العودة   منتديات المصطبة > الأقسام الأدبية > منتدى القصص والروايات

منتدى القصص والروايات قصص رومانسية، قصص حقيقية، قصص حب، قصص الرعب والخيال، قصص قصيرة


1 
crazy_dodo

كان فى اب و ابنه الصغير عايشين ف بيت صغير ف اسكندريه و الام ماتت من كذا سنه و من ساعة ما ماتت و الاب دايما مشغول و مش فاضي لابنه يا دوب يشوف طلباته و بس
و ف يوم دخل الطفل على باباه و هو هلكان من الشغل , فمن الصبح ل بليل وهو بيتابع مشاريعه ومقاولاته ,و يرجع ياكل و ينام بس
فقال الطفل : ليه يا بابا مبقتش تلعب معايا و ت...حكيلي قصص زى زمان , وحشتني قصصك
واللعب معاك اوى ايه رايك تلعب معايا النهارده شويه وتحكيلي حدوته قبل النوم ؟
الأب / يا بني أنا مبقاش عندي وقت للّعب و الكلام ده , عندي شغل كتير اوى و وقتى ثمين
الطفل / اديني ساعه واحده بس من وقتك , انت وحشني اوى يا بابا
الأب / يا بنى يا حبيبي أنا بشتغل و بتعب عشان خاطرك و اجبلك كل اللعب اللى انت عايزها و الحمد لله مش حارمك من حاجه , والساعة اللى عايزني اقعد فيها معاك دي اقدر أكسب فيها مش اقل من 100 جنيه فمعنديش وقت اضيعه معاك , يلا روح العب مع صحابك و بلاش غلبه
عدت الأيام و زاد انشغال الأب اكتر و اخد باله ان ابنه بيزيد حزن و هو مش بايده يعمله حاجه ففكر بطريقه يعوضه بيها و الحل كان بالفلوس فكل يوم يديله خمسه جنيه عشان يتفسح بيهم وفي يوم من الأيام شاف الطفل باب مكتب باباه مفتوح فدخل عليه .
الطفل / بابا ممكن تديني خمسه جنيه؟
الأب / ليه ؟ انا باديك كل يوم خمسه جنيه فسحه بتعمل بيهم ايه؟ يلا امشي من وشى مش هاديك حاجه دلوقتي
فميشي الطفل وهو زعلان , فقعد الأب يفكر في اللى عامله مع أبنه , فقرر يروح غرفته يصالحه , ويديله الـخمسة جنيه
فدخل الاب غرفة الطفل و قال: حبيب بابا زعلان؟
الطفل: لا يا بابا و ازعل ليه
الاب: لا زعلان .. و انا مقدرش على زعلك اهى الخمسه جنيه
فرح الطفل بالخمسه جنيه دول اوى و قعد يتنطط , فراح ناحية سريره و رفع المخده ,اندهش الاب لما شاف فلوس كتير تحت المخده و الطفل بيرتبهم و بيعدهم قدامه
قال الاب: ازاى تقولى عايز فلوس و انت معاك كل الفلوس دي؟
الطفل / كنت بجمع كل الفلوس اللى بتدهاني للفسحه , و متبقاش الا خمسه جنيه دي عشان اكمل 100 جنيه و دلوقتى كملو خد يا بابا ال100 دي واديني ساعة من وقتك ؟؟؟؟؟؟؟؟؟؟




2 
Bonbonai Di Ana

يااااااااااااااه ياعنى الواد قعد يحوش فى 100جنيه علشان باباه يقعد معه ساعه
على كد انا كمان احوش100 جنيه
ههههههههههههههههههههههههه
نايس توبيك ياقمر


4 
ملكة بكبريائى

الله
بجد مش عارفه اقلك ايه قصه فظيعه اوووووى
جميله جدا جدا جدا

تخيلى مدى انشغال الاب ادى الابن لانه يقول كدا ويحوش
بس الصراحه الولد دا لعيب هههههه حوش 100 جنيه ياااااة



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.