العودة   منتديات المصطبة > الأقسام الأدبية > منتدى الحب والرومانسية

منتدى الحب والرومانسية مواضيع الحب والرومانسية وكل ما يتعلق بالحب وأنواعه وأروع ما قيل فيه من كلمات


1 
زهره نيسان

كل ما شفت حدا كاتب رومانس بجن جنوني almastba.com_1387568994_593.png


كل ما شفت حدا كاتب رومانس ..
بروح وبنق ع راس حبيبي
بيبي بيبي , اكتبلي هيك
اعملي هيك
قلي متل ما قال بطل هالقصة
بيبي بيبي ..كون رومانسي متلن
بيبي بيبي , ليه هيك انت بليد؟
كان بيسكر المكالمة .. بدون ما يحسسني إنو مدايئ
بيسهر مخنوق ..
كتير مكروهة إنو الشب يحس حالو مو معبي عين حبيبتو
بيصير يسرق كتابات , بيقلدا
ما بيمشي الحال
بيخلي رفيقو يكتبلو ..
بس بعدين يقول ما رح اخدع حبيبتي
بيزعل كتير .. الله خلقو هيك ,
شو بيعمل يعني

لما طلعنا مع رفقاتنا هداك اليوم
الكل كان عم يجيب سيرة هديك الصفحة صفحة الحب ..
عم يتناقشوا
ويا الله أديش بيكتب حلو صاحبها
اطلع ع عيوني ..
وشاف لمعة عيوني
وأديش مسحورة بالموضوع .. قلن .. اسمعوني شوي
الكل صار يطلع فيه ..
أنا كاتب شي وبدي قولو لـ حبيبتي
صاروا يضحكوا ورفقاتو الشباب بلشوا يصفقوا
اييييييييه يا رومانتيك انت..

رفقاتنا الصبايا بلشوا يوشوشوني
روووووحي أيامك , نيالك , هههههههه
الكل عم يترقب .. بلش يحكي قال أول جملة .. تاني جملة , ومع أول كلمة بالجملة التالتة تشردق بـ كلماتو , خربط , مدري نسي الحكي
صاروا يضحكوا عليه
يلعن دييييييييبك عاملي حالك فيا شاعر
هو خربط لأنو بيخجل كتير
مو بإيدو صار وشو أحمر
كره حالو لأنو هيك صار

تركن وصار يمشي بسرعة
طلع لـ برا , عم يسب حالو
بدو يوقف تكسي
مد ايدو ..لاقى ايدي .. مسكت كنزتو وسحبتو لورا
اطلع فيني متلبك ..خجﻻن
- أنا آسف
_ (............)
- خجلتك قدام رفقاتي بس .. أنا ما بعرف كون هيك
_ (.........)

- بدي روح أنا
_ "ابتسمت" بدي حبك أنا

- صغرت بعينك ؟
_ فشر انك تصغر بعيني
ما كان يعرف المجنون شو عمل فيني
جرئتك وتحديك لحالك كرمالي بيكفيني
خجلك ووشك الأحمر وعرقك بيكفيني
ما عاد بدي تكتب متل حدا
ولا تقلد حدا
يضربو كل صفحات الحب
بدي ياك هيك ..
حبيبي الخجول الي ما بيعرف يعبر
بدي ياك هيك .. تتلبك وما تعرف تغازلني إلا بعيونك ..

بدي ياك .. بدي ياك
يا خجولي ~°

واقف حبيبي من الخجل ع حفة البسمة,, كل ما اجا يحكي غزل بيضيع الكلمة
وبيستحي.. بعرف حبيبي بيستحي ,,و بعز لحظات الهوى .. كل شي ع بالو بينمحي
يا ريت لو بيطفي القمر ,, ت يحكي عالعتمة




4 
الشاعرة

ههههههههههههههه ، كويس كويس
يكفيه شرف المحاولة .
جميل يا ليو : استفدت من القصة



Powered by vBulletin® Copyright ©2000 - 2019, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.