العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع

يوميات [ أحمد ومنى ] !

كاتب الموضوع: Wana Maly، فى قسم: منتدى المواضيع العامة


1 
Wana Maly

السلام عليكم ورحمة الله وبركاته

موضوع النهاردة غريب واحتمال ناس تزعل منه اللى عندهم حساسية زيادة شوية يوميات [ أحمد ومنى ] ! s24.gif
بس للأسف لازم اتكلم فيه لإنها بقت عادة إنتشرت فى معظم منتدياتنا العربية وبقت حاجة اوفر جدا بصراحة يوميات [ أحمد ومنى ] ! s23.gif

وأنا بصراحة سميتها يوميات أحمد ومنى

ملحوظة بسيطة: شخصيات القصة من وحى الخيال علشان مش عايز عضو من عندنا يقول انا بتكلم عليه يوميات [ أحمد ومنى ] ! s35.gif

حاجة كمان: انا مش عامل الموضوع ده علشان ناس من هنا لأ انا ناقله من منتدى واحد صاحبى ومعدل عليه بس مش أكتر لإنه عجبنى التوبيك.

الحكاية تبدأ منين يا واد يا مصطفى تبدأ منين منين ؟
اقولكم انا ...

يوميات [ أحمد ومنى ] ! almstba.com_13084954551.jpeg

احمد : عضو دخل سجل فى المنتدى وشارك وعمل جو حلو وشخصية جميله ولطيفة.
احمد : مسك اشراف فى احد الاقسام كان متميز الصراحة ونشيط جدا وقدر انه يحبب الاعضاء فيه.


وبعد فترة


احمد : نزل موضوع انه مش هيقدر يكمل ويعلن استقالته يوميات [ أحمد ومنى ] ! s02.gif

نص الموضوع

العنوان: انا مش هقدر اكمل واعلن استقالتى للجميع
يا جماعه بجد مش عارف اقول ايه انا حزين مووووووووووت على فراقكم بس بجد مش هقدر اكمل معاكم وانا بعلن للجميع انى هستقيل من المنتدى يوميات [ أحمد ومنى ] ! s08.gif



يوميات [ أحمد ومنى ] ! almstba.com_13084956531.jpeg

مني : لأ لأ يا أحمد انتا بتقول ايه بجد المنتدى مش هيبقى ليه طعم من غيرك (على اساس المنتدى صينية كنافة ) احنا اخدنا عليك اوى بجد حرام عليك بقى اللى بتعمله ده يوميات [ أحمد ومنى ] ! s52.gif

احمد : معلش يا منى انا اخدت القرار خلاص ومش هقدر ارجع فيه انا مش هقدر اكمل معاكوا وبعلن انسحابى التام من المنتدى.

مني : يا أحمد انتا لو عملت كدا انا كمان مش هدخل المنتدى تاني وبجد هموت نفسى علشان مقدرش ابعد عنك وعايزاك تفضل جمبى ( اقصد جمبنا ) يوميات [ أحمد ومنى ] ! s54.gif

وتستمر قصة أحمد ومنى ... انا شايف ناس بتبكى من القصة حد عايز منديل يوميات [ أحمد ومنى ] ! s64.gif

والمفاجأه !!
-----------------------------------------
بعد مرور اسبوعين .. أحمد يعود يوميات [ أحمد ومنى ] ! s59.gif
-----------------------------------------

يوميات [ أحمد ومنى ] ! almstba.com_13084959311.jpeg

طبعا لازم موضوع على طول يوميات [ أحمد ومنى ] ! s68.gif

العنوان: انا جييييييييييييت يوميات [ أحمد ومنى ] ! s50.gif
وحشتونى اوى اوى اوى اوى اوى يا احلى اصحاب فى الدنيا دي كلها
انا رجعت من تانى النهاردة يالا عايز اشوف احلى ترحيب يليق بيا من جديد يوميات [ أحمد ومنى ] ! s58.gif

مني : يا يا احمد متعرفش الاسبوعين دول عدوا عليا ازاى السايت كان مضلم اوى من غيرك ( اصل مدفعناش فاتورة الكهربا واحمد اللى كان بيدفعها يوميات [ أحمد ومنى ] ! s04.gif ) الحمد لله على رجوعك لينا يوميات [ أحمد ومنى ] ! s25.gif

احمد : وانتى والله وحشتينى اوى يا منى ( سورى انتوا وحشتونى ) يوميات [ أحمد ومنى ] ! s27.gif كلكم وبجد كل ثانية كنت بفكر فى المنتدى واقول امتى ارجع تانى بقى واشوفكم من تانى يوميات [ أحمد ومنى ] ! s02.gif ( وهوا أصلا مقضيها فيس بوك طول الليل والنهار يوميات [ أحمد ومنى ] ! s24.gif )

