العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

بكي يا مصر بحرقه ونار

كاتب الموضوع: برنسيسة زماني، فى قسم: منتدى الشعر والخواطر


1 
برنسيسة زماني

ابكي يا مصر بحرقه ونار
اتقسمنا ل100 تيار
اخوان..فلول..كنبه وثوار
انت مؤيد للقرار...انزل احشد الابطال
انت معارض للقرار...احشد انت كمان ثوار
شايف المصري؟بيقتل مصري!
والاعلام بيذيعلنا حصري
شوفتوا العيبه؟...شوفتوا العار؟
ابكي يا مصر بحرقه ونار
............................




2 
nona saso

خايف يوم أصحي..
وأفتح الشباك..
مالاقيش مصر


...
ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها


مصر البنوتة الحلوة
اللي زي القمر
بقت عجوزة وشايبة
وبان عليها الكبر


خايف يوم أصحي..
وأفتح الشباك..
مالاقيش مصر

3 
برنسيسة زماني

مصر اصيله غيرنا تماما
احنا بنمشي ونسبها وهي صابره احنا ضيوها وهي صاحبه البيت علشان كده عمرها ما هتمشي


4 
nona saso

(مزحوم يا قطار الغلبانين)
مزحوم يا قطر الغلبانين .. وحنشكي مين؟
واخدين على صوت الانين .. لينا سنين

متعلمين الطاعة .. من قبل الصلا
ويا إما نبقى بضاعة .. يا إما المقصلة

والجُبن وسط الجواعة .. قيمة مأصّلة

وآدي الحكاية مفصّلة.. بس اللي يسمع مين


Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.