العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
roka Abd Elrahman

السلام عليكم و رحمة الله و بركاته

ابدأ بمشيئة الله موضوعى ... هو موضوع طرقته ممكن تكون غريبة شوية لكن قريت موضوع شبهه و عجبتنى جداا الفكرة و الطريقة و قررت انقل الفكرة هناا للاعضاء المحترمين للمناقشة التى تهدف اكيد للاستفاة لنا جميعااا ان شاء الله ....
بالطبع مش هنتناقش عن الحجاب بشكل عام لانه فى رائى الشخصى المتواضع مفيش نقاش فيه دة فرض و المفرود على كل مسلمة الالتزام بيه ... انما النقاش اليوم عن طريقة حجاب بعض البنات حاليا نبدأ بالصور لبعض الموضة البسيطة جداا و الراقية للحجاب ...


ماذا تعتقد ... ؟؟ موضوع عن الحجاب للنقاش do.php?img=25530

و دة كماان ... ايه رايكوا . ؟!

ماذا تعتقد ... ؟؟ موضوع عن الحجاب للنقاش do.php?img=25531

هل لو انا بلبس كده واخرج، و عمري خلص وانا مت وانا ده لبسي اللي بخرج بيه ، هل هبأه لبست الحجاب اللي ربنا امرني بيه ؟؟
طيب لما انا بخرج بيه ، هل بمشي في الشارع وربنا راضي عني ؟؟
ولا بكون عملت معصية اني خارجه متزينة

.....................................

ولا انا لابسه واسع وحلو في نفس الوقت ، ايه المشكلة ؟؟، شفتي انتي مكلكعه الدنيا ازاي ، الموضوع بسيط اصلا ، بس انتي مكبراه علي الفاضي ، واصلا الصور اللي فوق دي محتشمة وحلوة ...


هل دة الحجاب الى ربنا امرنا بيه ..... ؟؟

اتمنى النقاش يكون مفيد و بجد اتمنى تفاعلكم ..... و جزاكم ربى كل خيير




3 
فارس.




بداية فيه فرق بين :


* الاعتراف بوجود الخطأ و طلب المغفرة

زي خطيئة سيدنا آدم


* انكار وجود الخطأ من الاساس و رد الامر على الآمر

زي خطيئة ابليس



يعني لو السؤال هل الصور دي نموذج للحجاب اللي ربنا امر بيه نساء المسلمين ؟

حيبقى الرد لا طبعا

و الفتاوي موجودة و متوفرة و اجمع عليها علماء المسلمين



لكن المشكلة الحقيقية ان الناس نوعين :


ناس خطيئتها زي سيدنا ادم : يعني بترتكب الخطيئة و هي معترفة انها على خطأ و بتحاول تحسن من نفسها و تطلب المغفرة فعسى الله ان يغفر لها


و ناس خطيئتها زي ابليس : يعني بترتكب الخطيئة و تنكر انها على خطأ و تكابر و تحاول تبرر لنفسها و ممكن تهاجم الناس الملتزمة و تهاجم الحجاب الصحيح مثلا

و بيكون الدافع تكبر عن الاعتراف بالحق او انبهار بحضارات و ثقافات غير مسلمة او عايزة تريح ضميرها و لو بالكذب ! !



شوفي

ايه المشكلة ان احنا نعترف بالخطأ و نعترف بضعفنا كبشر و نطلب المغفرة



يعني لو البنت مش محجبة مثلا او حجابها مش كامل ايه المشكلة لما تعترف بالحجاب بصورته الصحيحة حتى لو مش قادرة تطبق الصورة دي لاي سبب

و تحاول تطلب المغفرة

و مش معنى كده ان الذنب خلاص انتهى

لكن مش حيبقى الذنب الاساسي و كمان ذنب التكبر ! !




و ايضا انا مؤمن جدا بـ القاعدة الفقهية " ما لا يدرك كله لا يترك كله "


يعني مش قادرة تلتزمي بالحجاب الصحيح اتحجبي على قد ما تقدري

احتشمي في الملابس و طريقة الكلام وهكذا

او حاولي تحسني في جانب آخر من جوانب الدين " الصلاة _ الصدقة _ الصيام "


يقول الله تعالى : ( فَاتَّقُوا اللَّهَ مَا اسْتَطَعْتُمْ ) (التغابن:16)

يقول النبي صلى الله عليه وسلم: ( ما نهيتكم عنه فاجتنبوه ، وما أمرتكم به فأتوا منه ما استطعتم ؛ فإنما أهلك الذين من قبلكم كثرة مسائلهم ، واختلافهم على أنبيائهم )

رواه البخاري و مسلم




الدنيا دي زي المذاكرة و الامتحان بالظبط

لو انت ضعيف في مادة ذاكر فيها على قد ما تقدر و حاول تعوضها في مادة تانية و تفوق فيها

و ان شاء الله تنجح

لكن تنكر فشلك و تتهم اللي حط المنهج بالرجعية يبقى انت كده بتظلم نفسك ! !





4 
yna ya howa

من راي ان مش دا الحجاب الشرعي بس هيا حريه شخصيه بس في نفس الوقت مش لازم انكر ان الحجاب مش فريضه بس لدين يسر وليس عسر وانتي مش عارفه تلتزمي بلحجاب الشرعي حاولي انك تتقربي من ربك


 من مواضيع yna ya howa

5 
لمسة انوثة


هو فرض رباني وقرآن منزل من رب العالمين
لكن الواقع اختي الفاضلة في المجتمع يقول عكس ذلك
الموضوع يناقش ظاهرة انتشار الحجاب بطرق مخالفة لما ينص عليه شرع الله لدرجة أن بعض المحجبات صارو أكثر فتنة من التبرجات ...
لا اعتقد أنك لم تلاحظي ذلك في المجمعات التجارية والمرافق العامة ...
النقاش الذي نقترحه بحث هذه الظاهرة لمعرفة أسبابها وطرق معالجتها ...

جزاك الله خيرا على هذا الموضوع




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.