العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية


1 
لؤلؤة مصرية

السلام عليكم




إسلامي عودنى على فعل الخير والمسارعة فى أى شيئ حتى لو ملوش قيمة لكنى حاسه إن فيه حسنات
كلنا فى زمانا دا محتاجين ولو حسنة واحدة تثقل ميزانا يوم الحساب... ليه أغلبنا بيفكر فى الأعمال الكبيرة الظاهرة بنص صريح فى القرآن والسنة، وناسيين أو متجاهلين الحاجات البسيطة اللى لو فكرنا فيها هنلاقى إننا بنفرط فى حسنات لو معملنهاش

الحاجات دى مش محرمة عشان محدش يفتكر إنى بقول اللى مش هايعملها هيتحاسب عليها،، لاء،، دا دى مستحبه، طيب وليه منعملش المستحب دا وخصوصا إننا هنكسب حسنات

عارفين
كوباية انكسرت،، إزازة،، أى حاجة بتجرح لو مسكتيها...
مش برميهم فى .... زى أغلبنا.. لكن بجمعهم وأرصهم فوق بعض، وأجيب السلوتيب العريض (اللزق العريض) وأقعد ألف وألف وألف، وأتأكد إن مفيش ولا سن واحد بارز من الإزاز المكسور دا عشان مايجرحش حد

وإيه يعني؟؟ ماهو عامل النظافة عارف إن فى بلاوى مستخبية وسط الـ.... يعني المفروض ياخد باله.. طيب لو ماخدش باله،،؟؟ لو طفل بسيط بيلم الحاجات دى وحافى، وداس عليها، إيه اللى هيحصل؟؟
ليه نكون سبب أذى الناس؟؟

موس الحلاقة للى بيستخدموه... بردو مش برميه
بلمهم كلهم مرة واحدة، أو واحد واحد مش مشكلة،، وبردووووو باللزق
تشيك تشيك تشيك،، لحد مايكون آمن لو حد لمسه

دى مش كلها حسنات بكسبها؟؟
مش دا من نوع إماطة الأذى اللى الرسول صلى الله عليه وسلم قال عليه؟؟
الإيمان بضع وسبعون، أو بضع وستون شعبة، فأفضلها قول لا إله إلا الله، وأدناها إماطة الأذى عن الطريق

خلينا نفكر فى غيرنا زى مابنفكر فى نفسنا
أى حاجة ممكن تأذى الناس بلاش نعملها بالله عليكم
جمعوا حسنات على أد ماتقدروا،، يمكن حتة الإزاز المكسورة الصغنونة دى تكون سبب زحزحة،، زحزحة من النار
اللهم اجعلنا من السابقين فى فعل الخيرات
وأجرنا من عذاب النار

منقول




4 
بسوومة

بارك الله بيك
سلمت الايادي


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.