العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع

ماينوب المخلص الا تقطيع هدومه

كاتب الموضوع: أبو الـــشووق، فى قسم: منتدى المواضيع العامة


1 
أبو الـــشووق

قالوها ف الامثال

ما ينوب المخلص الا تقطيع هدومه

و ف الايام اللى بنعيشها دى المخلص ممكن ينوبه ضربه مطواه رصاصه طايشه

حاكم انا عارف الشهامه لما بتاخد الواحد ،اجارك الله ،بتلاقى قطع غيار بنى آدمين بتترمي :Smile04:

من سنه تقريبا كانت خناقه بين اتنين شباب و كل واحد استنجد باخوه و انتهت ان اخو واحد فيهم قتل اخو التانى
يعنى اللى جايين يفضوها اتقلبوا قاتل و مقتول

من فتره خناقه اتدخل فيها سواق عربيه نقل قام نابه من الحب جانب و خد رصاصتين

ابن بيتخانق مع ابوه اتدخل ابن عمه عشان يقول له عيب ضربه بالمطواه ف صدره قتله!!!



طب يعنى لو شفت اتنين بيتخانقوا ف الشارع متتدخلش؟؟؟

تفرق لو تعرفهم او متعرفهمش؟؟؟

تفرق لو ولدين مع بعض او بنت بتتخانق؟؟؟

و لا نمشى فعلا جنب الحيط على حسب نصيحه المثل

هو المثل ده بيدعونا للسلبيه؟؟

ملكش دعوه و خليك ف حالك هو الحل؟؟

طب اومال اغاثه الملهوف و نجده الضعيف موقفها ايه من الاعراب

و مع مواقف شفتها بنفسى هحكى و مستني تردوا ع الاسئله و تحكوا

و لو حد خلص ف يوم و نابه من الحب جانب ميتكسفش برضه و يحكى

وكلمه قالها الكبير قووى ،

جزرة وقطمها جحش :Smile04:




2 
Wana Maly

طب يعنى لو شفت اتنين بيتخانقوا ف الشارع متتدخلش ؟؟؟
على حسب بقى يا كبير لو اللى بيتخانقوا دول بيتخانقوا بجد ولا هزار وأكيد مش هدخل ألا فى حالة الهزار علشان مفيش مطاوى بقى ولا الكلام ده بتاع الناس الجزارين

تفرق لو تعرفهم او متعرفهمش ؟؟؟
أكيد طبعا تفرق

تفرق لو ولدين مع بعض او بنت بتتخانق ؟؟؟
لو بنت يبقى لازم اتدخل علشان أحل المشكلة دى لإنها فى الأول وفى الأخر مزه

و لا نمشى فعلا جنب الحيط على حسب نصيحه المثل ؟؟
جمب الحيط الناس بترمى إزاز ورجلى هتتعور منه

هو المثل ده بيدعونا للسلبيه ؟؟
لأ ده بيدعونا لدكتور الجراحة علشان ناخد كذا غرزة

ملكش دعوه و خليك ف حالك هو الحل ؟؟
الإسلام هو الحل


وفى النهاية كلمة شكر وتحيه لصاحب الموضوع أبو الشوق حماده بيه حبيب قلبى وبإنتظار المزيد يا كبير قوى


4 
أبو الـــشووق

اقتباس: المشاركة الأصلية كتبت بواسطة Wana Maly  مشاهدة المشاركة
طب يعنى لو شفت اتنين بيتخانقوا ف الشارع متتدخلش ؟؟؟
على حسب بقى يا كبير لو اللى بيتخانقوا دول بيتخانقوا بجد ولا هزار وأكيد مش هدخل ألا فى حالة الهزار علشان مفيش مطاوى بقى ولا الكلام ده بتاع الناس الجزارين

تفرق لو تعرفهم او متعرفهمش ؟؟؟
أكيد طبعا تفرق

تفرق لو ولدين مع بعض او بنت بتتخانق ؟؟؟
لو بنت يبقى لازم اتدخل علشان أحل المشكلة دى لإنها فى الأول وفى الأخر مزه

و لا نمشى فعلا جنب الحيط على حسب نصيحه المثل ؟؟
جمب الحيط الناس بترمى إزاز ورجلى هتتعور منه

هو المثل ده بيدعونا للسلبيه ؟؟
لأ ده بيدعونا لدكتور الجراحة علشان ناخد كذا غرزة

ملكش دعوه و خليك ف حالك هو الحل ؟؟
الإسلام هو الحل


وفى النهاية كلمة شكر وتحيه لصاحب الموضوع أبو الشوق حماده بيه حبيب قلبى وبإنتظار المزيد يا كبير قوى

فعلا زى ما قلت

الاسلام هو الحل

نورت الموضوع بالرد المميز دا

سانكس بالجبنه على المرور الكريم ،



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.