العودة   منتديات المصطبة > الأقسام العامة > منتدى النقاش الجاد

منتدى النقاش الجاد ناقش معنا بهدوء وبدون تعصب أشهر وأهم القضايا والمواضيع التى تشغل الجميع


1 
Layla

تلك الاجواء الصاخبة تتذكرونها كما هي..
وكأن الوقت يتوقف عند الحدث الابرز في التاريخ الحديث لمصر..
الثورة البيضاء..
تلك الايام التي امتلات بالنقاشات والمناظرات..
وفرح..وقلق...وخوف..
تلك الايام التي تواجد بها كل مصري للمرة الاولى..
وترقب كما ترقب الجميع هنا وهناك..
ماذا بعد الثورة..ماذا بعد التنحي..ماذا بعد عودة الحياة..؟
وها المواطن المصري يعود من جديد..
بتلك الاجواء بداخلكل واحد تضطرب من جديد..
وكأن عهد اليوم هو عهد الثورات...!

جمعة الاصرار..الثورة اولا..او جمعة القصاص..
جائت تؤكد على مطالب لم تحقق..
على ثورة لم تكتمل..
او ثورة على وشك الضياع..
تنادي كما نادت الثورة الام..
العداله..والقصاص..

خرجت التظاهرة كأجمل ما يكون من توافق وطني..
وانتهت على اختلاف كبير..
بين القوى السياسيه في البلد..
وبين افراد الشعب بعضهم ضد بعض..

وطرحت سؤال يحتاج الكثير والكثير..
من جهد..وقت..وتفكير
قبل الاجابة الصحيحة والتي تحتاجها مصر منكم .

هل توافق على الاعتصام المفتوح..؟
هل توافق على غلق ميدان التحرير أمام الحركة المرورية..؟
وهل توافق على اضراب المتظاهرين عن الطعام..؟

اسئلة سنح لي الوقت ان اتحدث مع اكتر من عقلية عنها..
وسأعرض بعضها لكم تباعا..

فالبعض يرى ان وقف عجلة الانتاج تلك مزحة كبيرة..
وان المظاهرات والاعتصامات لا تؤثر تماما على الدولة..
ولا دخل لها في هبوط البورصة وضعف الاقتصاد..!

كما يرى البعض ان حتى عدم وجود الامان في البلد..


هو الاخر مزحة..تضليل وتخويف للشعب المصري..
غير معلوم المصدر ولكن معلوم الهدف..
وهو عدم استكمال مسيرة الثورة الى النهاية..

وعلى النقيض يرى البعض ان استمرار الاعتصام المفتوح
له كبير الشأن في التاثير على الحاله الاقتصادية للدولة..
خاصة وانتم في وقت انتظرتموه كثيرا
كي يعيد بعض النشاط السياحي للبلاد..
وخاصة السياحه الداخليه والمصايف وما حوله..
ودخول شهر رمضان والانتعاش الاقتصادي الملازم..
ومع وجود مظاهرات واعتصامات سيكون التاثير سلبيا..

تلك وجهات نظر وغيرها الكثير والكثير..

((رأي الكاتب))

لا اتمنى قط ان ارى البلد في مرحلة ما تندم على مظاهرة..
او اعتصام..او حتى مناداة..كان لها تاثير سلبي..
ولا اتفق على ان تتركو الثورة بلا نتائج حقيقية ملموسة..
تلك معادلة صعبة..
ان كانت الاعتصام المفتوح والاضراب عن الطعام مرفوض..
فان التظاهر حق وواجب يجب ان تعطوه لمصر..
كي تكتمل ثورتها..في ابهى صورة..
وتظل ثورتكم..الثورة البيضاء..

اذا ماذا في بالك انت..؟؟؟

اتمنى ان ينال اعجابكم

يا نهاري
دا انا بقيت مصرية رسمي ما اشبه اليوم بالبارحه s04.gif



2 
Wana Maly

ههههههههههه
والله يا ليلى طول ما البلد فيها فساد لحد دلوقتى عمرها ما هتتقدم ولا هتتصلح رغم ان حصل فيها اصلاحات كتيرة واكبر دليل خلع الراحل مبارك بس للأسف لسه فيه ناس كتير مش كويسة ماسكين مناصب لحد دلوقتى ولازم دول يتخلعوا هما كمان علشان نبدأ عصر الحرية والتعمير من جديد فى مصرنا الحبيبه

موضوع مميز احييكى عليه يا ليلى
احلى تقييم ...


