العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
eslam




في ظل الظروف المحيطة بينا وازمة الشباب المنتشرة تخيلو معايا الموقف ده تتجوزى باشمهندس ( سباك اد الدنيا ) ولا تقعدى جنب مامتك؟؟؟ 40.gif


جه عريس لبنت في اسرة متوسطة ......العريس شاب لم يبلغ الثلاثين بعد، متخرج في كلية الهندسة، ويملك شقة في حي راقٍ، وسيارة "آخر موديل"، ورصيداً مقبولاً في البنك، يضمن لابنتهم حياة مستقرة لا تتأثر بأي زلازل اقتصادية محلية أو عالمية، "مستريّح مادياً م الآخر يعني".. وأشرقت الدنيا و"زهزهت" في عيونهم، وهم يتنفّسون الصعداء بقرب "انزياح" ابنتهم أخيراً إلى "بيت العَدَل"، فهذا هو العريس الذي لا يقول له أحد "لأ".


عادت العروس وأمها تدريجياً من أحلام اليقظة على صوت الأب، وهو يسأل العريس:
- "وإنت بتشتغل إي بقى يا "وليد" يا ابني؟"

- "والله يا عمي أنا الوظيفة ما بتأكّلش عيش، فقلت أشتغل حر".

ابتسم الأب وهو يزداد إعجاباً بزوج ابنته المستقبلي، وقال:
- "ما شاء الله.. ما شاء الله يا ابني! كويس إن شاب في سنّك وعنده العقلية دي.. ويا ترى بقى بتشتغل في إيه؟"

- "يعني يا عمي، عندي شنطة سباكة صغيرة كده، والأوردرات طول النهار شغالة ع الموبايل، وأديني باكل منها الشهد الحمد لله".

مع آخر كلمات العريس أفاق أهل العروس تماماً من أحلام يقظتهم، وإن كانوا لم يستوعبوا حرفياً معنى كلام العريس؛ مما جعل أباها يعيد السؤال بشكل أوضح:
- "يعني بتشتغل.. سباك..!!؟"

قال العريس وهو لا يزال مبتسماً:
- "أيوه يا عمي".

بُهت أهل العروس، بعدما اكتشفوا أن هذه الإجابة كانت إيذاناً بـ"فشكلة" الموضوع، والجلوس في انتظار "العَدَل" لابنتهم من جديد.

*******************************
ياترى يا هل ترى لو إنتِ في مكان عروسة "وليد"تتجوزى باشمهندس ( سباك اد الدنيا ) ولا تقعدى جنب مامتك؟؟؟ 53.gif، هتسيبي باباكي يطرده، لمجرد إنه مش بيشتغل شغلانة تقدري "تتفشخري" بيها قدام أصحابك وقرايبك وأي حد يسألك -سؤالاً ليس وراءه أكثر من فضول القيل والقال- عن مهنة عريسك
، أم أنكِ ستفكرين بمنطقية، وتحكمين على الشاب من منطلق أخلاقه وتديّنه والمستوى اللائق مادياً؟؟ خاصة وأنه متعلم ويحمل شهادة جامعية؟


الموضوع طبعاا متاح للبنات فقط وياريت اعرف من البنات وجهة نظرهم بمنتهى الصراحة

وبس




2 
احساس ملاكـ !

ههههههههههههههههههههههه
عارف والله انا تخليت الموقف ادامى وضحكت ضحك
المهم
هتسيبي باباكي يطرده
طب ويطرده ليهـ هو السباكـ ده مش بنى اادم ولا ايه
وهو شغلانهـ شريفهـ هو مش حرامى ولا صياع او بلطجى وكفايا انه
بيشتغل مش زى الخارجين بتوع اليومين دول مستنى الوظيفه واعد جنب ماماتهـ بس انا عن نفسى وبجد منتهى الصراحه عشان ما بقاش كدابه
استحاله اتجوز سباكـ لو قطعونى
والله مش مستقليه بى ولا حاجة بس برضهـ
بس مينفعش لازم يكون واحد متثبت ف شغل ثابت يقدر
يعيشنى بى وبى عيالى مستقبيلا عيشه مستقرة مرتاحهـ
يعنى هو ممكن يكون يوم شغل و 10 لا وطب وع ايه
وبصراحه استحاله اقول لحد خطيبى سباكـ لان محدش هيصدق
انه خريج هندسهـ
يعنى ومحدش عارف بيبقى نصيبه فين
يسلمو يا اسلام


3 
eslam

ومالة السباك مش بنى ادم انا عن نفسى شايف ان الراجل طالما بيشغل يبقى خلاص

بس انتى سبب عدم القبول مش علشان شغال يوم و10 لا التوبك واضح فى ان الشاب دة مرتاح يعنى الشغل متواصل لكن الواضح من كلامك حتة قدام الناس اقول اية جوزى سباك ؟

طب البنت تجوز سباك ولا مافيش احسن ؟


والله سمعت تعليق قبل كدة من بنت ف برنامج ما انها قالت انا عايزة اتجوز وخلاص ولو ليوم واحد علان تخلص من لقب عانس

ذا جاءكم من ترضون دينه وخلقه فزوجو


ميرسى ع المرور ملاك




4 
احساس ملاكـ !

لا اسلام انا ماقولتش كدا
انا ما قولتش ان السبالكـ مش بنى ادام
ع فكرة
كلامك حتة قدام الناس اقول اية جوزى سباك ؟
زمان كان ينفع نتقول البت جوزى سباكـ ايام امى ومامتكـ
جدتى وجدتكـ بس دلوقى 2011 العقل اتغير وكل حاجة اتغيرت يعنى قليل اوى لما تلاقى
شاب بيشتغل سباكـ بس دى الشغلانه بتاعتهـ
طب البنت تجوز سباك ولا مافيش احسن ؟

اتحداكـ انها لو خريجه كليه او دبلوم او معهد هترضى
طيب انا بقى عندى سؤال ليكـ
لو اتقدم لاختكـ سباكـ انت ترضى ؟


5 
eslam

اه والله لو هيحافظ عليها ويبقى شخصية محترمة لية لاا


مش احسن ما يبقى متعلم وغنى ومش محترم ويطلع عنيها


انا يهمنى الشخص نفسة مش بفكر بشكل سطحى فهمنى يا ملاك




Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.