه النية .... مشكلة شخصية s11.gif


لكن الى خلانى افكر انه الشيطان انى فعلا لما بنوى اعمل حاجة خير و يجيلى الصوت دة مش بعملها و بخاف جداا تكون للناس زى ما الهواجس بتقولى .... انا و الله قربت اتجنن لما بكون بصلى او بقرأ قران و اسمع صوت حد بيقرب بقفل بسرعة المصحف اشيل المصلية العب فى اى حاجة بسرعة عشان محدش يشوفنى كأنى بعمل حاجة غلط ... مش عايزة حد يعرف انى بصلى او بعمل اى خير بسبب الهواجس دى .... فى موقف خلانى اتأكد انه الى حد كبير انه الشيطان و الموقف دة الى جاب اخرى فعلا ... امبارح قبل الفجر بساعة قولت اقوم اصلى ركعتين و اقرأ شوية فى كتاب الله و حسيت بحركة كتير فى البيت ووالدى رايح جى و كدة ( خصوصا ان والدى بطبيعته من و انا صغيرة بيمدح فيا شوية لما يشوفنى بصلى مثلا و غيره ) ...
الهواجس بتقولى انتى هتصلى و تقرى عشانه و عشان يقول عليكى كذا و كذا ...... و فعلا و الله فضلت مدة طويلة مش راضية افتح المصحف ولا اعمل حاجة لحد ما محدش يكون جمبى فى البيت و فضلت مدة طويلة لحد ما الفجر كان خلاص قرب يأذن فقولت لأ انا هصلى و اقرأ و خلاص ... و بالفعل ووالدى شافنى و هو معدى كدة و انا بقرأ قران و كلمنى فو موضوع تانى خالص لا علاقة له بما افعل ... و مع ذلك لما مشى فضلت اعيط ... لييه ( عشان شافنى ) لييه برضو ( معرفش ) ؟؟!!
تخيلوا انا بقالى فترة طويلة عايزة اكتب فى المنتدى المشكلة دى بس برضو بيجيلى هاجس انى عايز ةاكتب عشان تقولوا عليا بعمل حاجات خير و بفكر انى اعمل حاجات خير ... بس قولت هكتبه و امرى لله ..... و مواقف يومية من دى كتير جداا (بس مش هشغلكم بيها كفاية اتشغلتم لحد كدا ) و للاسف بتراجع فى اشياء كتير عن الى بفكر فيه ..
انا تعبانة جداا و قلقانة و نفسيتى مش مرتاحة خالص و محتاارة جداااا و مش عايزة حد اعرفه اتكلم معاه فى الموضوع دة ...
اتمنى تكون فكرتى وصلت و تكونوا فهمتونى انا اسفة كلامى غير مرتب و غير مفهوم و دى حالتى انا فعلا مش فاهمة نفسى اصلا ....
انا اسفة اسفة جدا جدا على الاطالة و لكن اردت ان اوضح الصورة فقط لحضراتكم و ياااااريت لو حد عنده رائ يساعدنى ميبخلش عليا بيه بجد انا محتاجة رائكم ..... و جزاكم الله خيراا هواجس داخلية و انا مش عارفة ايه النية .... مشكلة شخصية s07.gifهواجس داخلية و انا مش عارفة ايه النية .... مشكلة شخصية s07.gif
السلام عليكم اخوتى فى الله





2 
عيون حائره

دي طبعا مش مشكله تافهه ولا حاجه بالعكس دي حاجه مهمه جدا
وانا عن نفسي بتحصل معايا كتيييير جدا
وكل ده طبعا من الشيطان واكبر دليل علي كده انك لما بتحسي انك بتعملي الحاجه دي علشان الناس بتبطلي تعمليها
وده اللي عايزه الشيطان
حتي لو جالك الهاجس ده اوعي تبطلي تعملي الخير ابدا وانتي بكده هتهزمي الشيطان
ومع الوقت ان شاء الله الوساوس دي كلها هتختفي وكفايه ربنا عالم بنيتك
ومفيش داعي للاسف انتي تطولي براحتك ياجميل


3 
roka Abd Elrahman

اقتباس: المشاركة الأصلية كتبت بواسطة عيون حائره  مشاهدة المشاركة
دي طبعا مش مشكله تافهه ولا حاجه بالعكس دي حاجه مهمه جدا
وانا عن نفسي بتحصل معايا كتيييير جدا
وكل ده طبعا من الشيطان واكبر دليل علي كده انك لما بتحسي انك بتعملي الحاجه دي علشان الناس بتبطلي تعمليها
وده اللي عايزه الشيطان
حتي لو جالك الهاجس ده اوعي تبطلي تعملي الخير ابدا وانتي بكده هتهزمي الشيطان
ومع الوقت ان شاء الله الوساوس دي كلها هتختفي وكفايه ربنا عالم بنيتك
ومفيش داعي للاسف انتي تطولي براحتك ياجميل

ربنا يكرمك و يعزك يا استاذة ( عيون حائرة ) على ردك عليا و مرورك الكريم .... جزاكى الله كل خير عن افادتك ليا .. شكرا جزيلا لحضرتك


4 
أحبُكَ ربى


ااختى الغالية الطيبة


اسأل الله تبارك وتعالى أن يربط على قلبك، وأن يشرح صدرك للإيمان، وأن ينور حياتك بالقرآن، وأن يصرف عنك كيد شياطين الإنس والجن، وأن يعافيك من هذه الوسوسة التي قذفها الشيطان في قلبك.