وكمان للأسف فى ناس بتاخد المنتدى عباره عن واجهة لشخص معين.
يعنى نفترض ان احمد ومنى حبو بعض وبعد فترة احمد ساب منى وحب واحدة غيرها طبعا منى مش هتسكت إزاى طبعا ودى تيجى ! يوميات [ أحمد ومنى ] ! s39.gif

مني تكتب موضوع ودموعها المبللة على خدودها والمناديل جمبها وحالتها تصعب على توم وجيرى يوميات [ أحمد ومنى ] ! s52.gif

يوميات [ أحمد ومنى ] ! almstba.com_13084963731.jpeg

العنوان : اسفة مش هقدر اكمل معاكم تانى !
انا انجرحت اوووووى ومش هقدر اكمل فى المنتدى بجد انا اتعرفت على احلى اصدقاء فى حياتى كلها وصعب عليا فراقهم اوى يوميات [ أحمد ومنى ] ! s54.gif
بس مش هينفع اكمل معاكم تانى بسبب واحد منكم هوا عارفه كويس يلا مع السلامة
هتوحشونى !

للاسف النغمة البايخة دي بشوفها كل يوم بتتكرر مع ناس اصحاب منتديات اعرفهم تلاقى قسم الترحيب والمناسبات كله ( انا جيت انا مشيت انا جيت انا مشيت انا جيت نورت البيت انا مشيت ادبحولى خروفين ) يوميات [ أحمد ومنى ] ! s43.gif
وشوفتها كتير للأسف فى منتدانا

سؤال بقى بوجهه لكل عضو يدخل الموضوع ده
هل المنتديات اصبحت نوعاً من التعارف عن طريق ( الصعبنيات ) ؟
لإمتى هتستمر النغمة البايخة دى فى منتدايتنا العربية ؟
هل الشباب والبنات واخدين فكرة غلط عن المنتديات ؟
هل المنتديات اصبحت غرف دردشة بشكل مختلف ؟
اين الكيان وحب التضحية من اجل المكان ؟

فى ناس هتقول دي صداقة !
للاسف الصداقة عمرها ماكانت بالشكل ده انا اتعرفت على شخصيات جميله اوى من المنتديات على مرور 5 سنين وفى النت عامة اول مادخلت منتديات بس ماكنش فى زمان الكلام ده خالص يوميات [ أحمد ومنى ] ! s16.gif

الله يرحم ايام زمان لما كنا بناخد الاشراف اكننا اخدنا جايزة نوبيل الواحد بيكون هاين عليه يدبح خروف ويعزم اهل بلده عليه والنت يشهد يوميات [ أحمد ومنى ] ! s38.gif

يلا فى انتظار ارائكم وأفكاركم للحد من هذه الظاهرة الملعونة يوميات [ أحمد ومنى ] ! s46.gif




2 
eslam

الانسان مش ماشى ع خط واحد يعنى احيانا بيزهق بياخد قرار البعد ع اساس ان المكان دة اتسبب لية فى اشكال ما وبعد ما يروق بيرجع تانى عادى

بس انت شايف المنتدى دة شىء مادى ولاا معنوى ؟ يهمنى جوابك ع السؤال دة يا صاصا


يمكن انا زمان كنت بتخنق بسرعة وبزعل كتير من كل حاجة بتحصل قدامى يعنى مش بحب اشوف الغلط وفضل ساكت ومش عايز اقولك كمية البند اللى كنت بخدها بسبب الصراحة والدفاع عن الناس وفى الاخر ماحدش كان بيكون معايا مش مهم انا بعمل كدة علشان ربنا

لازم تعذر بردو احنا لحم ودم مش جهاز وانت فى يوم من الايام كنت عايز تفصل النت فاكر ولااا لا يا صاصا ؟


5 
♥ MeKo ♥

هههههههههههههههههههههه
والله يا مصطفي حموت من الضحك بس والله عندك حق في كل كلمة قولتها


هل المنتديات اصبحت نوعاً من التعارف عن طريق ( الصعبنيات ) ؟

يووووة ناس كتير اوي بتعمل كدة انت مش عايش معانا ولا اية

لإمتى هتستمر النغمة البايخة دى فى منتدايتنا العربية ؟

حنعيش ونموت بيها
او لحد ما كل ام تقفش بنتها والموضوع يتفركش

هل الشباب والبنات واخدين فكرة غلط عن المنتديات ؟

في ناس وناس
في ناس داخلة تفيد وتستفيد وناس داخلة تهرج وتحب علي نفسها

هل المنتديات اصبحت غرف دردشة بشكل مختلف ؟

ايون المنتديات فتحت مجال اوسع للكلام

اين الكيان وحب التضحية من اجل المكان ؟

في ناس يا مصطفي عندها حب للمكان وفي ناس لا
زي ما قولتلك في ناس داخلة تحب علي نفسها ومع اول صابونة حتلاقيهم بيسيبوا المكان
وفي ناس داخلة علشان تفرح وتضحك وتستفيد دول اللي بيبقوا عندهم حب للمكان



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.