3 
Layla

ههههههههههههههه
فرحان فيا اوي يعني

اها ان شاء الله الكل يتصلح
هو في ناس اتحاسبت مع مبارك بس دول الي كانو في وش المدفع و التعاملات كانت امام الملا
بس الي كانو يتعاملو و ياكلو حق الناس من ورا الستارة و مختفيين و يتميزو بالنفاق
هوما دول الي قاعدين دلوقتي

ربنا ينتقم من كل ظالم

منور التوبيك و ميرسي ع التقييم


4 
shere

كلامك جميل يا ليلى وانا معاكى فيه
وياريت بأه نهدى كده علشان الامور ترجع لوضعها الطبيعى
وترجع تانى مصر بلد الامن والامان زى ما كانت طول عمرها وكفاية خراب وفساد كده
تسلم ايدك يا لولا واحلى + تقييم صغنن كده


5 
شهد الثورة

والله يا ليلى انا مع ان المظاهرات تستمر لكن مش مع الاضراب عن الطعام لان دول خسارة فيهم


واهنيكى على الموضوع دة


6 
sweety girl

انا من الاخر كده انا ضد الثورة تماما و مع الرئيس مبارك و نفسى يطلع براءة و يتكرم و دى اقل حاجة تتعمله


7 
راحل

موضوعك جميل ياليلى
بس للأسف المشكلة إن الناس فاهمة إن مشاكل 30 سنة هاتتحل فى شهور
ياجماعة بالنسبة للأحوال الإقتصادية مش هاتتحل دلوقتى خالص ومش هانعتمد إن الثروات اللى إتنهبت ترجع
وماحدش معاه عصاية سحرية عشان نغمض عينينا ونفتحها نلاقى الدنيا بقت وردى
بالعكس أعتقد إن طبيعى الفترة اللى جاية يكون فيها ركود اكتر من فترة الرئيس المخلوع
أما بالنسبة لبطء المحاكمات وحاجات تانية مستخبية دى أنا مع الناس فيها
وللاسف فى مشكلة كبييييييييييرة اوى ان لما يتعرف ان الناس طالعة فى مظاهرة واعتصام يوم كزا عشان سبب معين
تبتدى الحكومة تعالج السبب المعين ده
طب يبقا انتوا اللى حسستونا ان انتوا مش هاتيجوا الا بكدة
وده اللى خلى الناس تعتصم
لكن انا مش مع الاعتصام المفتوح والاضراب عن الطعام والكلام ده
وماااااااااحدش هايقدر يزور حاجة مهما المحاكمات إتأخرت فى الأخر الأحكام اللى فى دماغ الناس هايتحكم بيها
عشان الدنيا كلها بقت عارفة اننا مش هانسكت بعد كدة وماحدش هايمشى جنب الحيطة
المهم ياجماعة لااااااااازم كلنا نبقا قد المسؤولية
اعتبروا مصر دى بيت جديد اشتريناه وعايزين نخليه البيت الجديد ده فى ابهى صوره عشان نحس بالتغيير عن البيت القديم
ساعتها هاتفضل تنحت فى الصخر وتشتغل وتعمل كل حاجة بوسعك عشان تخلى البيت ده فى ابهى صوره
والله المستعان لإن فعلا الواحد مابقاش عارف الصح إيه
ويلا بقا مش عايزين نتكلم فى السياسة هوووووووووووووص
هههههههههههههه
ميرسى ياليلى على إهتمامك ببلدك التانى


8 
wonderful*Girl

موشـ عأأأأأرفه أرد.
فكرت بس موش لاقيه كلام..
بس معاكي برضوووووو
يلا خليكي مصريه
ونبقى ع الهوا سواا..
هيهيهيههي
نايس توبيك


9 
شهد الثورة

اقتباس: المشاركة الأصلية كتبت بواسطة قلـــــ صادق ـــــب  مشاهدة المشاركة
انا من الاخر كده انا ضد الثورة تماما و مع الرئيس مبارك و نفسى يطلع براءة و يتكرم و دى اقل حاجة تتعمله



ههههههههههههههههههههههههههههههه


10 
princess emee

والله انا من ناحية ارفض طبعا ان المتظاهرين يمتنعوا عن الاكل او يعطلوا المصالح الحكومية ولكني معهم في ان يتظاهروا بعد اوقات العمل وفي الاجازات مما لايضر بمصالح البلد وعشان ميبقاش عند الناس اللي ماسكنا اي حجة
وبالنسبة للمجلس الاعلى للقوات المسلحة احنا مش طالبين انكم تصلحوا حال البلد بين يوم وليلة ولا انكم تخلونا اول بلد ف العالم
احنا عارفين ومقتنعين تمام الاقتناع انها فترة انتقاليه وياريت على الاقل يبقى الوضع كما هو عليه مش يتدهور اكتر ودا من اعداء الثورة وياريت متساعدهومش ع كده
الشعب عايز منكم
اولا انكم تصارحوا الناس بكل خطوة هتتخذوها هنعمل كذا يوم كذا وكده وتريحونا ع الاقل بدل ما الشعب مش عارف انتوا ناويين ع ايه
ثانيا
احنا مش عايزين نعمل دستور الا بعد ما ننتخب اللي هيمثلونا ف مجلس الشعب والشورى وبعدين ننتخب رئيس الجمهورية وكمان من حقنا ننتخب كل فرد في الهيئة اللي تعمل الدستور وكل مادة تكون ف الدستور لازم يكون الاغلبية موافقين عليها
وان شاء الله يوم الجمعة القادمة هيكون في تغير للاحسن وربنا يسترها ع بلدنا
والله الواحد ما ليه ف السياسه خالص ههههههههه
تسلمي يا قمر







Powered by vBulletin® Copyright ©2000 - 2020, Jelsoft Enterprises Ltd.
المواد المنشورة في منتدي المصطبة لا تُعبر بالضرورة عن وجهة نظر القائمين على الموقع ولكنها تعبر عن وجهة نظر كاتبها فقط.