العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات

زمان

كاتب الموضوع: S α ү з D، فى قسم: منتدى الحب والرومانسية


1 
S α ү з D

لما كنت صغير ولسه عيل وبلعب فـ الشارع
كان كل همى انى العب واتبسط واجرى واتنطط
كان عندى نشاط مكنتش بحس بحاجه غير انى عاوز افضل العب
واصحى من النوم اجرى على صحابى ونكمل لعب
كنت بشوف شباب كبيره وناس بتشتغل
واللى بيشيل على كتافه واللى بيقف يبيع فـ الشوارع
كنت لما بشوف واحد ببدله وماشى كان شكله بيعجبنى اوى
كنت ببقى متغاظ انى قصير وبشوف ناس طويله عاوز اطول زيهم بقى زمان s06.gif
لما كنت بشوف واحد عنده دقن كنت ببقى نفسى اكبر وابقى زيه
يطلعلى دقن واروح للحلاق اقوله شعر ودقن زمان s04.gif
مش اروح واقعد على كرسى الاطفال الصغيره ولا الخشبه اللى بتتحط على دراع الكرسى بتاع الناس الكبار
الوقت عدا والسنين بتمر
كبرت وطولت وشكلى اتغير
معالم وشى اتغيرت
طلعلى دقن وبقيت احلقها
واروح للحلاق اقوله يحلقهالى ويحطلى كلونيا
كنت لما بشوف واحد ماشى مع واحده ببقى عاوز اكبر واعمل زيه
مكنتش عارف يعنى ايه دبله ولا ايد تتحط فـ ايد
كنت بستغرب لما بشوف اتنين ماشيين وبيضحكوا سوا
ياترى بيقولوا ايه وبيضحكوا كده
وادينى كبرت :)
وبقى ليا زى ما كنت بشوف لناس كتير
كان الحب بالنسبالى بابا وماما واخواتى وصحابى وبس
ده كان اللى اعرفه عن الحب
مكنتش اعرف يعنى ايه قلب يدق عشان واحده
ولو كان دق كانت بتبقى دقات قلب طفل
لكن دلوقتى اختلف الوضع والآيه اتقلبت
المشاعر اتطورت والدماغ كبرت والتفكير اتوسع
الاحلام كبرت كل ما كنت بكبر × عمرى وبتقدم فيه
كان المكتب بالنسبالى للمزاكره بس
ومكنتش بزاكر عليه كمان زمان s41.gif
كان على الارض او على السرير
كان الشغل انى اروح اشترى طلب من البقال
كنت كل ما اتقدم × مرحله افرح
لحد ما دخلت ثانوى وكانت ايام جميله اوى


والجامعه كنت بدايق اوى لما بلاقى نفسى شايل شنطة المدرسه وفيها كتب كتير
والاقى واحد او واحده ماسكين كشكول او اجندة ورايحين بيها الجامعه زمان s06.gif
قالوا الجامعه بحر كبير وحياه مفتوحه غير حياة المدارس
مش ملزوم انك تزاكر كل يوم طول السنه
ودخلت الجامعه
ومبقتش اشيل الكتب زى المدرسه
ومبقتش اصحى من الساعه 6 عشان اروح المدرسه وانا هعيط وانام تانى
واروح محضرش كل المحاضرات واقضيها مع صحابى
ونقلب من الجامعه ونخرج بره نتفسح ونرجع × معادنا المعتاد
واهو
كبرت واشتغلت والمسئولية زادت وبتزيد
وبقيت اصحى بدرى
مكنتش اعرف اهمية الشغل
صغير بقى ميعرفش حاجه غير انه ياكل ويلعب ويدلع
واهى الايام بتدلع فيا
هههههههههههههه

شوية تخاريف مع زكريات حبيت اطلعها




5 
S α ү з D

اقتباس: المشاركة الأصلية كتبت بواسطة immigrant  مشاهدة المشاركة
عندك حق يا سيد
كل يوم بيعدي معاه ذكري حلوه ومعاه كمان تغير ف كل شيء

موضوع كبير جدا
لو اكلمنا فيه مش هنلاقي صفحات نكتب فيها

صح يا شادي
ايام زمان طفولتنا عمرها ما هتتعوض
لاننا مكنش يهمنا حاجه غير رفاهيتنا وبس

لكن سبحان الله مفيش حال بيدوم
الصغير بيكبر
والاحلام بتتقلب لواقع

نورت يا صاحبى :)

اقتباس: المشاركة الأصلية كتبت بواسطة dodye7sas  مشاهدة المشاركة
موضوع كبير جدا وجميل فى نفس الوقت
ياريت ايام زمان ترجع تانى والله
ثانكس يا سيد

ياريت يا دعاء مكنش فى هموم ولا تعب
ولا اوجاع ولا اى حاجه
كانت المسئولية بس نفسنا وخلاص
ايييييييييييييييييييه
ليت الطفوله تعود دوماً
نورتيني ^_^
اقتباس: المشاركة الأصلية كتبت بواسطة princess samar  مشاهدة المشاركة
احلى ايام الواحد عاشها ايام الطفولة بجد

مش بترجع تانى

يااااااااااااااه احلى ايام حياتى

كلامك جميل اوى فكرنى بزكرياتى وانا طقلة

تسلم ايدك ياسيد

اكيد يا سمر بس مفيش حال بيفضل
لكن سايبه لينا زكريات جميله اهو
بنفتكرها ونبتسم
كفايه البسمه دى فـ لحظة تجلى
بتبقى حلوه اوى
نورتى يا قمر ^.^



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.