العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

انا بدور على الشخص المناسب

كاتب الموضوع: BaNoTa ZaMaLKawYa، فى قسم: منتدى النقاش الجاد


1 
BaNoTa ZaMaLKawYa

السلام عليكم ورحمة الله وبركاته




مساء العسل على الناس الاحلى من العسل




عايزة اتكلم معاكم شوية على الزواج والارتباط الرسمي لاخر العمر


طبعا كل واحد مننا راسم شكل معين للشخص الي بيحلم يكمل معاه حياته


وهنا لابد من توفر كل الشروط الضرورية عشان الزواج ده يكون ناجح


انا بقول ان الزواج الناجح يعتمد على امرين


اولا : ان تجد الشخص المناسب

تانيا :ان تكون الشخص المناسب


شايفين ان المسألة مزودجة مش فردية يعني مش لما حد يتأخر في الزواج


يسأله الناس لسه مش اتجوزت ليه يقوله مش لاقي الشخص المناسب


طيب الشخص الي بيقول كده يا ترى شايف انه هو كمان الشخص المناسب


انا مش قصدي انه فيه حاجات وحشة لا سمح بس كل ما في الامر


ان يمكن مش تتوفر فيه بعض الشروط وبالتالي بدل ما يستنى يلاقي الشخص المناسب


المفروض هو يعمل كل ما في وسعه انه يكون الشخص المناسب لغيره



بطريقة اخرى قبل ما نتشرط على حد لازم احنا تتوفر فينا الشروط دي


وبكده الزواج هيكون ناجح جدااا جدااا




انا بدور على الشخص المناسب 04185520724240336770.gif




ايه رأيكم في كلامي وفي وجهة نظري البسيطة ؟


من وجهة نظرك انت الزواج الناجح على ماذا يعتمد ؟




انا بدور على الشخص المناسب 04185520724240336770.gif




2 
princess samar

ايه رأيكم في كلامي وفي وجهة نظري البسيطة ؟

وجهة نظر سليمة وياريت بجد كله يمشى بيها وانامعاكى فيها

من وجهة نظرك انت الزواج الناجح على ماذا يعتمد ؟


ان كل حاجة تكون اختيار صح وبكدة الجواز يعيش

تسلم ايدك ياقمر


3 
emo_girl

لازم ياجميل يكون الزواج على حب ولو حتى لفتره قصيره حتى لو الخطوبه
بس لازم يكون فى حب علشان الزواج يستمر لانى الدنيا طبعا مش بتخلى من المشاكل
ولو حصل اى حاجه الحب الى بيبقا بين الاتنين هنا بقا ساعتها بيظهر اوى وبكده الزواج يقدر يستمر



5 
مـلـك

ايه رأيكم في كلامي وفي وجهة نظري البسيطة ؟


انا بختلف معاكي شوية

لانه معنى كلامك ان المفروض الانسان يغير نفسه عشان يكون هو الشخص المناسب

بدل ما يستنى الشخص المناسب

بس في حاجة مهمة انتي لماتغيري نفسك عشان تكوني الشخص المناسب

هتكوني الشخص المناسب لمين؟؟؟

لان المناسب ده مقاييسه بتختلف من حد للتاني

يعني المناسب ليكي ممكن ميكونش مناسب ليا والعكس

عشان كده كل انسان بيدور على الشخص المناسب ليه

اللي شخصيتهم بتكون متوافقة مع بعض ومناسبة لبعض

يعني الاتنين يكونوا مناسبين لبعض بايجابياتهم وسلبياتهم لانه مفيش انسان مثالي

من وجهة نظرك انت الزواج الناجح على ماذا يعتمد ؟

الزواج الناجح بيعتمد على التوافق بين الزوجين والتفاهم وانهم يكونوا فاهمين وحاسين ببعض

واكيد على الحب زي مافي ديننا المودة والرحمة


ومرسي ليكي على التوبيك الجميل ده



 من مواضيع مـلـك


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.