العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع

حياديه رأي

كاتب الموضوع: روفان، فى قسم: منتدى النقاش الجاد


1 
روفان

السلام عليكم ورحمته الله وبركاته

علي الرغم اننا ضد الاخوان لكن في الاول والاخر هما مصريين مهما اختلفنا معاهم سياسيا ومن حقهم يبقي في تغطيه اعلاميه حياديه

علي قناه الجزيره حاليا اصابات كتيره في رابعه العدويه بسبب قنابل غاز وهجوم ولا قناه اخباريه صرحت عن الاصابات دي لييييييييييييييه ؟

فين الحياديه الاعلاميه ؟؟

فين ميثاق الشرف الاعلامي ال اقسمتو علي احترامه ؟؟

اشمعنه لما حد بيصاب من المعارضين بتجري كل القنوات تغطي وتعمل منها مناحه

ياتري دا أمر لكل القنوات بعدم نقل اي اخبار تخص رابعه العدويه ماهو مش معقول كل القنوات صدفه قررت يدوب تحط صوره رابعه العدويه علي جنب في الشاشه وكدا تبقي عملت واجب كبير كمان

برغم اختلافي تاني مع الاخوان لكن هفضل حياديه في الرأي وبرفض تفويض السيسي لتصفيه الاخوان في رابعه

لو كان هناك إرهاب حقيقي .. فهو لا يحتاج إلى تفويضات او إذن من الشعب
بل التعامل معه واجب وطني
إنما هذا التفويض المطلوب ما هو إلا غطاء سياسي وإعلامي وحتما سيؤدي الي حرب اهلبه ومجازر


السيسي للاسف اخطأ في قراره وحط النار جمب البنزين والطرفين واجهم قصاد بعض وقبل كل دا طلب تفويض ودا ليه علشان لما يحصل اي مواجهه مافيش حد يعتب عليه هيكون مبرره ان دا تفويض من الشعب

اكيد كان في اي حل اي حل غير الطريقه الرخيصه دي
الـــــــــــــــــــــدم حـــــــــــــــــرام
---------------------------------
إذا التقى المسلمين بسيفيهما ؛ فالقاتل والمقتول فى النار

قيل: هذا القاتل ، فما بال المقتول؟

... قال صل الله عليه وسلم : إنه كان حريصا على قتل صاحبه "

" كل المسلم على المسلم حرام ، دمه وماله وعرضه "

ماحدش يقولي السيسي قال محاربه الارهاب ونبذ العنف وماقالش محاربه الاخوان مش محتاجه ذكاء معروف يقصد مين بــ محاربه الارهاب ال في رابعه

وال حصل انهارده في القائد ابراهيم والبلطجيه ال دخلت جوه المسجد

اي ارهاب او عنف من الطرفين انا برفضه لان للاسف الطرفين مصريين ودمهم غالي




2 
bilsan yosef

قسما بالله اخيرا لقيت حد يقول انا ضد الاخوان بس حيادى
فعلا صدمتينى بكل شىء احييكى
للأسف قلوبناتدمى حزنا وقهرا ومحدش حاسس
نحن ليس من اجل شخص بعينه بل من اجل وطننا جميعا
انا معارضه للإخوان بس كنت هقبل بالسيسى لو كان فعلا مكن الشباب ومجبش حكومه اغلبهم سبعينات
لو كان فعلا وضع ميثاق اعلامى ومش بس لما المؤيدين لإنقلاب يخرجوا تتعرض كل حاجه
لو كان فعلا بعد عن السياسه ومطلعش يطلب تفويض للقضاء على الارهاب واستغلال حب الشعب ليه
لو كان فعلا مكذبش فى البيان وقال الحوينى والعوا واحمد فهمى وهشام قنديل
لو كان حافظ على مكتسبات يناير ومطلعش الحزب الوطنى تانى
لو كان مخدش الجبهه واسس اغلبها من الحكومه
لو كان مسابش وزير البترول والكهربا والداخليه
كل ده لو مكنش عمله كنت هأيده وابقى معاه لو مسقطش مئات الشهداء من الاخوان ونقول الاخوان قتلوا بعض
لو مكنش استشهد احمد عاصم وهو مصور قاتله بنفسه
ويطلع بعد كده نلاقيه منتحر
وغيره وغيره من اكاذيب وتلفيقات
للأسف حاجات كتير خليتنا نتنازل ولكن هنا اقول اسف
كرهى للإخوان لن يدفعنى لأن أكون حيوان فى زى انسان


3 
Immigrant

انا بايد كلامك جداا يا روفان وصد اي عنف سواء من هنا او من هنا

اما بالنسبه للاعلام فاحنا معندناش اعلام لا مسموع ولا مرئي ولا مقروء ال عندنا اعلام تجاره

وبالنسبه للتفويض
احب اقلك ان السيسي نائب رئيس الوزراء للامن القومي
وعاوز اقلك ان الدستور بيقول اي عمليه عسكريه لابد من موافقه مجلس النواب
وبما ان مفيش مجلس يبق ف شعب
الارهاب ال يقصده مش انه يقتل الاخوان
هو عاوز القيادات ال انت شيفاها نازله شتيمه ولعن وتكفير ف الناس
وتحريض ع القتل وغيره
انما الشباب الاخواني اخواتنا وقرايبنا هم بس مشكلتهم انهم مغيبين عن المشهد

