العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
S α ү з D

¢er]انا شوفت الحوار ده ومش عاوز اجزم اذا كان صح او حصل ولا لأ

لكن اقرأوا كده ..


اقتباس:

الصدفة وحدها هى صاحبة الفضل فى توصل «الوطن» واطلاعها على حقيقة ما دار فى آخر حوار بين القائد العام وزير الدفاع الفريق أول عبدالفتاح السيسى و «المعزول» محمد مرسى، وذلك من خلال شاشة عرض بإحدى غرف جهة سيادية .
توجهت إلى تلك الجهة يوم الثلاثاء 2 يوليو الحالى ، وكانت جميع المكاتب تعمل كخلية نحل لا يتوقف نشاطها لحظة ، حاولت التواصل مع عدد من المسئولين ، للتعرف على ما سيحدث خلال الساعات القادمة ، لكن أحداً منهم لم يكن بوسعه التصريح بأى معلومات ، ومع إصرارى على الحصول على ما يدور داخل الغرف المغلقة ، رد علىّ أحد الضباط الموجودين بالمكتب الذى أجلس به قائلاً : «متقلقش .. مصر كلها هتفرح بكرة ، ولو عاوز تضمن تعالى هسمّعك حاجة ، لكن أرجو عدم الإفصاح عنها لخطورة الأمر فى هذا التوقيت» .
اصطحبنى الضابط لغرفة مجاورة ، بها العديد من أجهزة الصوت وشاشات العرض ، وفوجئت أنه يعرض على إحدى الشاشات لقاء بين «السيسى» و «مرسى» ، وهو لقاء جرى بينهما قبل أن يلقى مرسى خطابه الأخير بساعات قليلة .
وبعد صدور بيان الجيش الذى ألقاه «السيسى» الأربعاء الماضى ، استأذنت فى نشر أهم ما جاء بحوار «السيسى» و «مرسى» ، وبصعوبة بالغة حصلت «الوطن» على الموافقة ، وكان كالتالى :

مرسى : الجيش موقفه إيه من اللى بيحصل ، هيفضل كدا يتفرج ، مش المفروض يحمى الشرعية ؟
السيسى : شرعية إيه ؟ الجيش كله مع إرادة الشعب ، وأغلبية الشعب حسب تقارير موثقة مش عايزينك .
مرسى : أنا أنصارى كتير ومش هيسكتوا .
السيسى : الجيش مش هيسمح لأى حد يخرّب البلد مهما حدث .
مرسى : طيب لو أنا مش عايز أمشى .
مرسى : متفتكرش إن الإخوان هيسكتوا .. هيولعوا الدنيا .. وأنا اللى عينتك وممكن أشيلك
السيسى : الموضوع منتهى ومعدش بمزاجك ، وبعدين حاول تمشى بكرامتك ، وتطالب من تقول إنهم أنصارك بالرجوع لمنازلهم ، حقناً للدماء بدلاً من أن تهدد الشعب بهم .
مرسى : بس كدا يبقى انقلاب عسكرى وأمريكا مش هتسيبكم .
السيسى : إحنا يهمنا الشعب مش أمريكا ، وطالما أنت بتتكلم كدا أنا هكلمك على المكشوف .. إحنا معانا أدلة تدينك وتدين العديد من قيادات الحكومة بالعمل على الإضرار بالأمن القومى المصرى والقضاء هيقول كلمته فيها ، وهتتحاكموا قدام الشعب كله .
مرسى : طيب ممكن تسمحولى أعمل شوية اتصالات وبعد كدا أقرر هعمل إيه .
السيسى : مش مسموح لك ، بس ممكن نخليك تطمئن على أهلك فقط .
مرسى : هو أنا محبوس ولا إيه ؟
السيسى : أنت تحت الإقامة الجبرية من دلوقتى .
مرسى : متفتكرش إن الإخوان هيسكتوا لو أنا سِبت الحكم .. هيولّعوا الدنيا .
السيسى : خليهم بس يعملوا حاجة وهتشوف رد فعل الجيش .. اللى عايز يعيش فيهم باحترام أهلاً وسهلاً .. غير كدا مش هنسيبهم .. وإحنا مش هنُقصى حد ، والإخوان من الشعب المصرى ومتحاولش تخليهم وقود فى حربكم القذرة .. لو بتحبهم بجد تنحى عن الحكم وخليهم يروّحوا بيوتهم .
مرسى : عموما أنا مش همشى والناس برة مصر كلها معايا وأنصارى مش هيمشوا .
السيسى : عموماً أنا نصحتك .
مرسى : طيب خد بالك أنا اللى عينتك وزير وممكن أشيلك .
السيسى : أنا مسكت وزير دفاع برغبة الجيش كله ومش بمزاجك وأنت عارف كدا كويس .. وبعدين أنت متقدرش تشيلنى أنت خلاص لم يعد لك أى شرعية. وزير الدفاع لـ مرسى : أنت خلاص لم يعد لك أى شرعية .. وغير مسموح لك إلا بالاطمئنان على أهلك .. أنت من دلوقتى محبوس
مرسى : طيب لو وافقت أن أتنحى .. ممكن تسيبونى أسافر برة وتوعدنى أنكم مش هتسجوننى .
السيسى : مقدرش أوعدك بأى حاجة ، العدالة هى اللى هتقول كلمتها .
مرسى : طيب طالما كدا بقى أنا هعملها حرب ونشوف مين اللى هينتصر فى الآخر .
السيسى : الشعب طبعاً اللى هينتصر .
وانتهى الحوار عند هذه الجملة بقول السيسى : «أنت من دلوقتى محبوس» .
وبعد هذا الحوار بساعات قليلة طلب السيسى من قوات الجيش والحرس الجمهورى أن يجرى نقل «مرسى» من دار الحرس الجمهورى إلى إحدى إدارات الجيش شديدة التأمين ، وطلب عدم التعرض له بأى أذى ، لحين تقديمه لمحاكمة عادلة لاتهامه بارتكاب عدد من الجرائم

