العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
alromancy ahmed


نفسي اطرح اسئلة كتيرة
كلها بتدور حول كلمة واحدة
ليه كدا .. و لامتى هنفضل كدا ؟؟!


ليه احنا كدا .. و لامتي هنفضل كدا ؟! almstba.co_1374853381_445.png

ليه كدا ؟!
ليه لو شفنا شحات بيشحت و نايم ع الرصيف .. مش بنديله اي صدقة
و بنقول في سرنا علي طول اول ما نشوفه ( دا بيمثل .. دا متسول .. دا مش عارف ايه )
مش ممكن يكون محتاج فعلا و انتا بتظلمه ؟؟
لامتي هنفضل بنفكر كدا ؟


ليه احنا كدا .. و لامتي هنفضل كدا ؟! almstba.co_1374853381_445.png

ليه كدا ؟!
ليه لما نعرف ان واحد مصري مات .. واحد من البلد
مش بنحزن عليه .. و نفضل نقول ( و ايه يعني .. طب ده احنا 90 مليون و اكتر كمان )
دا مصري يا اخي .. من بلدك .. اخوك
لامتي هنفضل بنفكر كدا ؟


ليه احنا كدا .. و لامتي هنفضل كدا ؟! almstba.co_1374853381_445.png

ليه كدا ؟!
ليه لو شفنا واحد بيقول علينا كلام كويس و بيكبرنا في نظر الناس
بنكسب الغرور و التكبر من الكلام دا .. مع ان المفروض نكسب التشجيع الزيادة
لكن للاسف .. بنتكبر قدام الناس
لامتي هنفضل بنفكر كدا ؟


ليه احنا كدا .. و لامتي هنفضل كدا ؟! almstba.co_1374853381_445.png

و احب اسألكم كلكم :
هل انتم من الناس اللي بتفكر كدا ؟؟
هتعمل ايه لو شفت واحد بيفكر بالطريقة دي ؟؟
طب لو في يوم من الايام حسيت انك هتبقي كدا .. او فعلا بقيت كدا .. هتعمل ايه ؟؟
طب تحب تنصح الناس اللي بفكر كدا بأيه .. و الناس القريبة من الناس دي بأيه ؟؟

جاوبـ/ـي و لو حتي علي سؤال واحد من الاسئلة دي
يمكن نعرف نصلح دماغ حد بنصيحتك دي ليه احنا كدا .. و لامتي هنفضل كدا ؟! almstba.co_1374853382_782.gif




2 
Hinamori Amu






و احب اسألكم كلكم :
هل انتم من الناس اللي بتفكر كدا ؟؟

لا التفكير بالطريقة ديه سلبى لازم الواحد يبقى عنده حب لمساعده الناس حتى الناس اللى مش محتاجة لإن ده بيديها احساس بالأمل ان لسه فيه خير ولو شوفت حد بيتسول وهوا مش محتاج نقوله عيب وغلط وننصحه او نمشى من غير مانعلق ولما حد يموت لازم نترحم عليه بس منزعلش عليه مش عشان عددنا كبير بس عشان هوا ف رحمة الله عز وجل

هتعمل ايه لو شفت واحد بيفكر بالطريقة دي ؟؟

هقول ربنا يهديه لإن اللى بيفكر بالطريقة ديه هيكون عنده 100 مبرر لنفسه انه صح أو هحاول أنصحه بس مظنش النصح بيمفع اليومين دول غير اللى ينصحنى باللى على هوايا

طب لو في يوم من الايام حسيت انك هتبقي كدا .. او فعلا بقيت كدا .. هتعمل ايه ؟؟

هغير من نفسى ف ساعتها وانا بدرب نفسى انى أول ماعمل الغلط احاسب نفسى الأول

طب تحب تنصح الناس اللي بفكر كدا بأيه .. و الناس القريبة من الناس دي بأيه ؟؟

مفيش بس مساعدة الناس حاجة كويسة والتعايش معاهم جميل وبيدوا للواحد طاقة إيجابية بتخليه يكمل حياته بنشاط وحب وسلام بينه وبين نفسه والناس

جاوبـ/ـي و لو حتي علي سؤال واحد من الاسئلة دي
يمكن نعرف نصلح دماغ حد بنصيحتك دي

تسلم ع الموضوع وهو بيلفت الناس لحاجات مهمة أوى بتحصل ف مجتمعنا :)



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.