اه بالنسبه لل بيحصل فرابعه انا لسه مش عاوف ف ايه لان لسه بره ومرجعتش البيت
انا ارفض لو ف هجوم ع المتظاهريين
بس خد بالك ان لو دا حصل فدا بيحصل كل يووم بين الشرطه والمتظاهرين
لان العمليه العسكريه لسه مبدأتش ولسه الجيش مبداش فحاجه
لانه قال مفيش بيان اليوم

بحيكي يا روفان ع حياديتك


وربنا ينصر مصر


4 
روفان

اقتباس: المشاركة الأصلية كتبت بواسطة bilsan yosef  مشاهدة المشاركة
قسما بالله اخيرا لقيت حد يقول انا ضد الاخوان بس حيادى
اقتباس:




لا ياحبيبتي لسه
فيه ناس حياديه كتير بس للاسف الحيادي الايام دي بيقولي عليه متلون



اقتباس: المشاركة الأصلية كتبت بواسطة bilsan yosef  مشاهدة المشاركة
اقتباس:




فعلا صدمتينى بكل شىء احييكى

للأسف قلوبناتدمى حزنا وقهرا ومحدش حاسس

نحن ليس من اجل شخص بعينه بل من اجل وطننا جميعا

انا معارضه للإخوان بس كنت هقبل بالسيسى لو كان فعلا مكن الشباب ومجبش حكومه اغلبهم سبعينات

لو كان فعلا وضع ميثاق اعلامى ومش بس لما المؤيدين لإنقلاب يخرجوا تتعرض كل حاجه

لو كان فعلا بعد عن السياسه ومطلعش يطلب تفويض للقضاء على الارهاب واستغلال حب الشعب ليه

لو كان فعلا مكذبش فى البيان وقال الحوينى والعوا واحمد فهمى وهشام قنديل

لو كان حافظ على مكتسبات يناير ومطلعش الحزب الوطنى تانى

لو كان مخدش الجبهه واسس اغلبها من الحكومه

لو كان مسابش وزير البترول والكهربا والداخليه

كل ده لو مكنش عمله كنت هأيده وابقى معاه لو مسقطش مئات الشهداء من الاخوان ونقول الاخوان قتلوا بعض

لو مكنش استشهد احمد عاصم وهو مصور قاتله بنفسه

ويطلع بعد كده نلاقيه منتحر

وغيره وغيره من اكاذيب وتلفيقات

للأسف حاجات كتير خليتنا نتنازل ولكن هنا اقول اسف

كرهى للإخوان لن يدفعنى لأن أكون حيوان فى زى انسان




الله ينور عليكي انا محتاره اعمل اقتباس لــ ايه ولا ايه ردك كله عجبني جدا ودا ال عايزه اوصله مافيش ملاك بلاش الثقه العمياء دي في السيسي او غيره مش بشكك فيه بس احنا شعب طيب السيسي عمل حاجه كويسه نفضل نمجد فيه لحد ما يقدس

وانا اتصدمت لما شوفت تشكيل الوزاره الجديد كلهم مخلصين خدمه فين الشباب هنفضل كل تشكيل حكومه نقول ال جايه هتبقي شباب

واتصدمت اكتر من التفويض ال طلبه دا تصفيه لفصيل في الدوله سواء اختلفنا معاه او اتفقنا

للاسف اي حاجه بيدخل في مجال السياسه او المناصب الحساسه في الدوله مش بيقدر يفضل نقي

نورتيني وتقيم كبيررر لردك +++




5 
Ma Ged

كلامك سليم اوي ياروفي


اقذر اعلام في الكووووون خلاص بقا صوروا التحرير وكله تمام وخدوا التفويض والناس مروحة عشان تتسحر
والعدد اقل بكثير جدا جدا من 30-6

ومتجاهل اللي صامدين 28 يوم حر وصيام وبهدلة وقنابل مسيلة واعتدائات

بس عادي الاعلام دا كان بيقول 30 يونيه دى ثورة رغم وقوف كل أجهزة الدولة معاها من شرطة وجيش وقضاء و إعلام و دلوقتى يقنعك إن الشعب بيرحب بالوضع الجديد رغم الملايـين اللي خرجت فى جميع المحافظات ضد الإنقلاب العسكرى

مش الاعلام وبس كله والصحافة وغيرهم
بس المفروض عندنا مخ وبنفكر !!

السيسي غلط غلطة عمره ومش عارف يطلع منها ازاي ليه تيجي ع فئة لحساب فئة تانية
يقوم يدعي لحرب اهلية بيستحل الدم تحت غطا الشعب احسن ماتطير رقبته

وكل دا وناس تقول الاخوان بيقتلوا دول سفاحين وساعات الهبل بيشتغل ويقولوا بيموتوا فـ نفسهم
خلي بالك الجماعات الجهادية لسا متحركتش وربنا يستر تبقي حرب بجد ودم بدم بقا :/

طريقته قديمة اوي الفاشل دا



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.