العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

استفسار

كاتب الموضوع: eslam، فى قسم: منتدى النقاش الجاد


1 
eslam

السلام عليكم


عايز اخد رائيكم فى موضوع


لو بتحب بنت وقلت ليها بصراحة انا معجب بيكى وبعد اهتمام منك وعدم شعور منها كلمتك وقالت ليك نفضل اخوات انت رد فعلك هيبقى اية


تصور لما تبقى بتحب حد من بعيد وعمرك ما عرفت توصل حبك ليها ولما عرفت كان الرد يصدم


وانت اللى عمرك ما تخيلت ان بسهولة كدة الامر يتحسم



انا عايز اعرف لو انت او انتى مكان الحبيب دة تعمل اية ؟


تتعامل معاها ازاى بعد كدة


وبس




2 
alromancy ahmed

انا جربت الموقف دا على فكره وهقلك انا عملت ايه وايه الى حصل

وطبعا الى انا عملته مش كان بتفكير لا دا رد فعل طبيعى وجه بنتيجه

انا فعلا كنت بحب واحده جدا بس انا كنت ببصلها من بعيد وبكتفى

وجيت فى يوم جبت رقمها وقلتلها بس هى قالت الكلام الى انت قلته دا

كنت الاول كل بخليها تشوفنى واشوفها ومن بعد الكلام دا قعدت

حوالى شهر بحاول اتجنبها ومش خلتها تشوف وشى خالص

جيت بعديها خلتها تشوفنى بالصدفه بس انا كنت مرتبلها لانى كنت هموت

واشوفها اتصدمت ساعتها لقتها عماله تبصلى وتضحكلى وجبت رقمها تانى

بعد ما مسحته اول مره وكلمته ومية فل وعشره

بس ماحصلش نصيب بعديها برده بس بجد

الموضوع دا حصل معيايا وزى ما حكتلك كدا دا الى حصل


3 
bilsan yosef

أولا السلام عليكم

ثانيا كنت قريت مقوله اثارت موضوع هنا
اذا اردت شيئا بشده فاتركه ان عاد فهو لك وان لم يعد فهو لم يكن لك منذ البدايه

يعنى بصراحه احيانا بتكون مشاعر مراهقه مغلوطه بالنسبه للشاب
والبنت احيانا بتكون بحاجه للشعور بالتدلل والتعالى لشعورها بالثقه من الطرف الأخر
وده بيرجع رأيها بين حاجتين
لو مرتبطه يبقى كده هى فعلا أكثر من أخ لا يوجد شىء
ولكن لو غير فممكن أديك الأمل انك ممكن تحاول مره تانيه فأحيانا غرور الفتيات يمنعهم من الاعتراف




بس اكتر حاجه بتضايق البنت ان يبقى الشخص ده جباااااااان
يعنى ممكن ياخد تليفونها ويرن عليها على انه حد غريب ومن ناحيته بتبقى قناعته ان هو جمبها أو بيحاول يكون جمبها من غير ما تعرفه يمكن يكون فيه أمل

أما رأيى فى الموضوع ككل وبصراحه
ان رفض البنت أو قبولها بيعتمد على شىء
وهو تربيتها
يعنى لو الشخص ده بيحبها زى ما بيقول مش محتاج انه يعترفلها أو ينط من الشباك زى ما بيقولوا
لأنه من المفروض يروح يعترف لأهلها ويدخل البيت من بابه
أما لو لسه سنه صغير ومش مناسب أو مش مخلص كليه فهنا رأيى انه يستناها ويفوض امره لله ده لو مشاعر حقيقيه اصلا ومش انجذاب ومغامره وحبا فى خوض تجربه
ويا إما زى ما قولت فى الأول هتبقى عن مشاعر مراهقه مغلوطه وخاطئه وغالبا بتنتهى بفشل ذريع ليها وتجربه وانتهت ليك




ودى واحترامى


4 
alromancy ahmed

اذا اردت شيئا بشده فاتركه ان عاد فهو لك وان لم يعد فهو لم يكن لك منذ البدايه

الجمله ديه انتى سارقاها من فيلم ظرف طارق

هههههههههههههههههه

انا بجد كنت نفسى اعرف هى بتقرى ايه فى الرساله

بجد جاااااااااااااامده اوى المقوله ديه وانا متفق تماما

ان المقوله ديه صحيحه مليون فى الميه



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.