العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

غاااااااااااااااااره طفوا النور

كاتب الموضوع: ابو الوليد النبوى، فى قسم: منتدى النقاش الجاد


1 
ابو الوليد النبوى

سؤال كده ياريت الاجابه عليه
هو مين اللى بيقطع النور ؟
وليه بيقطع النور ؟
وايه هو الحل ؟




2 
i love beren saat

والله وانا نفسى اعرف برضو الاجابة
لانى بجد زهقت اوى من الحكاية دى !!
بقت حاجة تقرف اوى

وكما الناس اللى عندها امتحانات دى وبتذاكر تعمل اية يعنى ؟؟!!
ياريت تتحل قبل ما يفيض بينا بقة


3 
S α ү з D

اقتباس:

هو مين اللى بيقطع النور ؟

اكيد طبعا وزارة الكهربا والهيئات التابعه ليها

وليه بيقطع النور ؟

عشان النهضه

وايه هو الحل ؟

اننا نبطل ننهض ونفضل × ثُبات عميـــــــــــــــــــــــــــــــق



اعذرنى يا اتش
بس احنا بلدنا كل لحظه × انحدار اكبر
والسبب ان الحكومه فاشله بقياداتها بدايةً برأس الدوله مروراً بباقى القيادات والوزارات
وخلاص احنا تقريبا كده على حافة الهاويه
وربنا يستر بقى
كنا مفكرينها نهضه
طلعت حاجه لمؤخذه


4 
روفان

سؤال كده ياريت الاجابه عليه
هو مين اللى بيقطع النور ؟


اكيد مش انا يعني ودا طبعا سؤال استنكاري لان اكيد وزراه الكهرباء

وليه بيقطع النور ؟

ال بنسمعه كلنا لان الاعباء زادت
وايه هو الحل ؟
بغض النظر بقي عن كل ال بيتقال وال بنسمعه عايزه افهم يعني هو مش فيه تعداد سكاني ومعروف عدد السكان بيزيد ومعروف ان الاعباء هتزيد ليه السنه الكامله ال فاتت دي المشكله مش ادرست صح واتحلت ال مش قد المسؤليه ياريت ياريت يرحل في مليووون الف سلامه لان الشعب فاض بيه خلاص

تسلم ايدك


5 
ابو الوليد النبوى

اولا جزاكم الله خيرا على تفاعلكم
ثانيا تعالو نعرف الاول ايه هى وزارة الكهربا
الوزارة عبارة عن 3 شركات
1 : التوليد
والتوليد يعطى كهربا لــ
2 : النقل
والنقل يبعها لــ
3 : التوزيع
والتوزيع يبعها للجمهور
التوليد عندنا فى مصر بالسولار والغاز
يعنى لو حصل ازمة فى السولار او الغاز توليد الكهربا هيقل
وفى الوقت ده التوليد بيفصل الكهربا عن النقل علشان يوفر فى السولار اللى عنده او الغاز قدر المستطاع
وده هو اللى حاصل اليومين اللى فاتو لما كانت الكهربا بتقطع كتير جدا كل يوم
كان نتيجة عطل فى محطتين غاز وتم السيطرة على العطل عدة ايام قليلة جداً
ودلوقتى فى ازمة فى السولار فلازم يوفر الوقود اللى عنده قدر المستطاع والا مش هيلاقى اى وقود يشغل بيه المحطات بعد اسبوع او اتنين
وبالتالى الكهربا مش هتقطع ساعه او اتنين او حتى اربعه
دى هتقطع اليوم كله ومش هتيجى نهائى
كده خلصنا من اول مشكله وهى التوليد
طب نفرض ان الوقود متوفر بكثرة
هل ممكن الكهربا تقطع برده بالساعات كده ؟!
ايوه ممكن
طب ازاى ؟
اقولك فى شركة النقل محولات خفض للجهد المحولات دى ليها قدرة معينه او حمل معين
لو الحمل ده زاد عليها المحول ده يتحرق ودى تبقى مشكلة طبعاً كبيرة جدا
فاول ما الحمل بتاع المحولات دى بيزيد بنخفف الاحمال من على المحول اللى زاد حمله
طب ايه اللى بيخلى الحمل يزيد فى الصيف بالزات ؟
حاجات كتيرة اوى
اولا ارتفاع درجة الحرارة
التكييفات اللى بقت موجوده فى كل غرفة تقريبا مش كل بيت حتى
الاجازة وكل التلامذة تقريبا بقوا فاضيين وليل نهار على اجهزة الكمبيوتر بتاعتهم
استخدام الاجهزة الكهربائية بطريقة خاطئة
وحاجات تانية كتير
طب ما المفروض تكون شركة الكهربا عامله حسابها ودراستها ان في زيادة فى الاحمال هتزيد ؟
الدراسه معموله ولكن لا توجد موارد كافية للسيطرة على هذه المشكله تماما
وكان طول فترة الشتاء كل شغل شركة النقل وشركة التوزيع هو التجهيز للصيف قدر المستطاع
يعنى هى المشكلة كلها مشكلة وقود ؟
لا
اومال ايه ؟
مشكلة الوقود تقريبا 50 % فقط من المشكلة كلها
وطب والخمسين التانيين ؟
فى ايدينا احنا كمواطنين حل لـ 40 % منها
ازاى ؟
فى ترشيد استهلاكنا
طب ازاى نرشد استهلاكنا ومتقوليش متشغلش تكييف ؟
حاضر مش هقولك متشغلش تكييف
بس اعمل بس الخطوات دى وهتبقى تمام اوى
اولا : استبدل جميع اللمبات الفلورسنت بلمبات موفرة " عارف انها غالية بس دى بتوفرلك انت حوالى 25 % من الاستهلاك وبالتالى بتخفف الحمل "
ثانيا : متهيألى فى الحر ده مش محتاجة سخانات بس لو صادف وطلع حد بيحب يستحمى بميه سخنه متشغلش السخان الا قبل الاستحمام بنص ساعه بس
ثالثاً : متسبش نور البيت كله والع نور اللى انت محتاجله بس


يعنى وانت قاعد دلوقتى على الكمبيوتر مولع نور الاوضه ليه ما نور الكمبيوتر كفايه
رابعا : عند شراء اى اجهزة كهربائية يراعى شراء الاجهزة الموفرة للطاقة
خامساً : بالنسبة للتكيف شغله لغاية ما يبرد الاوضه اللى انت قاعد فيها وافصله " علشان حتى فاتورة الكهربا تبقى حنينه شويه " ومنها هتساعد فى حل مشكلة الكهربا
سادسا : لو عرفت ان فى حد سارق كهربا بلغ عنه بسرعه لأن سرقة الكهربا سب رئيسى فى المشكلة دى
سابعا : علم الاطفال ان يطفئوا الانوار بعد خروجهم من غرفهم فورا
ووالله لو عملنا كلنا كده هتبقى اخر فله
وكل صيف وانتو طيبين



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.