اعلمى بارك الله فيكِ أن الشيطان - لعنه الله – يحزن حزنًا شديدًا عندما يجد العبد مقبلاً على طاعة الله تعالى، فهو يجتهد في أول الأمر أن يمنعه من فعل الخير، ويحرص على أن يفسد عليه نيته، وأن يصرفه بأي وسيلة كانت، فإن عجز عن منعه يصاحبه حتى يفسد عليه نيته، فيقول له: أنت ما أردت بهذا الأمر وجه الله وإنما أردت بذلك أن يقول الناس بأنك من أهل المحافظة على الصلاة أو أنك تقرأ القرآن أو أن صوتك جميل أو أنك تساعد الناس ابتغاء مرضات الله، كل ذلك من الرياء وليس له أصل، وأنتِ لست بصادقة في عملك.

يأتيكِ بهذه الأفكار حتى يمنعك ويحرمك من لذة التنعُّم بالعبادة والطاعة، هذه – اختى – حرب من حرب الشيطان عليكِ ؛ لأنك - من فضل الله ورحمته - تنتصرِ عليه وتلقنيهِ كل يوم دروسًا في معارك متكررة؛ لأنك عندما تقومى إلى الصلاة تصفعهِ بالنعل على رأسه، وعندما تقرأِ القرآن تجعلِه أحقر من الذبابة، وعندما تفعل ِ أي فعل من أفعال الخير تجعله هباءً منثورًا؛ ولذلك - من فضل الله تعالى - هذه الأعمال الطيبة التي تقومى بها تشعر الشيطان بأنه ضعيف أمامك، وهو لا يستطيع أن يمنعك من هذا الخير فيتسلط على نيتك ويريد أن يفسد عليك قلبك وأن يقال لك بأنك مرائي، وأنك منافق، وأن عملك غير مقبول، وأنك ترائي الناس بهذا العمل، وأنك ما أردت به وجه الله.

كل هذا إنما هو نوع من الحرب النفسية عليك حتى يمنعك من مواصلة العمل؛فإننا ننصحك بمواصلة الطاعات والاعمالة الصالحة ، مع ضرورة استحضار الإخلاص؛ فإن العمل من أجل الناس رياء، وترك العمل من أجل الناس شرك، والإخلاص أن يعافيك الله منهما.

والمسلم لا يتوقف إذا قال له الشيطان أنت مرائي، ولكنه يعاند هذا العدو بمزيد من استحضار المراقبة لله، وإدراكك أن الناس لا يملكون لك نفعاً ولا ضراً، فاجعلى عملكى لله وتذكرى أن الله أغنى الشركاء عن الشرك، فمن عمل لله عملاً أشرك فيه غيره فهو للذي عمله له.

وليس كل من يخبر بما عمل أو يظهر أعماله يعتبر من المرائين، لأن الله سبحانه يقول:



{إِنْ تُبْدُوا الصَّدَقَاتِ فَنِعِمَّا هِيَ وَإِنْ تُخْفُوهَا وَتُؤْتُوهَا الْفُقَرَاءَ فَهُوَ خَيْرٌ لَكُمْ وَيُكَفِّرُ عَنْكُمْ مِنْ سَيِّئَاتِكُمْ وَاللَّهُ بِمَا تَعْمَلُونَ خَبِيرٌ}

والإنسان على نفسه بصير، وأنتى أعلم بنفسك في الناس، والله أعلم بنفسك منك.

وأرجو أن تجعلى بعض الأعمال خبيئة (سر) بينكى وبين الله، فإن أعمال السر تنمي عند الإنسان روح الإخلاص، والإنسان يتابع نيته قبل العمل ليتأكد أن المنطلق لله، ويتابع نفسه أثناء العمل ليتأكد أن النية الصادقة مستمرة، ويراجع نفسه بعد العمل حتى لا يسمِّع بعمله، فإنه من سمَّع سمَّع الله به، وعليكى بمحاسبة نفسك، واسأليها دائماً لماذا؟ وكيف؟

فإن لماذا سؤال عن النية والإخلاص

وكيف سؤال عن المتابعة للنبي صلى الله عليه وسلم.


وهذه وصيتي لكِ بتقوى الله ثم بكثرة اللجوء الله، وأسأل الله عز وجل أن يشرح صدرك وأن ييسر أمرك وأن يجعلكِ من العابدات القانتات الصالحات


5 
roka Abd Elrahman

انا اشكر حضرتك جداا استاذ محمد ؛ انا فعلا استفدت من كلام حضرتك ربنا يجعله فى ميزان حسناتك و يتقبل منك دعائك باذن الله .... جزاك الله خيراا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.