العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
S α ү з D

سلام الله عليكم ورحمته وبركاته :)

رمضان كريم عليكم اعضاء المنتدى الجميل

كل سنه وانتم طيبين وصوماً مقبولاً واعمال صالحه بأذن الله


هخش × الموضوع عشان مش اطول عليكم

كنت من شويه بتفرج على التلفزيون ولقيت مسلسل اسمه :: القاصرات ::

يمكن حد فيكم اتفرج عليه واهو كمان الاسم ظاهر من عنوانه

الحكايه انى كنت بتفرج وانا مولع من جوايا عشان اللى شوفته × الحلقه

زواج راجل كبير شايب من بنات لسه اطفال

اللى ظاهر انه × الصعيد وانا عارف ان هناك الجوازات بتبقى كده

ييجى راجل كبير ويتجوز بنت لسه عيله متعرفش حاجه عنيها مغمضه حتى التطورات الجينيه عندها مكتملتش

ياترى ده برأيكم صح ؟

مش هقول حلال او حرام لان طالما زواج على سنة الله ورسوله يبقى حلال

لكن اسلوب الجوازه شايب يتجوز كتكوته صغيره لسه بتقرأ × قصص ميكى

طفله اصلا دى أدق كلمه ممكن نقولها

ايه رأيكم × اسلوب الجواز ده ؟

ايه رأيكم × الناس اللى بتعمل كده ؟

ياترى ايه الدوافع اللى تخلى راجل يجوز بنته لواحد اكبر منه ؟


برغم اننا × القرن 21 والمفروض ان الناس عقولها بقى على قدر كافى من الوعى

عارفين ايه الصح واللى يجوز وايه اللى لا يجوز

طيب يا ترى ده × مصلحة البنت انها تتجوز صغيره وعلى ما توصل لسن ال 30 تبقى جِدَه بقى !!

ماهى طالما اتجوزت كده واهلها وافقوا بجوازها ده هيا كمان هتوافق بالجواز ده لذريتها

آسف ان كنت طولت عليكم بس حقيقى موضوع مش لاقى كلمه تناسبه اقولها

كل سنه وانتم طيبين

سلام





2 
Immigrant

موضوع صعب جدا ياسيد
والنقاش فيه صعب اووي
اختلاف العقليات والتفكير ممكن يعمل اكتر من كده
بس انا وجهه نظري
واكيد كل واحد ليه وجهه نظر مختلفه
بس انا شايف ان هناك وخصوصا ف الصعيد التفكير محدود لان اغلبهم قافل ع نفسه مش مدي مجال لاسرته لمواكبه تطورات العصر
فدا سبب ممكن
وممكن السبب التاني ع الخوف ع بناتهم فبيخلصوا منهم ويحافظوا عليه بطريقتهم دي
هما شايفين كده

شكرا ياسيد
متابع


4 
alromancy ahmed

اولا انا حاسس كدا انك سيد متعب

من طريقه كلامك تمام لو انا صح قولى

ثانيا الناس فى الصعيد تفكيرهم على قدهم بمعنى

انه بيقول انا هديها لواحد من عيله وابن فلان وفلان

او دا معاه فلوس وهيقدر يطلعك من الى احنا فيه يبنتى

طبعا طريقه تفكير متخلفه جدا

والبنات مش يقدروا يتكلموا للاسف لانك عارف الصعايده مش بيتكلموا دول

بيطخوا على طول ههههههههه

تسلم على الموضوع


5 
bilsan yosef

موضوع رائع بالتأكيد
وأحييك عليه
الفكر ارجعى فعلا فى قرى كتير ونائيه ممكن تلاقيها فى سينا وقنا وأسيوط وسوهاج ولكن ساعتها بيبقى تنازل من الأب والأم وهما عارفين هما بيعملوا ايه
يعنى مش رجعيه أو تخلف للأسف هما عارفين ان الكتكوه دى هتضر ومش هينفع وغلط وغيره ودى مش عاده أو تقليد ده انتهاك أطفال
لأن انا سمعت عن الزواج المبكر بس اكيد مش شايب ومن هنا فى بيع الاهل لبنتهم وهما عارفين كده فمفيش داعى اننا نقول غلط من الاساس



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.