[/center]


انا عن نفسى مش عارف اصدق هل حصل او محصلش

لكن رأيكم ايه لو كان بالفعل حصل ؟؟




2 
live to smile

انا كنت مستحيل اصدق الكلام دا
بس بعد رد فعلا الاخوان علي عزل مرسي
من ضرب حماس مطار رفح و تدمير 21 قسم غير الهجوم علي المعرضين
دا يخليني اقول ان احتمال كبير يكون دا حصل
شكرا علي الموضوع ياسيد
وربنا يستر


3 
mero 3yza hero

بعيدا عن اى حورات صحيحه او لآ
قوه الشعب فوق اى قوه
سواء كان الهجوم ع الشعب من اى جهه فبهم


4 
Immigrant

معتقدش ان فتصريح مباشر بالكلام دا ياسيد
كل الحصل احنا شوفناه
كل ال قال ف دم شوفناه وسمعناه
قالو هتبق سوريا تانيه شوفناها
قالو هنموت ونشتشهد شوفناها

انما لغايه دلوقت ال شوفناه من الجيش
تصريحات بضبظ النفس وع المتظاهرين الالتزام بالسلميه


5 
roka Abd Elrahman


الله اعلم بس انا ممكن اصدق انه يكون صحيح عشان احنا الايام دى بنشوف الكلام الى مكتوب على لسان دكتور مرسى عملها حرب و محتمى بأمريكا و انها مش هتسيبنا ... انا شخصياا اصدق انه يعمل كدة لانه مش بيخاف على شعب مصر و مش وطنى ( من وجهة نظرى الشخصية ) و اعتقد اذا ثبت عليه ذلك بالفعل انه اتفق مع ناس برة مصر ( حماس ) عشان يخرج من السجن اثناء الثورة و يقتلوا الظباط وقتها الله يرحمهم فمفيش اى مانع بالنسبة ليه انه يتفق مع اى حد عشان الكرسى حتى لو ضد الشعب المصرى
و حسبى الله و نعم الوكيل فيه انا شايفاه متسبب فى كل الدماء الموجودة دلوقت هو و جماعته لانه كان بايده يلم الشمل لو كان عايز و بالنسبة للجيش بصراحة الكلام حلو بس انا مش عارفة حسة ان فيه تقصير منهم يــــاريت ينقذوا الشباب الى بيموت دلوقت بسرعة و مع انى واثقة جداا فى وطنية جيش بلدى العظيم بقياداته و انهم بيعملوا الى يقدروا عليه ..ربنا يعينهم ....... و لو الكلام دة مش صحيح فهو برضو فشل انه يحل الازمة
الله المستعان ... اللهم اضرب الظالمين بالظالمين و اخرجنا منهم سالمين
ربنا يحمى مصر من الخونة و يحقن دماء شبابها



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.